Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ନିର୍ବାଚନରେ କରୋନା ନିୟମର ଖୁଲମ୍‌ଖୁଲା ଉଲଙ୍ଘନ, ଏପ୍ରିଲ୍‌ ୧୬ରେ ସର୍ବଦଳୀୟ ବୈଠକ ଡକାଇଲେ ନିର୍ବାଚନ ଆୟୋଗ
  • ||
  • ଭୁବନେଶ୍ବର : ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ
  • ||
  • ଭୁବନେଶ୍ବର : ରାଜ୍ୟରେ ପରୀକ୍ଷା ହେବ କି ନାହିଁ ସେନେଇ ଚିନ୍ତା କରିବୁ – ଗଣଶିକ୍ଷା ମନ୍ତ୍ରୀ
  • ||
  • ଯାଜପୁର : ଏକ ତରଫା ପ୍ରେମରୁ ଯୁବକଙ୍କ ଉନ୍ମତକାଣ୍ଡ, ବାହା ହେବାକୁ ରାଜି ନହେବାରୁ ସମ୍ପର୍କୀୟ ଭଉଣୀଙ୍କୁ ଚେଙ୍କ ଦେଲା ଭାଇ
  • ||
  • ବାଲେଶ୍ବର : ସମୁଦ୍ରରେ ମାଛ ଧରା ବନ୍ଦ, ଆଜିଠୁ ଜୁନ୍ ୧୫ ଯାଏଁ ବଳବତ୍ତର ରହିବ କଟକଣା
  • ||
  • ଭୁବନେଶ୍ବର : କୋଭିଡ୍ ନିୟମ ଉଲଂଘନକାରୀଙ୍କଠୁ ୨ କୋଟି ୧୭ ଲକ୍ଷ ଟଙ୍କା ଫାଇନ୍ ଆଦାୟ
  • ||
  • ଭୁବନେଶ୍ବର : ୟେଲୋ ଜୋନ୍‌କୁ ଗଲା ୫ ଜିଲ୍ଲା, ପୂର୍ବରୁ ୨ ଜିଲ୍ଲା ରହିଛି ରେଡ୍ ଜୋନ୍‌ରେ
  • ||
  • ଝାରସୁଗୁଡା : କୋଇଲା ଖଣି ମ୍ୟାନେଜର ଅଫିସରୁ ମହିଳା କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ମାଲକାନଗିରି : ମାଲକାନଗିରିରୁ ଛତିଶଗଡକୁ ସଂଯୋଗ ସମସ୍ତ ରାସ୍ତା ସିଲ୍, ଅପ୍ରେଲ ୩୦ଯାଏଁ ବସ୍ ଚଳାଚଳ ଠପ୍
  • ||
  • CBSE ଦଶମ ଶ୍ରେଣୀ ବୋର୍ଡ ପରୀକ୍ଷା ବାତିଲ, ଛାତ୍ରଛାତ୍ରୀଙ୍କ ମାର୍କ ସ୍ଥିର କରିବ ବୋର୍ଡ
  • ||

