ନୂଆଦିଲ୍ଲୀ ୧୪।୪: କାବୁଲର ଏକ ଗୁରୁଦ୍ବାରରେ ଶିଖଙ୍କ ଉପରେ ହୋଇଥିବା ଆକ୍ରମଣ ଘଟଣାରେ ଗିରଫ ହୋଇଥିବା ୩ ଜଣ ଆତଙ୍କବାଦୀଙ୍କ ମଧ୍ୟରୁ ହେଉଛି ବାଂଲାଦେଶୀ । ଯିଏକି ଇସଲାମିକ୍ ଷ୍ଟେଟ୍ ଖୁରାସାନ୍ ପ୍ରଦେଶ (ଆଇଏସକେପି) ର ପରିବାରର ରେକର୍ଡ ରଖିବା ଏବଂ ସେମାନଙ୍କ ବିଲ୍ ପୈଠ କରିବାର ଦାୟିତ୍ବରେ ଥିଲା ।

ଆଫଗାନିସ୍ତାନ ଇଣ୍ଟେଲିଜେନ୍ସ ଏଜେନ୍ସି ବାଂଲାଦେଶୀ ନାଗରିକ ମହମ୍ମଦ ତନଭୀରଙ୍କ ଏକ ଭିଡିଓ ଜାରି କରିଛି । ଏଥିରେ ଆଇଏସକେପିର ଆତଙ୍କବାଦୀ ଆକ୍ରମଣରେ ତାର ସଂପୃକ୍ତି ବର୍ଣ୍ଣନା କରାଯାଇଛି । ମାର୍ଚ୍ଚ ୨୫ରେ ହୋଇଥିବା ଆକ୍ରମଣରେ ଅତି କମରେ ୨୫ ଶିଖଙ୍କ ମୃତ୍ୟୁ ହୋଇଥିଲା ।

ଆଇଏସଆଇଏସ ୨୦୧୫ରେ 'ଭିଲାୟତ୍ ଖୋରାସନ୍' (ଖୁରାସାନ୍ ପ୍ରଦେଶ) ସୃଷ୍ଟି କରିଥିଲା ​​ । ଏହି ସଂଗଠନ ପାଇଁ ଏହା ଏକ ଐତିହାସିକ କ୍ଷେତ୍ର ଥିଲା । ଯେଉଁଥିରେ ଉଭୟ ଆଫଗାନିସ୍ତାନ ଏବଂ ପାକିସ୍ତାନର କିଛି ଅଂଶ ଅନ୍ତର୍ଭୁକ୍ତ ଥିଲା । ଆଇଏସକେପି ତାଲିବାନରୁ ଅସନ୍ତୁଷ୍ଟ ସଦସ୍ୟ ନିଯୁକ୍ତ କରିଥିଲା । ଫଳରେ ନଙ୍ଗରହାର ପ୍ରଦେଶରେ ତାଲିବାନ ଏବଂ ଆଇଏସକେପି ମଧ୍ୟରେ ଏକ ଯୁଦ୍ଧ ଆରମ୍ଭ ହୋଇଥିଲା । ଯେଉଁଥିରେ ଆଇଏସକେପି ଏହି ଅଞ୍ଚଳ ଦଖଲ କରିବାରେ ସକ୍ଷମ ହୋଇଥିଲା ।

ଆମେରିକା ୧୩ ଅପ୍ରେଲ ୨୦୧୭ରେ ଦ୍ବିତୀୟ ବୃହତ୍ତମ ଅଣ-ଆଣବିକ ବୋମା ପକାଇଥିଲା । ଯାହାକୁ GBU-43B ଏୟାର ବ୍ଲାଷ୍ଟ ମଧ୍ୟ କୁହାଯାଏ । ଆମେରିକା ପକାଇଥିବା ଏହି ବୋମା ପୂର୍ବ ଆଫଗାନିସ୍ତାନର ନଙ୍ଗରହାର ପ୍ରଦେଶର ଅଚିନ ଜିଲ୍ଲାରେ ଆଇଏସଆଇଏସ ଦ୍ବାରା ବ୍ୟବହୃତ ଟନେଲ କମ୍ପ୍ଲେକ୍ସଗୁଡିକୁ ନଷ୍ଟ କରିବା ପାଇଁ ଉଦ୍ଦିଷ୍ଟ ଥିଲା । ୨୦୧୫ରେ ଆଇଏସ ଏହି ଅଞ୍ଚଳକୁ ଦଖଲ କରିଥିଲା, ଯାହାକି ଆରବ ଅଞ୍ଚଳ ବାହାରେ ଆଇଏସର ପ୍ରଥମ ଶାଖା ଥିଲା ।

