Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ରାତିରେ ପରିସ୍ରା କରିବାକୁ ଉଠିଥିବା ନାବାଳିକାଙ୍କୁ ଗଣଦୁଷ୍କର୍ମ କରିବା ମାମଲାରେ ଦୋଷୀ ସାବ୍ୟସ୍ତ କଲା କୋର୍ଟ, ଜଣକୁ ଆଜୀବନ ଜେଲଦଣ୍ଡ

13/02/2019 at 4:24 PM

ହିସାର ୧୩/୨ – ଜଣେ ନାବଳିକାଙ୍କୁ ଗଣଦୁଷ୍କର୍ମ କରିବା ଅଭିଯୋଗରେ ଜଣକୁ ଆଜୀବନ ଜେଲଦଣ୍ଡ । ଏହି ଘଟଣାରେ ଅନ୍ୟ ଅଭିଯୁକ୍ତମାନେ ଫେରାର ଥିବା କଥା ଜଣାଯାଇଛି ।

ଏହି ଦୁଷ୍କର୍ମ ଘଟଣା ଅକ୍ଟୋବର ମାସ ୨୯ ତାରିଖ ୨୦୧୭ ମସିହାରେ ହିସାରର ଏକ ଗାଁରେ ଘଟିଥିଲା । ପୀଡ଼ିତାଙ୍କ ବାପା ଏନେଇ ଥାନାରେ କରିଥିଲେ ଅଭିଯୋଗ ।

୩୦ ତାରିଖରେ ଜଣେ ଲୋକ ତାଙ୍କ ଝିଅ ଅପହରଣ ହୋଇଥିବା ନେଇ ଥାନାରେ ଆଣିଥିଲେ ଅଭିଯୋଗ । ରାତିରେ ସମସ୍ତେ ଶୋଇଥିବା ବେଳେ ଘଟି୍‌ଥିଲା ଏହି ଘଟଣା । ଜଣେ ସଂପର୍କୀୟଙ୍କ ବିବାହ ଭୋଜିରେ ଯୋଗଦେବାକୁ ଘରେ ତାଙ୍କ ସ୍ତ୍ରୀ, ଅନ୍ୟ ସଦସ୍ୟମାନେ ଚାଲିଯାଇଥିଲେ । କେବଳ ସେ ଓ ତାଙ୍କ ୧୭ ବର୍ଷ ବୟସ୍କ ଝିଅ ସେହିଦିନ ଘରେ ଥିଲେ । ଝିଅ ଶୋଇବା ପାଇଁ ଉପରଘରକୁ ଚାଲିଯିବା ବେଳେ ନିଜେ ତଳ ଘରେ ଶୋଇଥିଲେ । କିନ୍ତୁ ରାତି ୧୨.୩୦ ସମୟରେ ଉଠି ଦେଖିଥିଲେ ତାଙ୍କ ଝିଅ ଶୋଇବାଘରେ ନଥିଲା । ଚାରିଆଡ଼େ ଖୋଜାଖୋଜି ପରେ କୌଣସି ଜାଗାରେ ସେ  ପାଇ ନଥିଲେ ।

ଝିଅକୁ କେହି ଅପହରଣ କରିନେବା ଅଭିଯୋଗରେ ଥାନାରେ ଦେଇଥିଲେ ଏତାଲା । କିନ୍ତୁ ୨ ଦିନ ପରେ ଝିଅ ଘରକୁ ଫେରି ଯେଉଁ କଥା କହିଥିଲା ଶୁଣି ମୁଣ୍ଡ କିଛି କାମ କରି ନଥିଲା ତାଙ୍କର ।

ଝିଅ କହିଥିଲା, ସେ ଶୋଇବାକୁ ଉପର ଘରକୁ ଚାଲିଯାଇଥିଲା ।  ରାତିରେ ପରିସ୍ରା ଲାଗିବାରୁ କବାଟ ଖୋଲି ବାହାରକୁ ଆସିଥିଲେ । ପୂର୍ବରୁ ଅନ୍ଧାରରେ ତାଙ୍କ ଗାଁର  ଦିଲ୍ଲୀପ ନାମକ ଜଣେ ଯୁବକ ଲୁଚି ବସିଥିଲେ । ସେ ବାହାରକୁ ଆସିବା ପରେ ମୁହଁରେ ସେଲୋ ଟେପ ଲଗାଇ ଟେକି ନେଇଥିଲେ । ଦିଲ୍ଲୀପ ସହିତ ଗାଁର ଆଉ ତିନି ଜଣ ଯୁବକ ବି ଥିଲେ ।

ତାଙ୍କୁ ଅପହରଣ କରିନେବା ପରେ ଗୋଟିଏ ବନ୍ଦ କୋଠରିରେ ରଖି ଜଣେ ପରେ ଜଣେ କରିଥିଲେ ଦୁଷ୍କର୍ମ । ସେ ୪ଜଣ ଯୁବକଙ୍କ ଅତ୍ୟାଚାରରେ ହୋଇ ପଡ଼ିଥିଲେ ବେହୋସ । ସକାଳୁ ଉଠିବା ପରେ ଦେଖିଲେ ତାଙ୍କୁ ବାହାରୁ ଚାବି ଦେଇ ସେମାନେ ଚାଲିଯାଇଥିଲେ । ସେ ଯେତେ ଚିତ୍କାର କଲେ ମଧ୍ୟ କେହି କବାଟ ଖୋଲି ନଥିଲେ ।

ସେମାନେ ପୁଣି ଫେରିଆସିଥିଲେ ।  ଦିଲ୍ଲୀପ ସହିତ ତାଙ୍କ ବନ୍ଧୁମାନେ ମଧ୍ୟ  ଲଗାତର ଦୁଷ୍କର୍ମ କରିଥିବା କଥା କହିଛନ୍ତି ନାବାଳିକା । ଦୁଇଦିନ କାଳ ଦୁଷ୍କର୍ମ କରିବା ପରେ ତାଙ୍କ ଘର ପାଖରେ ଛାଡ଼ିଦେଇ ଆସିଥିଲେ ।

ପୋଲିସ ଦିଲ୍ଲୀପକୁ ଗିରଫ କରିଥିଲେ ମଧ୍ୟ ସର୍ତ୍ତମୂଳକ ଜାମିନରେ ଛାଡ଼ିଦେଇଥିଲେ । କିନ୍ତୁ ଏହି ଘଟଣାରେ କୋର୍ଟ ଦିଲ୍ଲୀପଙ୍କୁ ଆଜୀବନ କାରାଦଣ୍ଡାଦେଶ କରିଛନ୍ତି ।

   Related Posts