ବୌଦ୍ଧ, ୦୮/୦୮-ବୌଦ୍ଧ ଜିଲ୍ଲା ପୁରୁଣାକଟକ ଥାନା ଖୋର୍ଦ୍ଧା-ବଲାଙ୍ଗିର ୫୭ନଂ ଜାତୀୟ ରାଜପଥ ଚାରିଛକ ଗୋଲେଇ ଛକ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏକ ଆଳୁ ବୋଝେଇ ଟ୍ରକ ସହ ଏକ ଯାତ୍ରୀବାହି ଅଟୋ ମୁହାଁ ମୁହିଁ ଧକ୍କା ହୋଇଛି ।ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ମୃତକଙ୍କ ପରିଚୟ ମିଳିପାରିନାହିଁ ।
ସୂଚନାନୁସାରେ, ଗାଡିନଂ ଡବ୍ଲୁବି ୮୩ବିଟୁ୮୮୯ ଆଳୁ ବୋଝେଇ ଟ୍ରକ ପଶ୍ଚିମବଙ୍ଗରୁ ବଲାଙ୍ଗିର ଯାଉଥିଲା । ସେହି ସମୟରେ ଚାରିଛକ ଗୋଲେଇ ନିକଟରେ ଫୁଲବାଣୀ ପଟୁ ଆସୁଥିବା ଓଡି୧୨ବି୮୪୩୦ ଏକ ଯାତ୍ରୀବାହୀ ଅଟୋ ସହ ମୁହାଁମୁହିଁ ଧକ୍କା ହୋଇଥିଲା ।ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅଟୋରେ ବସିଥିବା ବାକି ଯାତ୍ରୀ ଫେରାର ଥିବା ଜଣାପଡିଛି ।
ପୁରୁଣାକଟକ ପୁଲିସ ଘଟଣା ସ୍ଥଳରେ ପହଂଚି ଦୁର୍ଘଟଣାର ଛାନଭିନ ଆରମ୍ଭ କରିବା ସହ ଟ୍ରକ ଡ୍ରାଇଭର ଓ ଖଲାସୀ କୁ ଅଟକ ରଖି ପଚରାଉଚରା କରୁଛି ।