ନୂଆଦିଲ୍ଲୀ ୧୦।୧: ରାଜଧାନୀ ଦିଲ୍ଲୀର ଦ୍ୱାରକା ସେକ୍ଟର-୧୨ ଅଞ୍ଚଳରୁ ଆସୁଛି ବଡ଼ ଖବର। ଏଠାରେ ଏକ ମଲର ନିର୍ମାଣ କାମ ବେଳେ ମାଟି ଅତଡା ଧସିଥିବାର ଖବର ମିଳୁଛି। ଫଳରେ ଏକ ବଡଧରଣର ଦୁର୍ଘଟଣା ଘଟିଛି।
ଦୁର୍ଘଟଣାରେ ଅନେକ ଶ୍ରମିକ ମଟିତଳେ ପୋତି ହୋଇପଡିଥିବାର ଆଶଙ୍କା କରାଯାଉଛି। ଘଟଣା ସ୍ଥଳରେ ଦିଲ୍ଲୀ ପୋଲିସ ସମେତ ଦମକଳ ବିଭାଗ ପହଞ୍ଚିଛି। ଦ୍ୱାରକାରେ ‘ବିଗାସ ମଲ୍’ ନିର୍ମାଣରେ ଏହି ଦୁର୍ଘଟଣା ଘଟିଥିବା ପ୍ରାଥମିକ ସୂଚନାରୁ ଜଣାପଡିଛି।
ପୋଲିସଓ ଦମକଳ ବାହିନୀ କର୍ମଚାରୀମାନେ ମାଟି ତଳୁ ଜଣେ ଶ୍ରମିକଙ୍କୁ ସୁରକ୍ଷିତ ଉଦ୍ଧାର କରିଛନ୍ତି। ତେବେ ଆଉ କେତେ ଶ୍ରମିକ ମାଟି ତଳେ ପୋତି ହୋଇଯାଇଛନ୍ତି ତାର ସ୍ପଷ୍ଟ ସୂଚନା ମିଳୁ ନାହିଁ। ଦିଲ୍ଲୀ ପୋଲିସ, ଦିଲ୍ଲୀ ଡିଜାଷ୍ଟର ମ୍ୟାନେଜମେଣ୍ଟ ଅଥରିଟି ଓ ଦିଲ୍ଲୀ ଦମକଳ ବାହିନୀ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଚଳାଇଛନ୍ତି। ବିସ୍ତୃତ ଖବରକୁ ଅପେକ୍ଷା କରାଯାଇଛି।
