Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

ଗୃହ କମିଟିରେ ହାଜର ହେଲେନି ଆୟର ; ଇମେଲ୍ ଯୋଗେ ମାଗିଲେ କ୍ଷମା ଓ ସମୟ, ୨୩ ତାରିଖରେ ହାଜର ପାଇଁ ଗୃହ କମିଟି ଦେଲା ସମୟ

11/10/2018 at 12:59 PM

ଭୁବନେଶ୍ବର ୧୧|୧୦: ବିଧାନସଭା ଗୃହ କମିଟି ଆଗରେ ହାଜର ହେଲେନି ଅଭିଜିତ ଆୟର ମିତ୍ର । ଓଡିଶା ଏବଂ ଓଡିଶାର ବିଧାୟକଙ୍କ ସଂପର୍କରେ ଅରୁଚିକର ମନ୍ତବ୍ୟ ପ୍ରସଙ୍ଗରେ ଆସିଥିବା ସ୍ବାଧିକାର ଭଙ୍ଗ ପାଇଁ ଆଜି ବିଧାନସଭା ଗୃହ କମିଟି ଆଗରେ ହାଜର ହେବା ପାଇଁ ତାଙ୍କୁ ନୋଟିସ୍ ହୋଇଥିଲା । ତେବେ ବାତ୍ୟା ତିତଲି ଯୋଗୁଁ ବିମାନ ସେବା ଓ ରେଳ ସେବା ପ୍ରଭାବିତ ହୋଇଥିବାରୁ ସେ ଇମେଲ ଯୋଗେ ଗୃହ କମିଟିକୁ ସମୟ ମାଗିଥିଲେ । କମିଟି ଅଭିଜିତଙ୍କୁ ଆସନ୍ତା ୨୩ତାରିଖରେ ହାଜର ହେବା ପାଇଁ ସମୟ ଦେଇଛି ।

ଆଜି ବିଧାନସଭାର ଏ ସଂପର୍କିତ ଗୃହ କମିଟି ବିରୋଧି ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ବିଧାନସଭା ସମ୍ମିଳନୀ କକ୍ଷରେ ବସିଥିଲା । ବୈଠକରେ କମିଟିର ଅନ୍ୟ ୬ଜଣ ମଧ୍ୟ ଉପସ୍ଥିତ ଥିଲେ । ତେବେ ନିର୍ଦ୍ଧାରିତ ସମୟ ଦିନ ୧୧ଟା ବେଳେ ଆୟର କମିଟିରେ ହାଜର ହୋଇନଥିଲେ । ପରେ ସେ ଇମେଲ ଯୋଗେ ସମୟ ମାଗିଥିବା ଜଣାପଡିଥିଲା ।

ସୂଚନା ଯୋଗ୍ୟ ଯେ, କୋଣାର୍କ, ଶ୍ରୀମନ୍ଦିର, ଓଡିଶା ଏବଂ ଓଡିଶାର ବିଧାୟକଙ୍କ ସଂପର୍କରେ  ଆୟର ତାଙ୍କ ଟ୍ବିଟରରେ ଅରୁଚିକର ମନ୍ତବ୍ୟ ପ୍ରଦାନ କରିଥିଲେ । ଗତ ମାସ ୧୫ତାରିଖରେ ଏକ ଟ୍ବିଟ୍ ରେ ସେ ଭିଡିଓ ଅପଲୋଡ୍ କରିଥିଲେ । ଏହି ଭିଡିଓରେ ସେ କହିଥିଲେ ଯେ, କୋଣାର୍କର ନଗ୍ନ ମୂର୍ତ୍ତି ହିନ୍ଦୁ ପରମ୍ପରା ବିରୋଧୀ । ହିନ୍ଦୁ ଧର୍ମକୁ କଦର୍ଥ କରିବା ପାଇଁ ମୁସଲମାନମାନଙ୍କ ପ୍ରଭାବରେ ଏଭଳି ମୂର୍ତ୍ତି ତିଆରି ହୋଇଛି । ତେବେ ରାମମନ୍ଦିର ନିର୍ମାଣ ବେଳେ ସେଠାରେ ଏମିତି ମୂର୍ତ୍ତି ରହିବନାହିଁ । ଏହି ପ୍ରସଙ୍ଗକୁ ନେଇ ସମଗ୍ର ରାଜ୍ୟରେ ଅସନ୍ତୋଷ ଦେଖାଦେଇଥିଲା । ସୂଚନା ଯୋଗ୍ୟ ଯେ, ଆୟର ଭିଡିଓ ଅପଲୋଡ୍ କରିବା ପୂର୍ବ ଦିନ ସେ ପୂର୍ବତନ ସାଂସଦ ବୈଜୟନ୍ତ ପଣ୍ଡା ଏବଂ ଆଉଜଣେ ମହିଳା ରୀତା ସିଂଙ୍କ ସହ ହେଲିକପ୍ଟର ଯୋଗେ ପୁରୀ, କୋଣାର୍କ ଏବଂ ଚିଲିକା ଉପରେ ଉଡିଥିଲେ । ଚିଲିକା ନିକଟରେ ହେଲିକପ୍ଟର ଚିଲିକା ପାଣିର ଅତି ନିକଟକୁ ଆସିଥିଲା ବୋଲି ଅଭିଯୋଗ ହୋଇଥିଲା । ଏନେଇ ମାମଲା ମଧ୍ୟ ରୁଜୁ ହୋଇଥିଲା ।

