Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

ପୋଲିସକୁ ଚକମା ଦେଇ ଯୋଡ଼ା ଥାନାରୁ ଚମ୍ପଟ ମାରିଛି ଅଭିଯୁକ୍ତ

6/11/2018 at 1:31 PM

ବଡ଼ବିଲ ୬/୧୧ : ଥାନାରୁ ଚମ୍ପଟ ମାରିଛି ଅଭିଯୁକ୍ତ । ଘଟଣାଟି ଘଟିଛି କେନ୍ଦୁଝର ଜିଲ୍ଲା ଯୋଡ଼। ଥାନାରେ । ଅଭିଯୁକ୍ତ ଜଣକ ହେଉଛି ଝାଡ଼ଖଣ୍ଡ ନୂଆମୁଣ୍ଡି ଅଂଚଳର ମୋଟୁ ମାଝୀ । ଏକ ହାଇଭା ଟ୍ରକ୍ ଲୁଟ ଘଟଣାରେ ନୂଆମୁଣ୍ଡି ପୋଲିସ ସହାୟତାରେ ଅଭିଯୁକ୍ତ ମୋଟୁ ମାଝୀ ଏବଂ ଅନ୍ୟ ୨ ଜଣ ଏମଡି ମୁସାଫିର ଓ ଛୋଟୁ ଅନସାରୀକୁ ଯୋଡ଼। ପୋଲିସ ଗିରଫ କରିଥିଲା । ତେବେ ଏମାନଙ୍କ ମଧ୍ୟରୁ ଅଭିଯୁକ୍ତ ମୋଟୁ ମାଝୀ କୌଶଳ କ୍ରମେ ଯୋଡ଼। ଥାନାରୁ ଚମ୍ପଟ ମାରିଛି । ଘଟଣା ପରେ ଯୋଡ଼। ପୋଲିସ ମୋଟୁକୁ ଧରିବା ପାଇଁ ତନାଘନା ଚଳାଇଛି । ତେବେ କେଉଁ ପରିସ୍ଥିତିରେ ମୋଟୁ ପୋଲିସକୁ ଚକମା ଦେଇ ଥାନାରୁ ଚମ୍ପଟ ମାରିଲା ତାହା ସ୍ପଷ୍ଟ ହୋଇ ନ ଥିଲେ ହେଁ, ଥାନାରେ ଥିବା ପୋଲିସ କର୍ମଚାରୀଙ୍କ ଅବହେଳା ହିଁ ମୁଖ୍ୟ କାରଣ ବୋଲି କୁହାଯାଉଛି । ଏନେଇ ମଧ୍ୟ ପୋଲିସ ଖୋଲତାଡ଼ ଚଳାଇଛି । ପ୍ରକୃତରେ ମୋଟୁ କେତେବେଳେ ଥାନାରୁ ଚମ୍ପଟ ମାରିଲା ତାହା ସ୍ପଷ୍ଟ ହୋଇ ନ ଥିଲେ ମଧ୍ୟ, ଆଜି ବଡ଼ି ଭୋର ସମୟରେ ଚମ୍ପଟ ମାରିଛି ବୋଲି ଯୋଡ଼। ଥାନା ଆଇଆଇସି ମନୋଜ ରାଉତ ସୂଚନା ଦେଇଛନ୍ତି । ମୋଟୁ ନାଁରେ ଝାଡ଼ଖଣ୍ଡ ଓ ଓଡ଼ଶାରେ ଚୋରି, ଲୁଟ ଭଳି ଅନେକ ଅପରାଧତ୍କ ମାମଲା ରହିଥିବା ଜଣାପଡ଼ଛି । ଗତ ୧ ତାରିଖ ରାତିରେ ଦେଓଝର ନିକଟରୁ ବଡ଼ ହୁଣ୍ଡୁଳା ଗ୍ରାମର ରାମଚନ୍ଦ୍ର ବହେରାଙ୍କ ହାଇଭା ଟ୍ରକ ଓଡି ୦୯ ସି ୬୪୪୧ର ଡ୍ରାଇଭର ଓ ହେଲପରଙ୍କୁ ୫ ଜଣ ଦୁର୍ବୁର୍ତ୍ତ ମାରଣାସ୍ତ୍ର ଦେଖାଇ ହାଇଭାକୁ ଲୁଟି ନେଇଥିଲେ ଏବଂ ଝାଡ଼ଖଣ୍ଡର ଡୁମକା ଜିଲ୍ଲା ରାମପୁର ଅଂଚଳରେ ବିକ୍ରି କରିଥିଲେ । ଯୋଡ଼। ପୋଲିସ ଉକ୍ତ କାଇଭା ଟ୍ରକ୍ ଲୁଟ୍ ଘଟଣାର ତଦନ୍ତ କରି ଝାଡ଼ଖଣ୍ଡରୁ ୩ ଜଣଙ୍କୁ ଆଣି ପଚରା ଉଚୁରା ପରେ ସେମାନଙ୍କ ସୂଚନା ଅନୁଯାୟୀ ହାଇଭା ଗାଡିଟିକୁ ଉଦ୍ଧାର କରିଥିଲେ । ମାତ୍ର ଅଭିଯୁକ୍ତଙ୍କୁ କୋର୍ଟ ଚାଲାଣ ପୂର୍ବରୁ ମୁଖ୍ୟ ଅଭିଯୁକ୍ତ ମୋଟୁ ମାଝୀ ଥାନାରୁ ଚମ୍ପଟ ମାରିଛି ।

   Related Posts