ଆଜି ବିଧାନସଭା ଗୃହ କମିଟି ଆଗରେ ହାଜର ହୋଇପାରନ୍ତି ଅଭିଜିତ ଆୟର ମିତ୍ର

23/10/2018 at 9:35 AM

ଭୁବନେଶ୍ବର ୨୩|୧୦: ଆଜି ବିଧାନସଭାର ଗୃହ କମିଟି ସମ୍ମୁଖରେ ହାଜର ହୋଇ ପାରନ୍ତି ଅଭିଜିତ୍ ଆୟର ମିତ୍ର। ଏଥିପାଇଁ ତାଙ୍କୁ କଡ଼ା ସୁରକ୍ଷା ଯୋଗାଇ ଦେବାକୁ ପୁଲିସ କମିଶନର ସତ୍ୟଜିତ୍ ମହାନ୍ତି ନିର୍ଦ୍ଦେଶ ଦେଇଛନ୍ତି। ଅଭିଜିତ ଓଡ଼ିଶାର କଳା ସଂସ୍କୃତି ଓ ବିଧାୟକମାନଙ୍କ ବିରୋଧରେ କଟୁ ମନ୍ତବ୍ୟ ଦେଇଥିଲେ। ଏହା ପରେ ଭୁବନେଶ୍ବରର ସହିଦନଗର ଥାନା ଓ କୋଣାର୍କ ଥାନାରେ ମାମଲା ରୁଜୁ କରାଯିବା ସହିତ ଗୃହ କମିଟି ଅଭିଜତଙ୍କୁ ବ୍ୟକ୍ତିଗତ ଭାବେ ହାଜର ହେବାକୁ ନିର୍ଦ୍ଦେଶ ଦେଇଥିଲେ। କିନ୍ତୁ ଆଶ୍ଚର୍ଯ୍ୟ ଜନକ ଭାବେ ଅଭିଜିତ ନା ଗୃହ କମିଟି ନିକଟରେ ହାଜର ହୋଇଥିଲେ ନା ଥାନାରେ। ପରେ କିନ୍ତୁ ମେଲ୍ ଯୋଗେ ଓ ଟୁଇଟ୍ ମାଧ୍ୟମରେ କ୍ଷମା ପ୍ରାର୍ଥନା କରିଥିଲେ। ତେଣୁ ଗୃହ କମିଟି ତାଙ୍କୁ ଅକ୍ଟୋବର ୨୩ ଯାଏଁ ପର୍ଯ୍ୟନ୍ତ ସମୟ ଦେଇଥିଲେ।  ଅଭିଜିତଙ୍କ କଟୁ ମନ୍ତବ୍ୟ ନେଇ ସାରା ରାଜ୍ୟରେ ଅସନ୍ତୋଷ ପ୍ରକାଶ ପାଇଥିଲା। ଏହି କାରଣରୁ ସେ ଭୁବନେଶ୍ବର ଆସିବାବେଳେ ଅପ୍ରୀତିକର ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି। ତେଣୁ ଅଭିଜିତଙ୍କ ପକ୍ଷରୁ ସୁରକ୍ଷା ପାଇଁ ଅନୁରୋଧ କରାଯିବା ପରେ ସମସ୍ତ ସୁରକ୍ଷା ଯୋଗାଇ ଦିଆଯିବ ବୋଲି ପୁଲିସ କମିସନର କହିଛନ୍ତି।

ସୂଚନା ଯୋଗ୍ୟ ଯେ, କୋଣାର୍କ, ଶ୍ରୀମନ୍ଦିର, ଓଡିଶା ଏବଂ ଓଡିଶାର ବିଧାୟକଙ୍କ ସଂପର୍କରେ  ଆୟର ତାଙ୍କ ଟ୍ବିଟରରେ ଅରୁଚିକର ମନ୍ତବ୍ୟ ପ୍ରଦାନ କରିଥିଲେ । ଗତ ମାସ ୧୫ତାରିଖରେ ଏକ ଟ୍ବିଟ୍ ରେ ସେ ଭିଡିଓ ଅପଲୋଡ୍ କରିଥିଲେ । ଏହି ଭିଡିଓରେ ସେ କହିଥିଲେ ଯେ, କୋଣାର୍କର ନଗ୍ନ ମୂର୍ତ୍ତି ହିନ୍ଦୁ ପରମ୍ପରା ବିରୋଧୀ । ହିନ୍ଦୁ ଧର୍ମକୁ କଦର୍ଥ କରିବା ପାଇଁ ମୁସଲମାନମାନଙ୍କ ପ୍ରଭାବରେ ଏଭଳି ମୂର୍ତ୍ତି ତିଆରି ହୋଇଛି । ତେବେ ରାମମନ୍ଦିର ନିର୍ମାଣ ବେଳେ ସେଠାରେ ଏମିତି ମୂର୍ତ୍ତି ରହିବନାହିଁ । ଏହି ପ୍ରସଙ୍ଗକୁ ନେଇ ସମଗ୍ର ରାଜ୍ୟରେ ଅସନ୍ତୋଷ ଦେଖାଦେଇଥିଲା । ସୂଚନା ଯୋଗ୍ୟ ଯେ, ଆୟର ଭିଡିଓ ଅପଲୋଡ୍ କରିବା ପୂର୍ବ ଦିନ ସେ ପୂର୍ବତନ ସାଂସଦ ବୈଜୟନ୍ତ ପଣ୍ଡା ଏବଂ ଆଉଜଣେ ମହିଳା ରୀତା ସିଂଙ୍କ ସହ ହେଲିକପ୍ଟର ଯୋଗେ ପୁରୀ, କୋଣାର୍କ ଏବଂ ଚିଲିକା ଉପରେ ଉଡିଥିଲେ । ଚିଲିକା ନିକଟରେ ହେଲିକପ୍ଟର ଚିଲିକା ପାଣିର ଅତି ନିକଟକୁ ଆସିଥିଲା ବୋଲି ଅଭିଯୋଗ ହୋଇଥିଲା । ଏନେଇ ମାମଲା ମଧ୍ୟ ରୁଜୁ ହୋଇଥିଲା ।

