Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୮ କରୋନା ସଂକ୍ରମିତଙ୍କ ମୃତ୍ୟୁ, ୧୨ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୭୯୩ କରୋନା ସଂକ୍ରମିତ, ୨୭୭୮୮୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||

ଶ୍ରୀମନ୍ଦିରର ପ୍ରାୟ ୪ ଶହ ସେବାୟତ କରୋନା ସଂକ୍ରମିତ: ମହାପ୍ରଭୁଙ୍କ ସେବା ପୂଜା ପାଇଁ କରାଗଲା ବିକଳ୍ପ ବ୍ୟବସ୍ଥା

20/09/2020 at 1:09 PM

ପୁରୀ୨୦/୯:  ପୁରୀ ସହରରେ କୋଭିଡ଼ ସଂକ୍ରମଣ ସଂଖ୍ୟା ବଢ଼ି ଚାଲିଛି। ଶ୍ରୀମନ୍ଦିରର ପ୍ରାୟ ୪ ଶହ ସେବାୟତ କରୋନା ସଂକ୍ରମିତ ହୋଇ ସାରିଲେଣି। ଯାହା ଫଳରେ ମହାପ୍ରଭୁଙ୍କ ପ୍ରତିଦିନ ସେବା ପୂଜା କରୁଥିବା ସେବାୟତଙ୍କ ସଂଖ୍ୟା କମିବାରେ ଲାଗିଛି। ଆଗାମୀ ଦିନରେ ଶ‌୍ରୀଜୀଉଙ୍କ ସେବା ପୂଜା ବାଧାପ୍ରାପ୍ତ ହେବା ନେଇ ଆଶଙ୍କା ଉପୁଜିଲାଣି। ତେବେ ମହାପ୍ରଭୁଙ୍କ ସେବା ପୂଜା ପାଇଁ ବିକଳ୍ପ ବ୍ୟବସ୍ଥା ରହିଥିବା କହିଛନ୍ତି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ।

ମହାମାରୀ କରୋନା ଯୋଗୁଁ ଅନେକ ସେବାୟତ କୋଭିଡ଼ ସଂକ୍ରମିତ ହେଉଥିବା ଯୋଗୁଁ ଏଭଳି ଆଶଙ୍କା ସୃଷ୍ଟି ହୋଇଛି। ପ୍ରତିଦିନ ସେବାୟତ ମାନେ କୋଭିଡ଼ ପଜିଟିଭ ଚିହ୍ନଟ ହେଉଛନ୍ତି। ତେଣୁ ଏଭଳି ସ୍ଥିତିରେ ପାଳିଆ ସେବାୟତ ଓ ଦୈନନ୍ଦିନ ମହାପ୍ରଭୁଙ୍କ ସେବା ପୂଜା କରୁଥିବା ସେବାୟତ ନିଜକୁ ସୁରକ୍ଷିତ ମଣୁ ନାହାନ୍ତି।

ତେବେ ଆଗାମୀ ଦିନରେ ସେବାୟତଙ୍କ ପଜିଟିଭ ସଂଖ୍ୟା ହ୍ରାସ ପାଇଲେ ମହାପ୍ରଭୁଙ୍କ ସେବା ପୂଜା ବ୍ୟାଘାତ ହେବା ସମ୍ଭାବନା ଦେଖା ଦେଇଛି। ସୂଚନା ଅନୁଯାୟୀ ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କ ସେବା ପୂଜା ପାଇଁ ୧୩ ଜଣ ଲେଖାଏଁ ମୋଟ ୩୯ ଜଣ ପୂଜାପଣ୍ତା ସେବକ ପାଳି ଖଟିଥାନ୍ତି। ରୋଟେସନ ଭିତିରେ ଏହି ସେବା ପୂଜା କରାଯାଉଥିବା ବେଳେ ଏଥି ମଧ୍ୟରୁ ଏବେ ୮ ଜଣ ଅସୁସ୍ଥ। ତେଣୁ ଆଗାମୀ ଦିନରେ ଯଦି ଅଧିକ ରୁ ଅଧିକ ସେବାୟତ ସଂକ୍ରମିତ ହୁଅନ୍ତି ତାହାଲେ ମହାପ୍ରଭୁଙ୍କ ନୀତି କାନ୍ତିରେ ବାଧା ଉପୁଜିବା ଆଶଙ୍କା ରହିଥିବା କହିଛନ୍ତି ସେବାୟତ।

ଶ୍ରୀମନ୍ଦିରରେ ମହାପ୍ରଭୁଙ୍କ ନୀତି କାନ୍ତି ସହ ସିଧାସଳଖ ସଂପର୍କ ରହିଛି ପୂଜାପଣ୍ତା, ସିଂହାରୀ, ମେକାପ, ପୁଷ୍ପାଳକ ଓ ମହାଜନ ସେବାୟତଙ୍କ। ଦିନକୁ ଦିନ ଏମାନଙ୍କ ମଧ୍ୟରେ ଗୋଟିଏ ପରେ ଗୋଟିଏ ନିଯୋଗର ସେବାୟତ ମାନେ କୋଭିଡ଼ ଆକ୍ରାନ୍ତ ହେଉଥିବାରୁ ଚିନ୍ତାଜନକ ପରିସ୍ଥିତି ସୃଷ୍ଟି ହୋଇଛି।

ଅନେକ ସଂକ୍ରମିତ ଥିବା ସେବାୟତ ପୁରୀର କୋଭିଡ଼ କେୟାର ସେଣ୍ଟର ଓ ଭୁବନେଶ୍ୱରରେ ଚିକିତ୍ସିତ ହେଉଛନ୍ତି। ସେହିପରି ଯେଉଁ ସେବାୟତ ମାନେ ହୋମ ଆଇସୋଲେସନରେ ଅଛନ୍ତି ସେମାନେ ସଠିକ ଭାବେ ନିୟମ ପାଳନ କରି ପାରୁନାହାନ୍ତି। କାରଣ ଅନେକ ସେବାୟତଙ୍କ ଘର ବହୁତ ଛୋଟ ଓ କୋଠରୀ ସଂଖ୍ୟା କମ୍। ତେଣୁ ଜଣେ ସଂକ୍ରମିତ ହେଲେ ଏହା ଅନ୍ୟ ମାନଙ୍କୁ ବ୍ୟାପୁଛି। ଅନ୍ୟପଟେ ମହାପ୍ରଭୁଙ୍କ ସେବା ପୂଜାରେ କୌଣସି ବ୍ୟାଘାତ ଘଟିଲା ଭଳି ଗୁରୁତୁର ପରିସ୍ଥିତି ଆସିନଥିବା କହିଛନ୍ତି ପରିଚାଳନା କମିଟି ସଦସ୍ୟ।

ତେବେ ସଂକ୍ରମଣ ଯୋଗୁଁ ସେବାୟତଙ୍କ ସଂଖ୍ୟା କମ୍ ହେଲେ କିମ୍ୱା କୌଣସି କାରଣରୁ ଜଣେ ସେବାୟତ ଅନୁପସ୍ଥିତ ରହିଲେ ଅନ୍ୟ କେଉଁ ସେବାୟତ ବିକଳ୍ପ ଭାବେ ମହାପ୍ରଭୁଙ୍କ ସେବା ପୂଜା କରିପାରିବେ ବୋଲି ଶ୍ରୀମନ୍ଦିର ରେକର୍ଡ଼ ଅଫ ରାଇଟରେ ଉଲ୍ଲେଖ ରହିଥିବା କହିଛନ୍ତି ସେବାୟତ।

   Related Posts