ଗତ ବର୍ଷ ନଭେମ୍ବରରେ ଆଫଗାନିସ୍ତାନ ଏବଂ ନାଟୋ ମିଳିତ ବାହିନୀ ଆଇଏସକେପିକୁ ପରାସ୍ତ କରି ଶହ ଶହ ଲୋକଙ୍କୁ ସେମାନଙ୍କ ପରିବାର ସହିତ ଆତ୍ମସମର୍ପଣ କରିବାକୁ ବାଧ୍ୟ କରିଥିଲେ । ସେମାନଙ୍କ ମଧ୍ୟରୁ ଅଧିକାଂଶ ପାକିସ୍ତାନୀ ନାଗରିକ ଥିଲେ ।

ନିକଟରେ ଗିରଫ ହୋଇଥିବା ତନଭୀର ପଚରାଉଚରା ବେଳେ କହିଛି ଯେ ସେ ଢାକା ଠାରୁ ଏଠାକୁ ଆସିବା ପରେ ଆଫଗାନିସ୍ତାନର ନଙ୍ଗରହାର ପ୍ରଦେଶର ଦକ୍ଷିଣ ଜିଲ୍ଲା ଅଚିନରେ ଆଇଏସକେପିର ସେନାଧ୍ୟକ୍ଷ ଭାବରେ ଦାୟିତ୍ବ ଗ୍ରହଣ କରିଥିଲା । ଆଫଗାନିସ୍ତାନର ସହକର୍ମୀ ଆସଲାମ ଫାରୁକି ଏବଂ ପାକିସ୍ତାନର ଅଲ୍ଲୀ ମହମ୍ମଦଙ୍କ ସହ ତନଭୀରଙ୍କୁ ଗିରଫ କରାଯାଇଛି । ତନଭୀର ଏହା ସ୍ବୀକାର କରିଛି ଯେ, ଅଚିନ ଗଭର୍ଣ୍ଣର ଶେଖ ଅବୁ-ଅଲ ହସିବ ଲୋଗର ଭାଲା ଭାବେ ମଧ୍ୟ ଜଣାଶୁଣା । ସେ ମଧ୍ୟ ଗୁପ୍ତଚର ମୁଖ୍ୟ ଅସଦୁଲ୍ଲା ଓରକଜଇ ଏବଂ ସ୍ଥାନୀୟ କମାଣ୍ଡର ଏଲିସା ।

ଆଇଏସକେପି ସଦସ୍ୟ କହିଛନ୍ତି ଯେ ଲାପଟପରେ ଏହି ଅଞ୍ଚଳରେ ଥିବା ଆଇଏସ ପରିବାରର ରେକର୍ଡ ରଖିବା, ବିଲ୍ ପୈଠ କରିବା ଏବଂ ଦୈନନ୍ଦିନ ଆବଶ୍ୟକତା ପାଇଁ ସେମାନଙ୍କୁ ସାହାଯ୍ୟ କରିବା ଦାୟିତ୍ବ ତାଙ୍କୁ ଦିଆଯାଇଥିଲା । ସେ କହିଥିଲେ ଯେ ସେଠାରେ ଅଧିକ ଟଙ୍କା ନଥିଲା ଏବଂ ପ୍ରାୟ ତିନି ହଜାର ପରିବାରକୁ ପ୍ରାୟ ୧୫୦୦ କିମ୍ବା ୨୦୦୦ଟଙ୍କା ଦିଆଯାଉଥିଲା । ସେ କିଭଳି ୬ ବର୍ଷର ଆକାଉଣ୍ଟରୁ ପରିବାର ସଂଖ୍ୟା ଏବଂ ସେମାନଙ୍କ ବିଲ୍ ଗଣନା କରିଥିଲେ ତାହା ମଧ୍ୟ ପ୍ରକାଶ କରିଛନ୍ତି ।

ସେ ପ୍ରକାଶ କରିଛନ୍ତି ଯେ ପ୍ରାୟ ୧୨୦୦ ପରିବାର ସେଠାରେ ୬ ବର୍ଷ ପର୍ଯ୍ୟନ୍ତ ରହୁଥିଲେ ଏବଂ ପ୍ରତ୍ୟେକ ପରିବାରର ୩ରୁ ୪ଜଣ ସଦସ୍ୟ ରହିଥିଲେ । ସେ କହିଛନ୍ତି, ମୋମେ ନୋଟ୍ ଲେଖିବା ଏବଂ ପରେ ଗଣନା କରିବାର କାମ ମିଳିଥିଲା । ମୁଁ ଦେଢ ବର୍ଷରେ ୩ ଥର ଏହା କରିଥିଲି ।ସେ ମଧ୍ୟ କହିଛନ୍ତି ଯେ ସେହି ସମୟରେ ତାଙ୍କର ସହକର୍ମୀମାନେ ମୌଲଭି ଅବଦୁଲ୍ଲା ଓରକଜଇ ଏବଂ ଇସମାଇଲ ପଞ୍ଜାବୀ ଥିଲେ ।