ଚଣ୍ଡିଖୋଲ ୧୧।୫: ଜାତୀୟ ରାଜପଥରେ ପୋଲିସ ଓ ଅପରାଧୀ ମଧ୍ୟରେ ଛକାପଞ୍ଝା । ପୋଲିସକୁ ଚକମା ଦେଇ ଅପରାଧୀ ମାରିଲା ଚମ୍ପଟ । ଏଭଳି ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ଥାନା ଅନ୍ତର୍ଗତ ଜାରକାଠାରେ । ଧର୍ମଶାଳା ଥାନା ଅନ୍ତର୍ଗତ ନେଉଳପୁରଠାରେ ଜନୈକ ଯୁବକଙ୍କ ନାମରେ ଧର୍ମଶାଳା ଥାନାରେ ମାମଲା ରହିଥିଲା । ଯୁବକ ଜଣଙ୍କ ଜାତୀୟ ରାଜପଥରେ ଟ୍ରକ୍ ଯୋଗେ ଲୁହାପଥର ନେଇ ୧୬ ନମ୍ବର ଜାତୀୟ ରାଜପଥରେ ଯାଉଥିବା ଜାଣିବାକୁ ପାଇଥିବା ବେଳେ ଧର୍ମଶାଳା ପୋଲିସ ବିଶେଷ ସୂତ୍ରରୁ ଖବର ପାଇଁ ଜାରକା ନିକଟରେ ଜାତୀୟ ରାଜପଥରେ ନାକାବନ୍ଦୀ କରିଥିଲା । ପୋଲିସ ଉକ୍ତ ଗାଡିକୁ ଦେଖିବା ମାତ୍ର ଗୋଡାଇବା ସମୟରେଯୁବକ ଜଣଙ୍କ ଦ୍ରୁତ ଗତିରେ ଗାଡିକୁ ପୋଲିସ ଉପରକୁ ଚଢାଇବାକୁ ଉଦ୍ୟମ କରୁଥିବା ବେଳେ ପୋଲିସ ଅଳ୍ପକେ ବର୍ତ୍ତି ଯାଇଛନ୍ତି । ଉକ୍ତ ସମୟରେ ଯୁବକ ଜଣକ ଗାଡିରୁ ଚମ୍ପଟ ମାରି ଫେରାର ହୋଇ ଯାଇଥିଲା । ଘଟଣାସ୍ଥଳରେ ପୋଲିସ ଉକ୍ତ ଟ୍ରକକୁ ଜବତ କରିବା ସହ ଅପରାଧୀକୁ ଧରିବା ପାଇଁ ଉଦ୍ୟମ ଜାରି ରଖିଛି।