Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱରରେ ପହଞ୍ଚିଲା ପ୍ରଥମ ପର୍ଯ୍ୟାୟ କୋଭିସିଲ୍ଡ ଟିକା, ୧୮ ବର୍ଷରୁ ୪୪ ବର୍ଷ ବୟସ୍କଙ୍କୁ ଦିଆଯିବ
  • ||
  • କୁକୁର ଆକ୍ରମଣରେ ହରିଣ ଗୁରୁତର, ଉଦ୍ଧାର କଲେ ଗାଁ ଲୋକେ…
  • ||
  • କଳାହାଣ୍ଡି : ଘର ବାହାରେ ଶୋଇଥିବା ବେଳେ ମାଡିଗଲା ଟ୍ରକ୍, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ସାନଖେମୁଣ୍ଡି : କୋଭିଡ୍ କଟକଣା ଉଲଂଘନ କରି ଗାଁରେ ଚାଲିଥିଲା ବାହାଘର ଭୋଜିଭାତ, ବନ୍ଦ କଲା ପ୍ରଶାସନ
  • ||
  • ଚୋରି କରୁଥିଲା ବିଦ୍ୟୁତ ଖୁଣ୍ଟ, ଗାଁ ଲୋକଙ୍କ ହାତରେ ଧରାପଡିଲା ଚୋର
  • ||
  • ରାଜ୍ୟରେ କରୋନା ନେଲା ଆଉ ୨୧ଜଣଙ୍କ ଜୀବନ, ୨୧୬୧ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧,୮୦୭ ପଜିଟିଭ୍
  • ||
  • କମିଲା ତାତି : ଆଜି ଏହି ସବୁ ଜିଲ୍ଲାରେ ବଜ୍ରପାତ ସହ କୁଆପଥର ବର୍ଷା ସମ୍ଭାବନା
  • ||
  • ସଂକ୍ରମଣ ରୋକିବାକୁ ରାଜ୍ୟରେ ସାପ୍ତାହିକ ସଟ୍‌ଡାଉନ୍, ଜରୁରୀ ସେବାକୁ ଛାଡ଼ିଦେଲେ ସବୁ ବନ୍ଦ
  • ||

ଜେନେଭା ଚୁକ୍ତି ଅନୁସାରେ ପାକିସ୍ତାନ ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ଫେରାଇବାକୁ ବାଧ୍ୟ

27/02/2019 at 10:44 PM

ନୂଆଦିଲ୍ଲୀ୨୭|୨: ପାକିସ୍ତାନ ଯଦି ସତରେ  ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ଧରିନେଇଥାଏ ତାହେଲେ ଜେନେଭା  ଚୁକ୍ତି ଅନୁସାରେ ତାଙ୍କୁ ସସମ୍ମାନେ ଛାଡିବା ପାଇଁ ବାଧ୍ୟ । ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ଯଦି ପାକିସ୍ତାନ ଗିରଫ କରିଛି ତାହେଲେ ଜେନେଭା ଚୁକ୍ତିରେ ପ୍ରିଜନର ଅଫ ୱାର ବା ଯୁଦ୍ଧବନ୍ଦୀଙ୍କ ପାଇଁ ଯେଉଁ ନିୟମ ରହିଛି ତାକୁ ପାଳନ କରିବାକୁ ହେବ । ଏହି ଆନ୍ତର୍ଜାତିକ ଚୁକ୍ତିରେ ଯୁଦ୍ଧବନ୍ଦୀଙ୍କୁ ପଚରାଉଚରା ପରେ ସସମ୍ମାନେ ନିଜ ଦେଶକୁ ପଠାଇଦିଆଯାଇଥାଏ ।

୧୯୯୯ ମସିହା ମେ ୧୭ ତାରିଖରେ କାରଗିଲ ଯୁଦ୍ଧ ମୟରେ ମଧ୍ୟ ୱିଙ୍ଗ କମାଣ୍ଡର ନଚିକେତାଙ୍କୁ ପାକିସ୍ତାନ ଗିରଫ କରିଥିଲା । ତେବେ ତାଙ୍କୁ ପଚରାଉଚରା ପରେ ୮ ଦିନ ରଖି ରେଡକ୍ରସ ଦ୍ବାରା ଭାରତକୁ ଫେରାଇଦିଆଯାଇଥିଲା । କାର୍ଗିଲ ଯୁଦ୍ଧ ସମୟରେ ନଚିକେତା ଚଳାଉଥିବା ବିମାନ ଖରାପ ହୋଇଯାଥିଲା । ଇଂଜିନରୁ ବାହାରୁଥିବା ନିଆଁ ଧାସରେ ଆହତ ହୋଇଥିଲେ ।

