ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜେଲରୁ ମୁକୁଳିବେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ହତ୍ୟାକାରୀ, ସୁପ୍ରିମକୋର୍ଟ ଦେଲେ ନିର୍ଦ୍ଦେଶ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୩ ପଜିଟିଭ୍
  • ||
  • ଦେବଗଡ଼ : ଭୁଲିଗଲା ସଂପର୍କ, ମଦ୍ୟପ ବାପାର କଟୁରୀ ଚୋଟରେ ପୁଅ ମୃତ
  • ||
  • ଗଞ୍ଜାମ: ତାରାତାରିଣୀଙ୍କ ପୀଠରେ ନୂତନ ମନ୍ଦିର ପ୍ରତିଷ୍ଠା ଉତ୍ସବ, ଯୋଗଦେବେ ମୁଖ୍ୟମନ୍ତ୍ରୀ
  • ||
  • ପୁରୀ : ରଥଯାତ୍ରା ପାଇଁ ଚଳଚଞ୍ଚଳ ରଥଖଳା, ଚକ ନିର୍ମାଣରେ ବ୍ୟସ୍ତ ମୁଖ୍ୟ ବିଶ୍ୱକର୍ମା
  • ||
  • ଉଦଳା: ପ୍ରେମିକାକୁ ଦେଖାକରିବାକୁ ଯାଇଥିଲେ ପ୍ରେମିକ ଧରାପଡିଗଲେ, ଦେଖାଇଲେ ବନ୍ଧୁକ
  • ||

ଅଭିଜିତ ଆୟାର ପ୍ରସଙ୍ଗ: କ୍ରାଇମବ୍ରାଞ୍ଚ ତଦନ୍ତ ଓ ତୁରନ୍ତ ହାଇକୋର୍ଟ କାର୍ଯ୍ୟରେ ଯୋଗ ଦେବାକୁ ଓକିଲଙ୍କୁ ନିର୍ଦେଶ ଦେଲେ ସୁପ୍ରିମକୋର୍ଟ

27/09/2018 at 6:45 PM

ଦିଲ୍ଲୀ ୨୭/୯ : ଓଡିଶା ସମ୍ପର୍କରେ ଅଭିଜିତ ଆୟାର ମିତ୍ରଙ୍କ ଅରୁଚିକର ମନ୍ତବ୍ୟ ପ୍ରସଙ୍ଗରେ କ୍ରାଇମ ବ୍ରାଞ୍ଚ ତଦନ୍ତ ନିର୍ଦେଶ ଦେଇଛନ୍ତି ସୁପ୍ରିମକୋର୍ଟ | କ୍ରାଇମ ବ୍ରାଞ୍ଚ ଆଇଜି ଘଟଣାର ତଦନ୍ତ କରିବେ ବୋଲି ଅଦାଲତ ଓଡିଶା ଡିଜିଙ୍କୁ ନିର୍ଦେଶ ଦେଇଛନ୍ତି | ଏଥିସହ ଅଭିଜିତ ଆୟାର ଚାହିଁଲେ ତାଙ୍କୁ ସମ୍ପୃକ୍ତ ତଦନ୍ତକାରୀ ଅଧିକାରୀ ସୁରକ୍ଷା ଯୋଗେଇ ଦେବେ ବୋଲି ମଧ୍ୟ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି |
ଅନ୍ୟ ପକ୍ଷରେ ତୁରନ୍ତ ହାଇକୋର୍ଟକୁ କାର୍ଯ୍ୟକ୍ଷମ କରିବା ପାଇଁ ମଧ୍ୟ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି | ସୁପ୍ରିମକୋର୍ଟ କହିଛନ୍ତି ଯେ, ହାଇକୋର୍ଟ ବନ୍ଦ ଥିବା ଯୋଗୁଁ ଏହି ମାମଲାରେ ଅଭିଜିତ ତାଙ୍କ ନ୍ୟାୟ ପାଇବା ଅଧିକାରରୁ ବଂଚିତ ହେଉଛନ୍ତି | ଅଭିଜିତଙ୍କ ଭଳି ଅନ୍ୟ ଲୋକମାନେ ମଧ୍ୟ ସମାନ ଅସୁବିଧା ଭୋଗୁଛନ୍ତି | ତେଣୁ ହାଇକୋର୍ଟକୁ କାର୍ଯ୍ୟକ୍ଷମ କରିବା ପାଇଁ ଅଦାଲତଙ୍କ ନିର୍ଦେଶ ହାଇକୋର୍ଟର ରେଜିଷ୍ଟାର, ହାଇକୋର୍ଟ ବାର ଆସୋସିଏସନର ସଭାପତି ଏବଂ ଅନ୍ୟାନ୍ୟ ଅଦାଲତରାଓକିଲ ସଂଘ କର୍ମକର୍ତ୍ତାଙ୍କ ପାଖରେ ପହଂଚିବା ପାଇଁ ଓଡିଶା ସରକାରଙ୍କ ପକ୍ଷରୁ ସୁପ୍ରିମକୋର୍ଟରେ ପକ୍ଷ ରଖୁଥିବା ଓକିଲଙ୍କୁ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି |
ଅପର ପକ୍ଷରେ ଅଭିଜିତ ଆୟାର ମିତ୍ର ମାମଲାରେ ଦିଲ୍ଲୀର ସକେତ ମେଟ୍ରୋ ପଲିଟାନ ଅଦାଲତର ମଧ୍ୟବର୍ତ୍ତୀ କାଳୀନ ନିର୍ଦେଶ ଅକ୍ଟୋବର ୫ତାରିଖ ପର୍ଯ୍ୟନ୍ତ ବଳବତ୍ତର ରହିବ ବୋଲି ସୁପ୍ରିମକୋର୍ଟ କହିଛନ୍ତି |
ସୂଚନାଯୋଗ୍ୟ ଯେ, ସେପ୍ଟେମ୍ବର ୨୮ ତାରିଖ ଅର୍ଥାତ ଆସନ୍ତାକାଲି କୋଣାର୍କ ଥାନାରେ ହାଜର ହେବା ପାଇଁ ଦିଲ୍ଲୀ ସକେତ ମେଟ୍ରୋ ପଲିଟାନ ଅଦାଲତ ଅଭିଜିତ ଆୟାରଙ୍କୁ ମଧ୍ୟବର୍ତ୍ତୀ କାଳୀନ ନିର୍ଦେଶ ଦେଇଥିଲେ | ଏ ପ୍ରସଙ୍ଗରେ ଅଭିଜିତ ଓଡିଶା ହାଇକୋର୍ଟଙ୍କ ଦ୍ୱାରସ୍ଥ ହେବା ଲାଗି ଚାହିଁଥିଲେ | କିନ୍ତୁ ଓଡିଶା ବାର ଆସୋସିଏସନର କାର୍ଯ୍ୟବନ୍ଦ ଆନ୍ଦୋଳନ ଯୋଗୁଁ ସେଥିରୁ ସେ ବଂଚିତ ହୋଇ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ |

   Related Posts