Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜସ୍ଥାନ ରୟାଲ୍ସକୁ ୨୨୨ ରନର ବିଶାଳ ବିଜୟ ଲକ୍ଷ୍ୟ ଦେଲା ପଞ୍ଜାବ କିଙ୍ଗସ୍‌ : କେ.ଏଲ. ରାହୁଲ, ଦୀପକ ହୁଡାଙ୍କ ବିସ୍ଫୋରକ ଅର୍ଦ୍ଧଶତକ
  • ||
  • ମୋଦୀଙ୍କୁ ସୋନିଆଙ୍କ ପତ୍ର: ବୟସ ପରିବର୍ତ୍ତେ ଆବଶ୍ୟକତା ଅନୁସାରେ କରୋନା ଟିକା ଦିଆଯାଉ
  • ||
  • ବାଗ୍‌ଚି ଦମ୍ପତ୍ତିଙ୍କୁ ପ୍ରଶଂସା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଭୁବନେଶ୍ବରରେ କ୍ୟାନସର ହସ୍ପିଟାଲ ଏବଂ କେୟାର ସେଣ୍ଟର ପାଇଁ ସୁବ୍ରତୋ-ସୁସ୍ମିତା ଦେବେ ୪୩୦ କୋଟି ଟଙ୍କା
  • ||
  • ହସ୍ପିଟାଲରୁ ଡିସ୍‌ଚାର୍ଜ ହେଲେ ରାଷ୍ଟ୍ରପତି ରାମନାଥ କୋବିନ୍ଦ, ମାର୍ଚ୍ଚ ୩୦ରେ ହୋଇଥିଲା ବାଇପାସ୍‌ ସର୍ଜରୀ
  • ||
  • ପାଟଣା : ଭାରସାମ୍ୟ ହରାଇ ବ୍ରିଜ୍ ଉପରୁ ୨୦ଫୁଟ ତଳକୁ ଖସିଲା ବାଇକ୍, ୨ ଗୁରୁତର
  • ||
  • ନୀଳଗିିରି : ବିଦ୍ୟୁତ ବିଲ୍ ବୃଦ୍ଧି ପ୍ରତିବାଦରେ ସିପିଆଇର ରାସ୍ତାରୋକ
  • ||
  • ଢେଙ୍କାନାଳ : ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଚାଲିଗଲା ଜୀବନ
  • ||
  • ଭୁବନେଶ୍ବର : ଖରା ପାଇଁ ପାନୀୟ ଜଳ ବିଭାଗର ଛୁଟି ବାତିଲ
  • ||
  • ୨ ବିଶ୍ୱବିଦ୍ୟାଳୟରେ ନୂଆ କୁଳପତି, ରାଜଭବନ ପକ୍ଷରୁ ବିଜ୍ଞପ୍ତି ପ୍ରକାଶ
  • ||
  • ଭୁବନେଶ୍ବର : ଡାକ୍ତରଖାନା ପାଇଁ କୋଭିଡ୍ ଗାଇଡ୍‌ଲାଇନ୍, ଆବଶ୍ୟକତା ନଥିଲେ ସଂକ୍ରମିତଙ୍କୁ ଆଡମିଶନ ମନା
  • ||

ଓଡିଶା ସଂସ୍କୃତି ବିରୋଧରେ ଅଶାଳୀନ ମନ୍ତବ୍ୟ ରଖିଥିବା ନେଇ ଗୃହରେ କ୍ଷମା ମାଗିଲେ ଅଭିଜିତ: ଜାଣନ୍ତୁ କଣ ଥିଲା ତାଙ୍କର ଉତ୍ତର

23/10/2018 at 6:43 PM

ଭୁବନେଶ୍ୱର ୨୩/୧୦ : ଶେଷରେ ବିଧାନସଭା ଗୃହ କମିଟି ଆଗରେ ହାଜର ହେଲେ ଅଭିଜିତ ଆୟାର ମିତ୍ର । କୋଣାର୍କ ମନ୍ଦିର ଓଡିଶାର ସଂସ୍କୃତି, ବିଧାନସଭା  ସହ ବିଧାୟକଙ୍କ ଉପରେ ଯେଉଁ ଟିପ୍ପଣୀ ଦେଇଥିଲେ  ସେଥିପାଇଁ ଗଠିତ ଗୃହ କମିଟି ଆୟାରଙ୍କୁ ଜେରା କରିଛି । ଜେରା ବେଳେ ତାଙ୍କର ବୟାନ ରେକର୍ଡ କରାଯାଇଛି । ଆସନ୍ତା ଦୁଇ ତାରିଖରେ ପୁଣି ଆୟାର ଗୃହ କମିଟି ଆଗରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି। ଏଥିସହିତ ଏକ ସତ୍ୟପାଠ ଦାଖଲ ପାଇଁ  କୁହାଯାଇଛି । ଜେରା ବେଳେ ଆୟାର ପୂରାପୂରି ନମ୍ର ଭାବେ ସବୁକଥା ମାନିଯାଇଛନ୍ତି ଏବଂ ତାଙ୍କ ଭୁଲ ପାଇଁ ବାରମ୍ବାର କ୍ଷମା ପ୍ରାର୍ଥନା କରିଛନ୍ତି ।

