Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

ଓସମା ଷ୍ଟାଇଲ୍‌ରେ ମଲା ଆତଙ୍କବାଦର ମହା ରାକ୍ଷସ ଅବୁ ବକର ଅଲ ବାଗଦାଦି!ଆଇଏସ୍‌ଆଇଏସ୍‌ର ମୁଖ୍ୟଥିଲା

27/10/2019 at 4:54 PM

ନ୍ୟୁୟର୍କ – ଆଇଏସ୍‌ଆଇଏସ୍‌ର ପ୍ରମୁଖ ଅବୁ ବକର ଅଲ-ବାଗଦାଦି ମୃତ ବୋଲି ଆମେରିକା ସେନାର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ଶନିବାରରେ ସିରିୟାର ପଶ୍ଚିମରେ ଆମେରିକାର ସେନା ପକ୍ଷରୁ କରାଯାଇଥିବା ଏକ ଅପରେସନ୍‌ରେ ଅବୁ ବକର ଅଲ-ବାଗଦାଦି ନିହତ ହୋଇଥିବା ସୂଚନା ମିଳିଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବି କିଛି ବଡ ଘଟଣା ଘଟିଛି ବୋଲି ଟ୍ୱିଟ୍‌ କରିଛନ୍ତି ।

ଟ୍ରମ୍ପ ଏ ବିଷୟରେ ଘୋଷଣା କରିପାରନ୍ତି ବୋଲି ଅନୁମାନ କରାଯାଉଛି । ଅନ୍ତ ରାଷ୍ଟ୍ରୀୟ ମିଡିଆ ରିପୋର୍ଟ ଅନୁସାରେ ମୋଷ୍ଟ ଓ୍ୱାଣ୍ଟେଡ୍‌ ଆତଙ୍କବାଦୀ ଅବୁ ବକର ଅଲ-ବାଗଦାଦି ଆମେରିକା ସେନା ଦ୍ୱାରା କରାଯାଇଥିବା ସ୍ୱତନ୍ତ୍ର ଅପରେସନ୍‌ରେ ନିହତ ହୋଇଛି । ରବିବାର ରାତି ୯ଟା ସୁଦ୍ଧା ଏ ବିଷୟରେ ଟ୍ରମ୍ପ ଘୋଷଣା କରିପାରନ୍ତି ।

ଆମେରିକାର ହେଲିକପ୍ଟର ସିରିଆର ଲଡଲିବ ଅଞ୍ଚଳରେ ୟୁଏସ୍‌ ନାଭି ସିଲ୍‌ର କମାଣ୍ଡୋମାନଙ୍କ ଓହ୍ଲାଇଥିଲା. ଏହାପରେ ଲଡଲିବର ବରିଶା ଅଞ୍ଚଳରେ ଥିବା ଏକ ଘରକୁ ଏମାନେ ନିସାନା କରିଥିଲେ । ଏଥିରେ ୯ ଜଣ ଲୋକଙ୍କର ମୃତ୍ୟୁ ହୋଇଥିବା ସ୍ପଷ୍ଟ ହୋଇଛି। ଗୋଟିଏ ଛୋଟ ପିଲା ୨ ଜଣ ମହିଳାଙ୍କ ସମେତ ଆଇଏସ୍‌ଆଇଏସ୍‌ର ଟପ୍‌ କ୍ୟାଡର ଆତଙ୍କବାଦୀ ଅବୁ ୟମନ ର ମୃତ୍ୟୁ ହୋଇଛି । ପରେ ସେଠାରେ ଏକ ମିନିବସ୍‌ ନଷ୍ଟ ହୋଇଯାଇଥିବା କଥା ପ୍ରତ୍ୟକ୍ଷଦର୍ଶୀମାନେ କହିଛନ୍ତି ।


୨୦୧୭ ମସିହା ଜୁନ୍‌ ୧୧ ତାରିଖରେ ଅବୁ ବକର ଅଲ-ବାଗଦାଦି ନିହତ ହୋଇଥିବା କଥା ଖବର ପ୍ରଚାରିତ ହୋଇଥିଲା । ସିରିଆର ସରକାରୀ ଟେଲିଭିଜନ୍‌ ମଧ୍ୟ ଏହାକୁ ସତ ବୋଲି ପ୍ରସାରଣ କରିଥିଲା । ମାତ୍ର ଏହା ପରେ ଋଷ୍‌ ଅବୁ ବକର ଅଲ-ବାଗଦାଦିକୁ ଖତମ କରିଥିବା କଥା ପ୍ରସାରିତ କରିଥିଲା । ସାରା ବିଶ୍ୱ ଏହି ଖବରକୁ ବିଶ୍ୱାସ କରିଥିଲା ।
ମାତ୍ର ୨୦୧୮ ମସିହା ଅଗଷ୍ଟ ୨୨ ତାରିଖରେ ସେ ଜୀବିତ ଥିବା କଥା ସାମ୍ନାକୁ ଆସିଥିଲା । ସେ ଏକ ଅଡିଓ ଟେପ୍‌ ଜାରି କରିଥିଲା । ଏଥିରେ ଆଇଏସ୍‌ଆଇଏସ୍‌ ସଙ୍ଗଠନକୁ ପୁଣି ଏକ୍‌ଜୁଟ୍‌ ହେବା ପାଇଁ ସନ୍ଦେଶ ଦିଆଯାଇଥିଲା ।

୨୦୧୪ ମସିହାରେ ଅବୁ ବକର ଅଲ-ବାଗଦାଦି ଆଇଏସ୍‌ଆଇଏସ୍‌ର ପ୍ରମୁଖ ଭାବେ ପରିଚିତ ହୋଇଥିଲା । ଏହାପରେ ଅନେକ ଥର ବାଗଦାଦି ନିହତ ହୋଇଥିବା କଥା ସାମ୍ନାକୁ ଆସିଛି । ମାତ୍ର ସେ ସବୁଥକର ବର୍ତ୍ତିଯାଇଥିବା ଜଣା ପଡିଥିଲା । ୨୦୧୭ ମସିହା ପରଠାରୁ ସେ ଏକ ପ୍ରତାର ଭୂତଳଗାମୀ ବା ଅଣ୍ଡରଗ୍ରାଉଣ୍ଡ ହୋଇଯାଇଥିଲା । ଯୁଦ୍ଧ ବିମାନ ଆକ୍ରମଣରେ ହଜାର ହଜାର ଆଇଏସ୍‌ଆଇଏସ୍‌ ଆତଙ୍କବାଦୀ ନିହତ ହୋଇଥିଲେ । ସେହି ସମୟରେ ଆମେରିକା ପକ୍ଷରୁ ଅବୁ ବକର ଅଲ-ବାଗଦାଦି ମରି ଥିବା କଥା କିଛି ସ୍ପଷ୍ କରି ନଥିଲେ । ମାତ୍ର ଏବେ ଆମେରିକାର ସେନାର ବରିଷ୍ଠ ଅଧିକାପୀ ଅବୁ ବକର ଅଲ-ବାଗଦାଦି ନିହତ ହୋଇଥିବା କଥା ସ୍ୱୀକାର କରୁଛନ୍ତି ।

   Related Posts