ଆୟରଙ୍କ କୋଣାର୍କ ମନ୍ତବ୍ୟକୁ ନେଇ ସମଗ୍ର ରାଜ୍ୟରେ ହଇଚଇ ସୃଷ୍ଟି ହୋଇଥିବାବେଳେ ବର୍ଷେ ତଳେ ସେ ଓଡିଶା ସଂପର୍କରେ କରିଥିବା ଏକ ଟ୍ବିଟ୍ ସାମ୍ନାକୁ ଆସିଥିଲା । ଏଥିରେ ସେ ଶ୍ରୀଜଗନ୍ନାଥ କୋଲକାତାର ବୋଲି ଦର୍ଶାଇବା ସହ ତାଙ୍କୁ ଓଡିଆମାନେ ଚୋରୀକରି ଆଣିଛନ୍ତି ବୋଲି ଦର୍ଶାଇଥିଲେ । ସେହିଭଳି ଓଡିଶା ବୋଲି କୌଣସି ନିର୍ଦ୍ଧିଷ୍ଟ ରାଜ୍ୟ ନଥିଲା । ଏହା ପଶ୍ଚିମବଙ୍ଗର ଦକ୍ଷିଣରେ ଥିବା ଆଦିବାସୀ ଅଧ୍ୟୁସିତ ବନାଞ୍ଚଳ ଥିଲା ବୋଲି କହିଥିଲେ । ଓଡିଶା ଶବ୍ଦର ଉତ୍ପତି ସଂପର୍କରେ ମଧ୍ୟ ସେ ଅତ୍ୟନ୍ତ ଆପତ୍ତିଜନକ ମନ୍ତବ୍ୟ ପ୍ରଦାନ କରିଥିଲେ । ବଙ୍ଗାଳୀମାନେ ଡାକୁଥିବା ଓରି-ଶାଲାରୁ ଓଡିଶାର ଉତ୍ପତି ବୋଲି ସେ କହିଥିଲେ । ଏହାକୁ ନେଇ  ଓଡିଶାରେ ଭୀଷଣ ପ୍ରତିକ୍ରିୟା ସୃଷ୍ଟି ହୋଇଥିଲା । ଏପରିକି ବିଧାନସଭାରେ ମଧ୍ୟ କିଛି ବିଧାୟକ ପ୍ରସଙ୍ଗ ଉଠାଇଥିଲେ । ଠିକ୍ ଏହି ସମୟରେ ନ୍ୟୁଜ୍ ସେଭେନ ଦିଲ୍ଲୀଠାରେ ଅଭିଜିତ ଆୟରଙ୍କ ଏକ ସ୍ବତନ୍ତ୍ର ସାକ୍ଷାତକାର ନେଇଥିଲା । ଏହି ସାକ୍ଷାତକାରରେ ଅଭିଜିତ ଓଡିଶା ବିଧାୟକମାନଙ୍କୁ ବୁଦ୍ଦୁ ବୋଲି କହିଥିଲେ । ବିଧାନସଭାର କ୍ଷମତାକୁ ଚ୍ୟାଲେଞ୍ଜ କରି ଗିରଫ କରି ଦେଖାଅ ବୋଲି ଅହଂକାର ସହିତ କହିଥିଲେ । ଅଭିଜିତଙ୍କ ଏହି ସାକ୍ଷାତକାର ପ୍ରସାରଣ ପରେ ବିଧାନସଭାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ବିରୋଧୀଦଳ ନେତା ନରସଂହ ମିଶ୍ର ସ୍ବାଧିକାର ଭଙ୍ଗ ପ୍ରସ୍ତାବ ଆଗତ କରିଥିଲେ । ବିଧାନସଭାରେ ଦଳମତ ନିର୍ବିଶେଷରେ ସମସ୍ତେ ଆୟରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଥିଲେ । ଫଳରେ ବିଧାନସଭା ଗୃହ କମିଟି ଗଠନ ହୋଇଥିଲା ।