ଆୟରଙ୍କ କୋଣାର୍କ ମନ୍ତବ୍ୟକୁ ନେଇ ସମଗ୍ର ରାଜ୍ୟରେ ହଇଚଇ ସୃଷ୍ଟି ହୋଇଥିବାବେଳେ ବର୍ଷେ ତଳେ ସେ ଓଡିଶା ସଂପର୍କରେ କରିଥିବା ଏକ ଟ୍ବିଟ୍ ସାମ୍ନାକୁ ଆସିଥିଲା । ଏଥିରେ ସେ ଶ୍ରୀଜଗନ୍ନାଥ କୋଲକାତାର ବୋଲି ଦର୍ଶାଇବା ସହ ତାଙ୍କୁ ଓଡିଆମାନେ ଚୋରୀକରି ଆଣିଛନ୍ତି ବୋଲି ଦର୍ଶାଇଥିଲେ । ସେହିଭଳି ଓଡିଶା ବୋଲି କୌଣସି ନିର୍ଦ୍ଧିଷ୍ଟ ରାଜ୍ୟ ନଥିଲା । ଏହା ପଶ୍ଚିମବଙ୍ଗର ଦକ୍ଷିଣରେ ଥିବା ଆଦିବାସୀ ଅଧ୍ୟୁସିତ ବନାଞ୍ଚଳ ଥିଲା ବୋଲି କହିଥିଲେ । ଓଡିଶା ଶବ୍ଦର ଉତ୍ପତି ସଂପର୍କରେ ମଧ୍ୟ ସେ ଅତ୍ୟନ୍ତ ଆପତ୍ତିଜନକ ମନ୍ତବ୍ୟ ପ୍ରଦାନ କରିଥିଲେ । ବଙ୍ଗାଳୀମାନେ ଡାକୁଥିବା ଓରି-ଶାଲାରୁ ଓଡିଶାର ଉତ୍ପତି ବୋଲି ସେ କହିଥିଲେ । ଏହାକୁ ନେଇ  ଓଡିଶାରେ ଭୀଷଣ ପ୍ରତିକ୍ରିୟା ସୃଷ୍ଟି ହୋଇଥିଲା । ଏପରିକି ବିଧାନସଭାରେ ମଧ୍ୟ କିଛି ବିଧାୟକ ପ୍ରସଙ୍ଗ ଉଠାଇଥିଲେ । ଠିକ୍ ଏହି ସମୟରେ ନ୍ୟୁଜ୍ ସେଭେନ ଦିଲ୍ଲୀଠାରେ ଅଭିଜିତ ଆୟରଙ୍କ ଏକ ସ୍ବତନ୍ତ୍ର ସାକ୍ଷାତକାର ନେଇଥିଲା । ଏହି ସାକ୍ଷାତକାରରେ ଅଭିଜିତ ଓଡିଶା ବିଧାୟକମାନଙ୍କୁ ବୁଦ୍ଦୁ ବୋଲି କହିଥିଲେ । ବିଧାନସଭାର କ୍ଷମତାକୁ ଚ୍ୟାଲେଞ୍ଜ କରି ଗିରଫ କରି ଦେଖାଅ ବୋଲି ଅହଂକାର ସହିତ କହିଥିଲେ । ଅଭିଜିତଙ୍କ ଏହି ସାକ୍ଷାତକାର ପ୍ରସାରଣ ପରେ ବିଧାନସଭାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ବିରୋଧୀଦଳ ନେତା ନରସଂହ ମିଶ୍ର ସ୍ବାଧିକାର ଭଙ୍ଗ ପ୍ରସ୍ତାବ ଆଗତ କରିଥିଲେ । ବିଧାନସଭାରେ ଦଳମତ ନିର୍ବିଶେଷରେ ସମସ୍ତେ ଆୟରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଥିଲେ । ଫଳରେ ବିଧାନସଭା ଗୃହ କମିଟି ଗଠନ ହୋଇଥିଲା ।

