Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ନିଲ୍ ରେଜଲ୍ଟ କରିଥିବା ୯ କଲେଜ ବିରୋଧରେ ହେବ କାର୍ଯ୍ୟାନୁଷ୍ଠାନ, ୧୭ରୁ ପିଲାଙ୍କୁ ମିଳିବ ପ୍ରୋଭିଜନାଲ ସାର୍ଟିଫିକେଟ

3/06/2019 at 2:52 PM

ଭୁବନେଶ୍ବର୩|୬: ପ୍ରକାଶ ପାଇଛି ଯୁକ୍ତ ଦୁଇ ବିଜ୍ଞାନ ରେଜଲ୍ଟ । ଭୁବନେଶ୍ବର ଜୟଦେବ ଭବନ ଗୀତଗୋବିନ୍ଦ ଅଡିଟୋରିୟମରେ ଫଳ ପ୍ରକାଶ କରିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ । ଚଳିତ ବର୍ଷ ପାସ ହାର ୭୨.୩୩ ପ୍ରତିଶତ ରହିଛି । ଯାହାକି ଗତବର୍ଷ ତୁଳନାରେ ୪ ପ୍ରତିଶତ କମ୍ ବୋଲି ଜଣାପଡିଛି । ୨୯ ଟି କଲେଜରେ ଶତ ପ୍ରତିଶତ ରେଜଲ୍ଟ ହୋଇଛି । କିନ୍ତୁ ୯ଟି କଲେଜରେ ରେଜଲ୍ଟ ନିଲ୍ ହୋଇଛି । ତେବେ କାହିଁକି ଓ କଣ ପାଇଁ ରେଜଲ୍ଟ ନିଲ୍ ହୋଇଛି ତାର ତଦନ୍ତ କରାଯିବ ବୋଲି ମନ୍ତ୍ରୀ କହିଛନ୍ତି । …

ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ଯୁକ୍ତ ଦୁଇ ବିଜ୍ଞାନ ରେଜଲ୍ଟ ପ୍ରକାଶ । ସ୍କୁଲ ଓ ଗଣଶିକ୍ଷା ମନ୍ତ୍ରୀ ଭୁବନେଶ୍ବର ଜୟଦେବ ଭବନ ଗୀତଗୋବିନ୍ଦ ଅଡିଟୋରିୟମରେ ରେଜଲ୍ଟ ପୁସ୍ତିକା ଉନ୍ମୋଚନ କରିଛନ୍ତି । ଚଳିତ ବର୍ଷ ପାସ୍ ହାର ହେଉଛି ୭୨.୩୩ ପ୍ରତିଶତ । ପରୀକ୍ଷା ଦେଇଥିଲେ ୯୭ ହଜାର ୭୫୦ ଜଣ ପରୀକ୍ଷାର୍ଥୀ । ସେମାନଙ୍କୁ ମଧ୍ୟରୁ ପାସ୍ କରିଛନ୍ତି ୭୦ ହଜାର ୭୦୬ ଜଣ ପରୀକ୍ଷାର୍ଥୀ । ପ୍ରଥମ ଶ୍ରେଣୀରେ ୨୯.୪୨ ପ୍ରତିଶତ ଉତ୍ତୀର୍ଣ୍ଣ ହୋଇଥିବା ବେଳେ ଦ୍ବିତୀୟ ଶ୍ରେଣୀରେ ୩୩.୮୧ ପ୍ରତିଶତ ଓ ତୃତୀୟ ଶ୍ରେଣୀରେ ୩୫.୮୭ ପ୍ରତିଶତ ପିଲା ପାସ୍ କରିଛନ୍ତି । ୬୦ ଜଣ ଛାତ୍ରଛାତ୍ରୀ ୯୦ ପ୍ରତିଶତରୁ ଅଧିକ ନମ୍ବର ରଖିଛନ୍ତି । ଚଳିତ ବର୍ଷ ପାସ୍ ହାରରେ ଫୁଅଙ୍କ ତୁଳନାରେ ଆଗରେ ଅଛନ୍ତି ଝିଅ । ସେହିପରି ବାଲେଶ୍ବରରେ ସର୍ବାଧିକ ପାସ୍ ହାର ୮୬.୫୬ ପ୍ରତିଶତ ଥିବା ବେଳେ ଗଜପତିରେ ସର୍ବନିମ୍ନ ପାସ୍ ହାର ରହିଛି ୩୬.୨୦ ।

ଚଳିତ ବର୍ଷ ୨୯ଟି କଲେଜରେ ଶତ ପ୍ରତିଶତ ରେଜଲ୍ଟ ହୋଇଛି । କିନ୍ତୁ ୯ଟି କଲେଜରେ ଜଣେ ହେଲି ବି ପରୀକ୍ଷାର୍ଥୀ ପାସ୍ କରିନାହାନ୍ତି । ଯେଉଁ କଲେଜରେ ରେଜଲ୍ଟ ଶୂନ ହୋଇଛି ତାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି ମନ୍ତ୍ରୀ କହିଛନ୍ତି । ରି-ଆଡସନ୍ ବା ରି-ଚେକିଂ ପାଇଁ ଛାତ୍ରଛାତ୍ରୀମାନେ ୧୫ ଦିନ ମଧ୍ୟରେ ଆବେଦନ କରିପାରିବେ । ସେହିପରି ଜୁନ୍ ୧୭ ତାରିଖ ସୁଦ୍ଧା କଲେଜରେ ପ୍ରୋଭିଜିନାଲ୍ ସାର୍ଟିଫିକେଟ୍ ମିଳିବ ।

ଗତବର୍ଷ ତୁଳନାରେ ଚଳିତବର୍ଷ ୧୫ ଦିନ ବିଳମ୍ବରେ ରେଜଲ୍ଟ ଆସିଛି । ସାଧାରଣ ନିର୍ବାଚନ, ଫୋନି ଓ ମୂଲ୍ୟାୟନକରୀ ଅଭାବ ପାଇଁ ରେଜଲ୍ଟ ବିଳମ୍ବରେ ପ୍ରକାଶ ପାଇଥିବା ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ କୁହାଯାଇଛି ।

   Related Posts