ସୂଚନାଯୋଗ୍ୟ ଯେ, ଆୟରଙ୍କ ବିରୋଧରେ କୋଣାର୍କ ଥାନାରେ ଦାୟର ଏକ ମାମଲାରେ ପୁରୀ ପୋଲିସ ଆୟରଙ୍କୁ ଦିଲ୍ଲୀରୁ ଗିରଫ କରିଥିଲା । ପରେ ତାଙ୍କୁ ଦିଲ୍ଲୀ ସାକେତ୍ ସ୍ଥିତ ମେଟ୍ରୋପଲିଟାନ ମାଜିଷ୍ଟ୍ରେଟଙ୍କ ଅଦାଲତରେ ହାଜର କରାଯାଇଥିଲା । ଅଦାଲତ ଆୟରଙ୍କୁ ସେପ୍ଟେମ୍ବର ୨୮ତାରିଖ ପର୍ଯ୍ୟନ୍ତ  ଅନ୍ତରୀଣ ଜାମିନ ପ୍ରଦାନ କରିଥିଲେ । ଆୟର ସୁପ୍ରିମକୋର୍ଟଙ୍କ ମଧ୍ୟ ଦ୍ବାରସ୍ଥ ହୋଇଥିଲେ । ସୁପ୍ରିମକୋର୍ଟ ତାଙ୍କୁ ପୁର୍ନବାର ଅନ୍ତରୀଣ ସୁରକ୍ଷା ପ୍ରଦାନ କରି ଅକ୍ଟୋବର ୫ତାରିଖରେ କୋଣାର୍କ ପୋଲିସ ପାଖରେ ହାଜର ହେବା ପାଇଁ ନିର୍ଦ୍ଦେଶ ଦେଇଥିଲେ । ତେବେ ଆୟର ଚାହିଁଲେ ତାଙ୍କୁ ସମସ୍ତ ସୁରକ୍ଷା ଯୋଗାଇ ଦେବା ପାଇଁ ପୋଲିସକୁ ମଧ୍ୟ ଅଦାଲତ ନିର୍ଦ୍ଦେଶ ଦେଇଥିଲେ । ପରବର୍ତ୍ତୀ ସମୟରେ ଅକ୍ଟୋବର ୫ତାରିଖରେ ସୁପ୍ରିମକୋର୍ଟରେ ଆୟରଙ୍କ ପ୍ରସଙ୍ଗ ଶୁଣାଣି ହୋଇଥିଲା । ସୁପ୍ରିମକୋର୍ଟ ଆୟରଙ୍କୁ ଏଭଳି ମନ୍ତବ୍ୟ ପାଇଁ ଭର୍ସନା କରିବା ସହ ତାଙ୍କ ପାଇଁ ଉଚିତ୍ ସ୍ଥାନ ଜେଲ୍ ବୋଲି କହିଥିଲେ । ତଳ କୋର୍ଟର ନିର୍ଦ୍ଦେଶ ଅନୁସାରେ କୋଣାର୍କ ପୋଲିସ ନିକଟରେ ହାଜର ହେବା ପାଇଁ ମଧ୍ୟ ନିର୍ଦ୍ଦେଶ ଦେଇଥିଲେ ।

   Related Posts