Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁହାଁମୁହିଁ ହେଲେ ୨ କାର୍, ସାମ୍ବାଦିକଙ୍କ ସମେତ ୩ ଗୁରୁତର
  • ||
  • ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ ପୂର୍ବରୁ ଜାଡେଜାଙ୍କ ଦମଦାର୍ ବ୍ୟାଟିଂ : ବଢିଲା ନ୍ୟୁଜିଲାଣ୍ଡର ଚିନ୍ତା, ବିସିସିଆଇ ପୋଷ୍ଟ୍ କଲା ଭିଡିଓ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୪୩୩୯ କୋଭିଡ୍ ପଜିଟିଭ୍ ଚିହ୍ନଟ
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୩୪୬ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • ମୋହନା ବାପା-ପୁଅ ହତ୍ୟା ଘଟଣା : ୧୨ ଅଟକ, ଗୁଣି ଗାରେଡି ସନ୍ଦେହରୁ ଡବଲ୍ ମର୍ଡର୍ !
  • ||
  • ଇସ୍ରାଏଲ୍‌ରେ ସରିଲା ନେତ୍‌ନ୍ୟାହୁଙ୍କ ଶାସନ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ସାରା ରାଜ୍ୟକୁ ଛୁଇଁଲା ମୌସୁମୀ : ୧୬ ଯାଏଁ ପାଗ ମେଘୁଆ, ହେବ ବିକ୍ଷିପ୍ତ ବର୍ଷା
  • ||

ବଦଳିବ କଟକର ଆଚାର୍ଯ୍ୟ ହରିହର କର୍କଟ କେନ୍ଦ୍ରର ନାମ , ଖୋଲିବ ନୂଆ କ୍ୟାନ୍ସର କୋର୍ସ: ମାଷ୍ଟର ପ୍ଲାନ୍ ପାଇଁ ଟାଟା ଟ୍ରଷ୍ଟକୁ ଦିଆଯାଇଛି ଦାୟିତ୍ବ

11/01/2019 at 4:40 PM

କଟକ ୧୧|୧: ବଦଳିବ କଟକ ଆଚାର୍ଯ୍ୟ ହରିହର କର୍କଟ କେନ୍ଦ୍ରର ନାମ । ଆଚାର୍ଯ୍ୟ ହରିହର ରିଜିଓନାଲ୍ କ୍ୟାନସର ସେଣ୍ଟର ଭାବେ ପରିଚତ ଏହି ମେଡିକାଲ୍‌ର କଳେବର ବୃଦ୍ଧି କରାଯାଇ ଆଚାର୍ଯ୍ୟ ହରିହର ପିଜି ଇନ୍‌ଷ୍ଟିଚ୍ୟୁଟ୍‌ ଅଫ୍ କ୍ୟାନ୍‌ସର ନାଁରେ ନାମିତ କରାଯିବ । ଏହି କର୍କଟ କେନ୍ଦ୍ର ପାଖରେ ଥିବା ଶିଳ୍ପ ବିଭାଗର ୪ ଏକର ଜାଗାକୁ  ହସ୍ପିଟାଲ ପାଇଁ  ଦେବାକୁ ରାଜି ହୋଇଛନ୍ତି ସରକାର । ନୂଆ କରି କିଛିଟା କ୍ୟାନ୍‌ସର କୋର୍ସ ଖୋଲିବା ପରେ କର୍କଟ ଚିକିତ୍ସା କ୍ଷେତ୍ରରେ ରୋଗୀମାନେ ଉପକୃତ ହେବା ସହ ନୂଆ ଡାକ୍ତର ବାହାରିବାର ସମ୍ଭାବନା ସୃଷ୍ଟି ହେବ ।

