ୱାସିଂଟନ ୨୯|୧୦: ବାରମ୍ବାର ଚକମା ଦେଇ ଖସିଯାଉଥିବା ମୃତ୍ୟୁର ସୌଦାଗର ଅବୁ ବକର ଅଲ ବାଗଦାଦିର ଆଡ୍ଡା ଉପରେ ଆକ୍ରମଣ ପୂର୍ବରୁ ଆମେରିକୀୟ ସେନା ସୁନିଶ୍ଚିତ ହେଲେ କିପରି ? କେମିତି ଆମେରିକାର ଡେଲ୍ଟାଫୋର୍ସ ନିଶ୍ଚିତ ହେଲେ ଯେ ସିରଆ ଇଦଲିବ ଅଞ୍ଚଳର ସୁଡଙ୍ଗରେ ଲୁଚିଛି ISIS ମୁଖ୍ୟ । ତେବେ ତାକୁ ନିଶାନା କରିବାରେ ସାହାଯ୍ୟ କରିଥିଲା ବାଗଦାଦିର ଅଣ୍ଡରୱେୟାର । କେମିତି ଦେଖନ୍ତୁ ଏହି ରିପୋର୍ଟ।
ଅଣ୍ଡର ୱେୟାର ପାଇଁ ବାଗଦାଦି ମଲା । ତା ଅଣ୍ଡରୱେୟାର ହିଁ ତାର ମୃତ୍ୟୁର ମୁଖ୍ୟ କାରଣ । ଏହା ହିଁ ସାମ୍ନାକୁ ଆସିଛି । ଚୋରି କରି ଆଣାଯାଇଥିବା ଅଣ୍ଡର ୱେୟାର ହିଁ ବାଗଦାଦିର ଅସଲ ପରିଚୟ ଦେଇଥିଲା । କାରଣ କାର୍ଯ୍ୟାନୁଷ୍ଠାନ ପୂର୍ବରୁ ବାଗଦାଦିର ମୃତ୍ୟୁ ପ୍ରକୃତରେ ହୋଇଛି କି ନାହିଁ, ତାହା ଜାଣିବା ସବୁଠାରୁ ଚ୍ୟାଲେଞ୍ଜ ଥିଲା । ତେବେ ସେ ଜୀବୀତ ଥିବା ସ୍ପଷ୍ଟ ହେବା ପରେ ମେ ୧୫ରୁ ବଡ ମିଶନ ଆରମ୍ଭ କରିଥିଲା ଆମେରିକାର ସିଆଇଏ । ଏଥିପାଇଁ ୬ମାସ ଲାଗିଥିଲା ।
ବାଗଦାଦି ବାରମ୍ବାର ସ୍ଥାନ ପରିବର୍ତ୍ତନ କରୁଥିଲା। ତାର ସଠିକ ଆଡ୍ଡା ସଂପର୍କରେ ଜାଣିବାକୁ ଆମେରିକୀୟ ସ୍ପେସାଲ ଫୋର୍ସ ଓ କୁର୍ଦ୍ଦ ସେନାକୁ ବହୁ କସରତ କରିବାକୁ ପଡିଥିଲା । ଜଣେ ସିରିଆନ କୁର୍ଦ୍ଦ ଅଣ୍ଡରକଭର ଏଜେଣ୍ଟ ବାଗଦାଦି ରହୁଥିବା କୋଠାରେ ପହଞ୍ଚି ଥିଲେ । ସେ ବ୍ୟବହାର କରୁଥିବା କିଛି ଅନ୍ତଃବସ୍ତ୍ରକୁ ଚୋରି କରି ନେଇ ଆସିଥିଲେ। ତାର ଅଣ୍ଡରୱେରକୁ ନେଇ ଡିଏନ୍ଏ ଟେଷ୍ଟ କରାଯାଇଥିଲା। ସ୍ପଷ୍ଟ ହୋଇଥିଲା ବାଗଦାଦି ସିରିୟାର ଇଦଲିବରେ ହିଁ ରହୁଛି ।
