ପାଟଣା, ୦୮|୦୮:  କେନ୍ଦୁଝର ଜିଲ୍ଲା ଦେଇ ଯାଇଥିବା ତୁରୁମୁଙ୍ଗା ଥାନା ଅନ୍ତର୍ଗତ  ୪୯ ନମ୍ବର ଜାତୀୟ ରାଜପଥର ଚିଲିଦା ନିକଟରେ ଶନିବାର ଏକ କାର୍ ଦୁର୍ଘଟଣାଗ୍ରସ୍ତ ହୋଇଛି । କାର୍‌ଟି ଭାରସାମ୍ୟ ହରାଇ ଏକ ପୋଖରୀ ଭିତରକୁ ଖସି ପଡିଛି ।

ସୂଚନାନୁସାରେ, ଶନିବାର ସଂଧ୍ୟାରେ କେନ୍ଦୁଝରରୁ ତୁରୁମୁଙ୍ଗା ଆଡ଼କୁ ଆସୁଥିବା ଓଡି ୦୨ ବିଏଲ ୭୪୪୫ ନମ୍ବର ବିଶିଷ୍ଟ ଏକ ଧଳା କାର୍ ଭାରସାମ୍ୟ ହରାଇ ପୋଖରୀ ଭିତରକୁ ଖସିପଡିଛି । ତେବେ କାରରେ ଥିବା ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା ସୂଚନା ମିଳିଛି। ୪୯ ନମ୍ବର ଜାତୀୟ ରାଜପଥର ଏବେ ସମ୍ପ୍ରସାରଣ କାର୍ଯ୍ୟ  ଚାଲିଥିବା ବେଳେ ଠିକା ସଂସ୍ଥା ପକ୍ଷରୁ କୌଣସି ସୂଚନା ଫଳକ ନାହିଁ । ତେଣୁ ବାରମ୍ବାର ଏପରି ଦୁର୍ଘଟଣା ଘଟୁଥିବା ଅଭିଯୋଗ ହେଉଛି ।