କଟକରେ ରହିଥିବା ରାଜ୍ୟର ସର୍ବବୃହତ କର୍କଟ କେନ୍ଦ୍ରର ହେବ ନବକଳେବର । ଆଚାର୍ଯ୍ୟ ହରିହର ରିଜିଓନାଲ୍ କ୍ୟାନ୍‌ସର ସେଣ୍ଟର ଭାବେ ପରିଚତ ଏହି ମେଡିକାଲ୍‌ର ନାଁ ବଦଳାଇ ଏହାକୁ ଆଚାର୍ଯ୍ୟ ହରିହର ପିଜି ଇନ୍‌ଷ୍ଟିଚ୍ୟୁଟ୍‌ ଅଫ୍ କ୍ୟାନ୍‌ସର ନାଁରେ ନାମିତ କରାଯିବ । ଏହି କର୍କଟ କେନ୍ଦ୍ର ପାଖରେ ରହିଥିବା ଶିଳ୍ପ ବିଭାଗର ୪ ଏକର ଜାଗାକୁ ହସ୍ପିଟାଲର କଳେବର ବୃଦ୍ଧି ପାଇଁ ଯୋଗାଇ ଦେବାକୁ ରାଜି ହୋଇଛନ୍ତି ସରକାର । ଏହି ସ୍ଥାନରେ କର୍କଟ ଚିକିତ୍ସା ପାଇଁ ଭିତ୍ତିଭୂମି ନିର୍ମାଣ କରାଯିବ । ମାଷ୍ଟର ପ୍ଲାନ୍‌ ପାଇଁ ଟାଟା ଟ୍ରଷ୍ଟକୁ କୁହାଯାଇଥିବା ସୂଚନା ମିଳିଛି ।

ପୂର୍ବରୁ ଆଚାର୍ଯ୍ୟ ହରିହର କର୍କଟ ସେଣ୍ଟରରେ ସର୍ଜିକାଲ୍ ଓ ଗାଇନୋକୋଲଜି ବିଭାଗର ପିଜି ପାଠ୍ୟକ୍ରମ ଚାଲୁଥିଲା । ଏବେ ଏଠାରେ ପାଥୋଲୋଜି, ଆନାସ୍ଥେସିଆ ଓ ମେଡିକାଲ୍ ଫିଜିକ୍ସରେ ମଧ୍ୟ ପିଜି କୋର୍ସ ଖୋଲାଯିବ । ରାଜ୍ୟରେ କର୍କଟ ରୋଗ ପାଇଁ ଅଧିକ ଡାକ୍ତରଙ୍କ ଆବଶ୍ୟକତା ରହିଥିବାରୁ ସ୍ବତନ୍ତ୍ର ଭାବରେ ଏହି କୋର୍ସରେ ଡାକ୍ତରୀ ଛାତ୍ରଛାତ୍ରୀ ପାଠ ପଢି ପାରିବେ ବୋଲି କହିଛନ୍ତି କର୍କଟ କେନ୍ଦ୍ର ନିର୍ଦ୍ଦେଶକ । କର୍କଟ କେନ୍ଦ୍ରର ସମ୍ପ୍ରସାରଣ ହେଲେ ଅନେକ ରୋଗୀ ଉପକୃତ ହେବା ସହ କର୍କଟ ରୋଗ ଉପରେ ଗବେଷଣା କରିବାର ସୁଯୋଗ ସୃଷ୍ଟି ହେବ ବୋଲି କହିଛନ୍ତି , ଆଚାର୍ଯ୍ୟ ହରିହର କର୍କଟ କେନ୍ଦ୍ରର ନିର୍ଦ୍ଦେଶକଡାକ୍ତର ଲଲାଟେନ୍ଦୁ ଷଡଙ୍ଗୀ ।

 ଆଚାର୍ଯ୍ୟ ହରିହର କର୍କଟ କେନ୍ଦ୍ରର ବାଇ-ଲ ପରିବର୍ତ୍ତନ କରାଯାଇ ନୂଆ ପ୍ରସ୍ତାବ ରାଜ୍ୟ ସରକାରଙ୍କୁ ଦିଆଯାଇଛି । ଯାହାକୁ ଭବିଷ୍ୟତରେ କାର୍ଯ୍ୟକାରୀ କରାଯିବ ।

   Related Posts