ତେଣୁ ସିଧାସଳଖ ଟାର୍ଗେଟ କରିଥିଲେ ସେହି ଟନ୍ନେଲ ଉପରେ ଯେଉଁଠି ରହୁଥିଲା ବାଗଦାଦି। ଏହି କୁକୁର ଦ୍ବାରା ହିଁ ବାଗଦାଦିର ନିକଟତର ହୋଇଥିଲେ ଡେଲ୍ଟା ଫୋର୍ସ। ଆଉ ସବୁ ସରିଯାଉଥିବା ଜାଣି ବାଗଦାଦି ନିଜକୁ ଉଡ଼ାଇଥିଲା । କୁର୍ଦ୍ଦ ନେତୃତ୍ୱରେ ଗଠିତ ସିଆରନ୍ ଡେମୋକ୍ରାଟିକ୍ ଫୋର୍ସ(ଏସ୍ଡିଏଫ୍) ବରିଷ୍ଠ ପରାମର୍ଶଦା ପୋଲାଟ କାନ୍ ଏହି ଗୁପ୍ତ କାର୍ଯ୍ୟ ସମ୍ପର୍କରେ ସୂଚନା ଦେଇଛନ୍ତି। ସେପଟେ
ବାଗ୍ଦାଦିକୁ ଧରିବାରେ ତାର ଜଣେ ଘନିଷ୍ଠ ସହଯୋଗୀ ଇସ୍ମାଇଲ ଅଲ-ଇଠାୱିର ସୂଚନା ସହାୟକ ହୋଇଛି । ସଂଗଠନର କମାଣ୍ଡରମାନଙ୍କ ସହ ବାଗ୍ଦାଦି ବିଭିନ୍ନ ସମୟରେ ଆଲୋଚନା କରୁଥିଲା। ସୁରକ୍ଷା କର୍ମୀଙ୍କ ନଜରକୁ ନଆସିବା ପାଇଁ ସେ ଏକ ପରିବା ବୋଝେଇ ବସରେ ଯାତାୟାତ କରୁଥିଲା । ଇସ୍ମାଇଲ ସିରିୟା ପୁଲିସ ଦ୍ବାରା ଗିରଫ ହେବା ପରେ ଇରାକୀ କର୍ତ୍ତୃପକ୍ଷଙ୍କୁ ହସ୍ତାନ୍ତରିତ ହୋଇଥିଲା।
ଇସମାଇଲ ସମେତ ଅନ୍ୟ ୫ ଜଣ ବାଗଦାଦିକୁ ସିରିୟାର କେଉଁସବୁ ସ୍ଥାନରେ ଭେଟୁଥିଲେ ସେ ନେଇ କହିଥିଲା। ଇସମାଇଲଠାରୁ ଇରାକୀ ପୁଲିସ ପାଇଥିବା ସୂଚନା ଆଧାରରେ ବାଗଦାଦି ସମ୍ପର୍କରେ ସୂଚନା ମିଳିଥିଲା। ଏହି ସୂଚନା ହିଁ ବଗ୍ଦାଦିକୁ ଧରିବାରେ ବିଶେଷ ସହାୟକ ହୋଇଥିଲା ବୋଲି କୁହାଯାଉଛି ।
ବାଗଦାଦି ସହ ତାର ଦୁଇ ପତ୍ନୀ ଓ ଦୁଇ ପୁଅ ମଧ୍ୟ ଆତ୍ମଘାତି ଆକ୍ରମଣରେ ନିହତ ହୋଇଛନ୍ତ । ବାଗଦାଦିର ମୃତଦେହକୁ ଏକ ଅଜ୍ଞାତ ସ୍ଥାନକୁ ନିଆଯାଇ ମମୁଦ୍ର ମଧ୍ୟରେ କବର ଦିଆଯାଇଛି। ଠିକ ସେହିଭଳି ଯେମିତି ବିନଲାଡେନକୁ କବର ଦିଆଯାଇଥିଲା। ଅବଶ୍ୟ ଏହି ସମୟରେ ଇସଲାମ ଧର୍ମର ବିଧି ପାଳନ କରାଯାଇଥିଲା।
