ସିମଲା ୭।୪: ଦେଶରେ କରୋନା ଭାଇରସ୍ ସଂକ୍ରମଣ ବଢିବାରେ ଲାଗିଛି । ଯାହାକୁ ନେଇ ପ୍ରଶାସନର ସମସ୍ୟା ମଧ୍ୟ କ୍ରମାଗତ ଭାବେ ବୃଦ୍ଧି ପାଉଛି । ହିମାଚଳର ଡିଜିପି ସୀତାରାମ ମରଡି କରୋନା ପଜିଟିଭ ରୋଗୀଙ୍କୁ କଡା ନିର୍ଦ୍ଦେଶ ଦେଇଛନ୍ତି । ଡିଜିପି କହିଛନ୍ତି ଯେ ଯଦି ଜଣେ କରୋନା ରୋଗୀ କୌଣସି ପୋଲିସ, ଡାକ୍ତର କିମ୍ବା ଅନ୍ୟ ବ୍ୟକ୍ତିଙ୍କ ଉପରେ ଛେପ ପକାନ୍ତି, ତେବେ ହତ୍ୟା ଉଦ୍ୟମ ଧାରା ଅଧୀନରେ ସେହି ରୋଗୀଙ୍କ ବିରୋଧରେ ମାମଲା ରୁଜୁ ହେବ । ଯଦି ସେହି କାରଣରୁ ଅନ୍ୟ କେହି ମରିଯାଆନ୍ତି, ତେବେ ହତ୍ୟା ମାମଲା ରୁଜୁ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
କରୋନା ଭାଇରସ୍ ରୋଗୀ ଛେପ ପକାଇବାର ଅନେକ ଘଟଣା ଅନ୍ୟ ରାଜ୍ୟରୁ ମଧ୍ୟ ଆସିଛି । ତେଣୁ ପୋଲିସ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛି । ଡିଜିପି ଏକ ଭିଡିଓ ବାର୍ତ୍ତା ଦେଇ ଏହା ସ୍ପଷ୍ଟ କରିଛନ୍ତି ଯେ ଯଦି ସେମାନେ ନିଜକୁ ରୋଗୀ ଭାବିବେ ନାହିଁ, ତା’ହେଲେ ସେମାନଙ୍କ ସହ କୌଣସି ମାନବିକତା ଗ୍ରହଣ କରାଯିବ ନାହିଁ ଏବଂ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ନିକଟରେ ହିମାଚଳ ପ୍ରଦେଶରେ ମଧ୍ୟ ଅନେକ ଛେପ ପକାଇବା ଘଟଣା ଦେଖିବାକୁ ମିଳିଛି ।
ସୂଚନାଯୋଗ୍ୟ ଯେ, ଡିଜିପିଙ୍କ ଚେତାବନୀ ପରେ ଏପର୍ଯ୍ୟନ୍ତ ୧୨ ଜଣ ଜମାତ ସଦସ୍ୟ ଆଗକୁ ଆସି ପ୍ରଶାସନ ଏବଂ ପୋଲିସକୁ ସୂଚନା ଦେଇଛନ୍ତି । ଏହା ସହିତ ସିମଲା ଏବଂ ଚାମ୍ବାରେ ସହଯୋଗ କରିନଥିବା ୧୨ ଜଣଙ୍କ ବିରୋଧରେ ଏଫଆଇଆର ବ୍ୟତୀତ ୫୨ ଜଣଙ୍କ ସହ ଯୋଗାଯୋଗ କରାଯାଇଛି ।
ଡିଜିପି ରବିବାର ଦିନ ଚେତାବନୀ ଦେଇଥିଲେ ଯେ, ଯଦି ଜାମାତ ସହ ଜଡିତ ଲୋକମାନେ ଅପରାହ୍ନ ୫ ଟା ପର୍ଯ୍ୟନ୍ତ ସ୍ଥିତି ଏବଂ ବିଦେଶ ଗସ୍ତ ସଂପର୍କରେ ନଜଣାନ୍ତି, ତେବେ ପୋଲିସ ସେମାନଙ୍କ ବିରୋଧରେ ୩୦୭ ଏବଂ ୩୦୨ ଭଳି ଧାରା ଲଗାଇ କାର୍ଯ୍ୟାନୁଷ୍ଠାନ ଗ୍ରହଣ କରିବ।