ସୂଚନାଯୋଗ୍ୟ ଯେ, ଆୟରଙ୍କ ବିରୋଧରେ କୋଣାର୍କ ଥାନାରେ ଦାୟର ଏକ ମାମଲାରେ ପୁରୀ ପୋଲିସ ଆୟରଙ୍କୁ ଦିଲ୍ଲୀରୁ ଗିରଫ କରିଥିଲା । ପରେ ତାଙ୍କୁ ଦିଲ୍ଲୀ ସାକେତ୍ ସ୍ଥିତ ମେଟ୍ରୋପଲିଟାନ ମାଜିଷ୍ଟ୍ରେଟଙ୍କ ଅଦାଲତରେ ହାଜର କରାଯାଇଥିଲା । ଅଦାଲତ ଆୟରଙ୍କୁ ସେପ୍ଟେମ୍ବର ୨୮ତାରିଖ ପର୍ଯ୍ୟନ୍ତ  ଅନ୍ତରୀଣ ଜାମିନ ପ୍ରଦାନ କରିଥିଲେ । ଆୟର ସୁପ୍ରିମକୋର୍ଟଙ୍କ ମଧ୍ୟ ଦ୍ବାରସ୍ଥ ହୋଇଥିଲେ । ସୁପ୍ରିମକୋର୍ଟ ତାଙ୍କୁ ପୁର୍ନବାର ଅନ୍ତରୀଣ ସୁରକ୍ଷା ପ୍ରଦାନ କରି ଅକ୍ଟୋବର ୫ତାରିଖରେ କୋଣାର୍କ ପୋଲିସ ପାଖରେ ହାଜର ହେବା ପାଇଁ ନିର୍ଦ୍ଦେଶ ଦେଇଥିଲେ । ତେବେ ଆୟର ଚାହିଁଲେ ତାଙ୍କୁ ସମସ୍ତ ସୁରକ୍ଷା ଯୋଗାଇ ଦେବା ପାଇଁ ପୋଲିସକୁ ମଧ୍ୟ ଅଦାଲତ ନିର୍ଦ୍ଦେଶ ଦେଇଥିଲେ । ପରବର୍ତ୍ତୀ ସମୟରେ ଅକ୍ଟୋବର ୫ତାରିଖରେ ସୁପ୍ରିମକୋର୍ଟରେ ଆୟରଙ୍କ ପ୍ରସଙ୍ଗ ଶୁଣାଣି ହୋଇଥିଲା । ସୁପ୍ରିମକୋର୍ଟ ଆୟରଙ୍କୁ ଏଭଳି ମନ୍ତବ୍ୟ ପାଇଁ ଭର୍ସନା କରିବା ସହ ତାଙ୍କ ପାଇଁ ଉଚିତ୍ ସ୍ଥାନ ଜେଲ୍ ବୋଲି କହିଥିଲେ । ତଳ କୋର୍ଟର ନିର୍ଦ୍ଦେଶ ଅନୁସାରେ କୋଣାର୍କ ପୋଲିସ ନିକଟରେ ହାଜର ହେବା ପାଇଁ ମଧ୍ୟ ନିର୍ଦ୍ଦେଶ ଦେଇଥିଲେ ।

   Related Posts