ଅଭିଜିତ ଆୟାର ମିତ୍ର ପୂରାପୂରି ଥଣ୍ଡା । ଗୃହ କମିଟି ଆଗରେ ହାଜର ହୋଇ ଅଭିଜିତ ଆୟାର ନୀରିହ ପିଲାଟି ଭଳି ସବୁ ଉତ୍ତର ଦେଇଛନ୍ତି । ବିଧାନସଭା ଗୃହ କମିଟି  ପ୍ରଶ୍ନରେ ବାରମ୍ବାର ଛେପ ଢୋକିଛନ୍ତି ଆୟାର । ଦେଖନ୍ତୁ କଣ ଥିଲା ପ୍ରଶ୍ନ ଏବଂ ଏହାର ଉତ୍ତର କିଭଳି ରଖିଛନ୍ତି ଆୟାର ।

ବିଧାନସଭା ଗୃହ କମିଟିର ପ୍ରଶ୍ନ —ତୁମେ କୋଣାର୍କ ମନ୍ଦିର ଓ ଓଡିଶା ଉପରେ ଏଭଳି ଅରୁଚିକର ମନ୍ତବ୍ୟ ରଖିଲ କାହିଁକି ।

ଉତ୍ତର—ମୋର ନିର୍ବୋଧତା ପାଇଁ ମୁ ଏଭଳି କହିଥିବାରୁ କ୍ଷମା ମାଗୁଛି ।

ପ୍ରଶ୍ନ—- ତୁମେ ଏଭଳି ମନ୍ତବ୍ୟ ଦେଇସାରିବା ପରେ ବିଧାୟକ ମାନଙ୍କୁ କାହିଁକି ବୁଦ୍ଦୁ କହିଲ ।

ଉତ୍ତର— ମୁଁ ଫେସବୁକ ଓ ଟ୍ବିଟର ରେ ଦେଇଥିବା ମନ୍ତବ୍ୟକୁ ନେଇ ଓଡିଶା ବିଧାନ ସଭାକୁ ଠପ କରିଦିଆଗଲା । ମୋର କୁ​‌ଶ ପୁତ୍ତଳିକା ଦାହ କରାଗଲା । ତେଣୁ ମୋ ମନରେ ଆକ୍ରୋଶ ଆସିଲା  ।  ମୁଁ ଭୀଷଣ ଭାବେ ରାଗି ଯାଇଏଭଳି ମନ୍ତବ୍ୟ ଦେଇଥିଲି । ଯାହା ଠିକ ନୁହେଁ ।

ପ୍ରଶ୍ନ—ତୁମେ ନିଜକୁ ଏକ ସାମ୍ବାଦିକ କହୁଛ

ଉତ୍ତର—ନା, ମୁଁ ଜଣେ ରିସର୍ଚ୍ଚ ଛାତ୍ର ।

ପ୍ରଶ୍ନ— ତୁମେ ଓଡିଶା ବୁଲିବାକୁ ନିଜେ ଆସିଥିଲ ନା କେହି ନେଇ ଆସିଥିଲେ ।

ଉତ୍ତର—ମୁଁ ଜୟ ପଣ୍ଡାଙ୍କ ସହ  ଓଡିଶା ବୁଲି ଆସିଥିଲି ।

ଅଭିଜିତ ଆୟାରଙ୍କ , ଏ ସବୁ ପ୍ରଶ୍ନ ଓ ଉତ୍ତରକୁ ରେକର୍ଡ କରାଯାଇଛି, ଏବଂ ତାଙ୍କୁ ନଭେମ୍ବର ୨ ତାରିଖରେ ପୁଣି ଥରେ କମିଟି ଆଗରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି ।

ନଭେମ୍ବର ୨ରେ ଗୃହ କମିଟିରେ ହାଜର ବେଳେ ଅଭିଜିତ ଆୟାରଙ୍କୁ ଏକ ସତ୍ୟପାଠ ଦେବାକୁ ହେବ। ସେଥିରେ ତାଙ୍କର ଯଦି କିଛି ଅଧିକ କହିବାର ଥିବ ସେ ଦର୍ଶାଇବେ । ଏପରିକି ସେ ତାଙ୍କର ଓକିଲକୁ ଆଣିବାକୁ ଚାହିଁଲେ ମଧ୍ୟ ସାଥିରେ ଆଣିପାରିବେ । ତେବେ କମିଟି ଉଭୟ ସତ୍ୟପାଠ ଓ ରେକର୍ଡ ହୋଇଥିବା ବୟାନକୁ ତର୍ଜମା କରି ପରବର୍ତ୍ତୀ ନିଷ୍ପତ୍ତି ଘୋଷଣା କରିବେ ବୋଲି କହିଛନ୍ତି ବିରୋଧୀ ଦଳ ନେତା ନରସିଂହ ମିଶ୍ର  ।

ଗୃହକୁ ଅସମ୍ମାନ ନେଇ ଅଭିଜିତ୍‌ ହାଜର ହୋଇ ତାଙ୍କର ଉତ୍ତର ରଖିଥିବା ବେଳେ କୋଣାର୍କ ଏବଂ ଚିଲିକା ବାବଦରେ ତାଙ୍କଠାରୁ ଉତ୍ତର ଜାଣିବା ଲାଗି ପୋଲିସ ମଧ୍ୟ ଜେରା କରିଛି।

   Related Posts