ଆଜି ପ୍ରଥମେ ଦୁଇଜଣ ପାଇଲଟଙ୍କୁ ଗିରଫ କରିଥିବା ନେଇପାକିସ୍ତାନ ପ୍ରେସ ବିବୃ୍ତ୍ତି ଜାରି କରିଥିଲା । କିନ୍ତୁ ପରବର୍ତ୍ତି ସମୟରେ କେବଳ ଜଣେ ପାଇଲଟଙ୍କୁ ଗିରଫ କରାଯାଇଛି ଏବଂ ସେ ୱିଙ୍ଗ କମାଣ୍ଡର ଅଭିନନ୍ଦନ ବୋଲି କହିଥିଲା । ଏପରିକି ମୁହଁ ଘୋଡାଯାଇଥିବା  ଜଣେ ଯୁବକଙ୍କ ଦୁଇଟି ଭିଡିଓ ଜାରୀ କରି ଏହା ୱିଙ୍ଗ କମାଣ୍ଡର ଅଭିନନ୍ଦନଙ୍କ ଭିଡିଓ ବୋଲି କୁହାଯାଉଛି । ଏହି ଭିଡିଓରେ ତାଙ୍କୁ ପାକିସ୍ତାନ ସେନା ଠିକ ବ୍ୟବହାର କରୁଛି ବୋଲି ମୁହଁ ଘୋଡାଯାଉଥିବା ବ୍ୟକ୍ତି କହୁଛନ୍ତି । ସେ ୱିଙ୍ଗ କମାଣ୍ଡର ଅଭିନନ୍ଦନ ବୋଲି ମଧ୍ୟ ଭିଡିଓରେ ପ୍ରକାଶ କରିଛନ୍ତି ।

ସୂଚନାଯୋଗ୍ୟ ଯେ, ଆଜି ଦିନ ୧୧: ୩୦ ବେଳେ ପାକିସ୍ତାନ ବାୟୁସେନାର ଏକ ଏଫ-୧୬ ବିମାନ ଭାରତର ବାୟୁ ସୀମା ମଧ୍ୟକୁ ପ୍ରବେଶ କରିଥିଲା । ଭାରତୀୟ ବାୟୁସେନା ଏହାର ଜବାବ ଦେଇଥିଲା । ପାକିସ୍ତାନ ବିମାନକୁ ଭାରତୀୟ ବାୟୁସେନା ଖସାଇଦେଇଥିଥିଲା । ଅପରପକ୍ଷରେ ଭାରତର ଦୁଇଟି ବିମାନକୁ ପାକିସ୍ତାନ ଖସାଇ ଦେଇଥିବା ଦାବୀ କରିଛି । ଦୁଇଟି ବିମାନ ମଧ୍ୟରୁ ଗୋଟିଏ ଭାରତୀୟ ସୀମାରେ ପଡିଥିବାବେଳେ ଅନ୍ୟଟି ପାକିସ୍ତାନ ସୀମାରେ ପଡିଥିଲା ବୋଲି ପାକିସ୍ତାନ ଦାବି କରିଛି । ପାକିସ୍ତାନ ପଟେ ପଡିଥିବା ବିମାନର ପାଇଲଟ ୱିଙ୍ଗ କମାଣ୍ଡର ଅଭିନନ୍ଦନ ଥିଲେ । ବିମାନ କ୍ରାସ କରିଯିବା ପରେ ସେ ପାରାଚୁଟ ଯୋଗେ ଖସିବାବେଳେ ତାଙ୍କୁ ପାକ ସେନା ଗିରଫ କରିଥିବା ପାକିସ୍ତାନ ଦାବି କରିଛି ।

ୱିଙ୍ଗ କମାଣ୍ଡର ଅଭିନନ୍ଦନ ଆହତ ହୋଇଛନ୍ତି ଓ ତାଙ୍କୁ ସେନା ହସ୍ପିଟାଲରେ ଉପଯୁକ୍ତ ଚିକିତ୍ସା ଦିଆଯାଉଥିବା ପାକିସ୍ତାନ ପକ୍ଷରୁ କୁହାଯାଇଛି ।

   Related Posts