Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

ପରକୀୟା ପ୍ରୀତି ସନ୍ଦେହ ନେଲା ଜୀବନ, ଯୁବକଙ୍କୁ ହତ୍ୟା କରି ପୋତିଦେଇଥିଲେ କେନାଲରେ : ଅଭିଯୁକ୍ତ ଗିରଫ

14/03/2020 at 8:24 AM

ଭଦ୍ରକ ୧୪।୩: କାଳିଆ ଓରଫ୍ ପ୍ରସନ୍ନ କୁମାର ସାହୁ ହତ୍ୟାକାଣ୍ଡର ପର୍ଦ୍ଦାଫାଶ କରିଛି ପୋଲିସ । ଭଦ୍ରକ ଜିଲ୍ଲା ତିହିଡି ଥାନା କୋହ୍ଲ ଗାଁରେ ଯୋଜନାବଦ୍ଧ ଭାବେ କାଳିଆକୁ ଅଭିଯୁକ୍ତ ସୁକଦେବ ପାଢୀ, ଭଉଣୀ ଇତିଶ୍ରୀ ପାଢୀ ଓ ଭିଣୋଇ ଦେବେନ୍ଦ୍ର ପତି ମିଶି ହତ୍ୟା କରିଥିବା ସୂଚନା ମିଳିଛି । ପ୍ଲାଷ୍ଟିକ ଦଉଡିରେ କାଳିଆର ବେକକୁ ଚାପି ମାରିଦେବା ପରେ ଅଖାରେ ଭର୍ତ୍ତି କରି ସୁକଦେବ ବାଇକ୍ ଯୋଗେ ବିଲବାମନବିନ୍ଧା ଗାଁକୁ ନେଇ ସେଠାରେ ତାର ଦୁଇ ବଡଭାଇ ଦାମୋଦର ପାଢୀ ଓ ନାରାୟଣ ପାଢୀଙ୍କ ସହଯୋଗରେ ସ୍ଥାନୀୟ ବୈଷ୍ଣବ ଗୋହିରୀ କେନାଲରେ ପୋତିଥିଲା । ତେବେ ମୋବାଇଲ୍ ଟ୍ରାକିଂ କରିବା ପରେ ପୋଲିସ ଜଣ ଜଣକୁ ପଚରାଉଚରା କରିବା ସହିତ ଘଟଣାର ପର୍ଦ୍ଦାଫାଶ କରିଛି ।

କେବଳ ସେତିକି ନୁହେଁ ଗତ ଜାନୁଆରୀ ୨୪ ତାରିଖରୁ ପୋତିଥିବା ସ୍ଥାନକୁ ପୋତିଥିବା ଶବର ଜାଗା ଚିହ୍ନଟ କରିବା ପରେ ମେସିନ୍ ସହାୟତାରେ କାଳିଆର ମୃତଦେହ ଉଦ୍ଧାର କରିଛି ପୋଲିସ । ଗୁରୁବାର ଦିନ ସୁକଦେବ ପାଢୀକୁ ପୋଲିସ ଗିରଫ କରିଥିବା ବେଳେ ରାତିରେ ଅନ୍ୟମାନଙ୍କୁ ଜେରା କରିବା ପରେ ହତ୍ୟାକାଣ୍ଡର ସଂପୃକ୍ତି ଥିବା ଜଣାଯିବା ପରେ ସେମାନଙ୍କୁ ଗିରଫ କରାଯାଇଛି । ସମସ୍ତ ଅଭିଯୁକ୍ତମାନଙ୍କର ଡାକ୍ତରୀମାଇନା କରାଯିବା ପରେ କୋର୍ଟ ଚାଲାଣ କରାଯାଇଛି ।

ସୂଚନାଯୋଗ୍ୟ ଯେ, ମୃତକ କାଳିଆ ନିଜ ମାମୁଁ ଘର କୋହ୍ଲରେ ରୁହନ୍ତି । ଦୀର୍ଘ ବର୍ଷ ହେଲା ଅଭିଯୁକ୍ତ ଦେବେନ୍ଦ୍ର ସହିତ କାଳିଆର ସମ୍ପର୍କ ଥିଲା । ବିବାହ ପରେ ଦେବେନ୍ଦ୍ର ଘରେ ନଥିବା ବେଳେ କାଳିଆ ଦେବେନ୍ଦ୍ରର ସ୍ତ୍ରୀ ଇତିଶ୍ରୀକୁ ଭେଟୁଥିଲା । ଯାହାକୁ ନେଇ ସ୍ବାମୀ-ସ୍ତ୍ରୀଙ୍କ ମଧ୍ୟରେ ଝଗଡା ମଧ୍ୟ ହେଉଥିଲା । ଏପରିକି ଗାଁ ଲୋକଙ୍କ ମାଧ୍ୟମରେ ଆଲୋଚନା ହୋଇଥିଲେ ମଧ୍ୟ କୌଣସି ସମାଧାନ ହୋଇନଥିଲା । ପରେ କାଳିଆକୁ ଜୀବନରୁ ମାରିଦେବାକୁ ଦେବେନ୍ଦ୍ର ନିଜ ସ୍ତ୍ରୀ ଇତିଶ୍ରୀ କହିଥିବା ସୂଚନା ମିଳିଛି ।

ପରେ ଯୋଜନାବଦ୍ଧଭାବେ ଗତ ଜାନୁଆରୀ ମାସ ୨୪ ତାରିଖରେ ଇତିଶ୍ରୀ ଫୋନ୍ ଯୋଗେ କାଳିଆକୁ ନିଜ ଘରକୁ ଡକାଇଥିଲା । ପୂର୍ବ ପ୍ରସ୍ତୁତି ମୁତାବକ ସୁକଦେବ, ଇତିଶ୍ରୀ ଓ ଦେବେନ୍ଦ୍ର ମିଳିତଭାବେ ମାରିଥିଲେ ବୋଲି ପୋଲିସ ଖୁଲାସା କରିଛି ।

ଅନ୍ୟପଟେ ଏକମାତ୍ର ପୁଅକୁ ହରାଇ ବେସାହାରା ହୋଇପଡିଛନ୍ତି ମା’ ସାବିତ୍ରୀ ସାହୁ । ଭଦ୍ରକ ଜିଲ୍ଲା ଇଛାପୁର ଗାଁର ମନୋଜ ସାହୁଙ୍କ ପୁଅ ପ୍ରସନ୍ନ ସାହୁ ଓରଫ୍ କାଳିଆ ନିଜ ମା’ଙ୍କ ସହିତ ମାମୁଁ ଘର କୋହ୍ଲ ଗାଁରେ ରହୁଥିଲେ । ଗତ ଜାନୁଆରୀ ୨୫ତାରିଖ ରାତିରୁ କାଳିଆ ନିଖୋଜ ହୋଇଥିବା ଅଭିଯୋଗ ହୋଇଥିଲା । ଶେଷରେ ଚଳିତ ମାସ ୧୨ ତାରିଖରେ କେନାଲରୁ ତାଙ୍କ ମୃତଦେହ ଉଦ୍ଧାର ହୋଇଥିଲା ।

   Related Posts