Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ଖାତାକୁ ଗଲା ‘କାଳିଆ’ ଟଙ୍କା, ଆକାଉଣ୍ଟକୁ ୯୧୦ କୋଟି ଟଙ୍କା ପଠାଇଲେ ମୁଖ୍ୟମନ୍ତ୍ରୀ
  • ||
  • ୫୦୦ ଲୋକଙ୍କୁ ନେଇ ଧୁମଧାମ୍‌ରେ ଚାଲିଥିଲା ବାହାଘର ଭୋଜି, ଚଢଉ କଲେ ତହସିଲଦାର…ଲାଗିଲା ମୋଟା ଅଙ୍କର ଫାଇନ୍
  • ||
  • ୩ ହଜାର ଲିଟର ମଦ ଜବତ, ୬୦ଟି ବସ୍ତାରେ ହେଉଥିଲା ଚାଲାଣ
  • ||
  • ନାଉ କିଆରୀରୁ ଜବତ ହେଲା ବିପୁଳ ପରିମାଣର ଗଞ୍ଜେଇ, ଜଣେ ଗିରଫ
  • ||
  • ଚେତୁ ନାହାଁନ୍ତି ଲୋକେ, ବିନିକା ବଜାରରେ କରୋନା କଟକଣା ବାଟବଣା
  • ||
  • ଚଣ୍ଡିଖୋଲ : ଧଳା ଜହର ରାକେଟ୍‌ର ପର୍ଦ୍ଦାଫାଶ କଲା ସଡକ ଦୁର୍ଘଟଣା, ଜବତ ହେଲା ୯ ଗ୍ରାମ୍ ବ୍ରାଉନସୁଗାର
  • ||
  • ଚଣ୍ଡିଖୋଲ : ଚଳିତ ବର୍ଷ ଫିକା ପଡିଛି ଇଦ୍, ଯାଜପୁରରେ ନିରାଡମ୍ବର ଭାବେ ପାଳିତ ହେଉଛି ଉଦ୍-ଉଲ୍-ଫିତର
  • ||
  • ତେଲକୋଇ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ସ୍ତ୍ରୀ ଗୁରୁତର, ସ୍ବାମୀ ଆହତ
  • ||
  • ନୂଆଦିଲ୍ଲୀ : ଆପ୍ ନେତା ଜରନେଲ୍ ସିଂହଙ୍କ କରୋନାରେ ଦେହାନ୍ତ, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ କେଜରିଓ୍ବାଲ
  • ||
  • ରାଜ୍ୟରେ କରୋନା ନେଲା ଆଉ ୨୨ଜଣଙ୍କ ଜୀବନ, ୨୨୭୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଏବିଇଓ ଶିବାନୀ ମୁଦୁଲି ସାଜିଛନ୍ତି ପାହାଡି କନ୍ୟା, ଦାୟିତ୍ବ ଆଗରେ ହାର୍ ମାନିଛି ପ୍ରତିବନ୍ଧକ

26/11/2019 at 3:00 PM

ଜୟପୁର ୨୬।୧୧ : ଦାୟିତ୍ବ ଆଗରେ ହାର ମାନିଛି ପ୍ରତିବନ୍ଧକ। ପ୍ରତିକୂଳ ପରିସ୍ଥିତିରେ ବି ସେ ନିଷ୍ଠାର ସହ କରିଛନ୍ତି କର୍ତ୍ତବ୍ୟ ।  ଦୁର୍ଗମ ରାସ୍ତା ହେଉ କି ନିଛାଟିଆ ମାଓ ପ୍ରବଣ ଜଙ୍ଗଲ ଅବା ନଦୀ ନାଳ।କେତେବେଳେ ଚାଲିଚାଲି ତ ଆଉ କେତେବେଳେ ନଦୀ ପାର ହୋଇ ସ୍କୁଲରେ ପହଞ୍ଚି ଯାଆନ୍ତି । ଆଉ ଏହି ପ୍ରେରଣାଦାୟୀ ମହିଳା ଅଧିକାରୀ ଜଣଙ୍କ ହେଉଛନ୍ତି ମାଓପ୍ରବଣ ମାଲକାନଗିରି ଜିଲ୍ଲା ଖଇରପୁଟ ବ୍ଲକର ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଶିବାନୀ ମୁଦୁଲି ।

ମାଓ ପ୍ରବଣ ନିଛାଟିଆ ଦୁର୍ଗମ ପାହାଡିଆ ରାସ୍ତା ।ଚାରିଆଡେ କେବଳ ଘଞ୍ଚ ଜଙ୍ଗଲ। ପାଦେ ପାଦେ ରହିଛି ବିପଦ। ଅନେକ ସମୟରେ ଭରା ନଈ ପାର ବି ହେବାକୁ ହୁଏ। ତଥାପି ଏସବୁକୁ ଖାତିର ନକରି ଆଗକୁ ଆଗ ବଢି ଚାଲିଛି ମହିଳା ଅଧିକାରୀଙ୍କ ପାଦ। ବର୍ଷ ବର୍ଷ ଧରି ଏଭଳି ନିଜ ଦାଇତ୍ଵ ସମ୍ପନ୍ନ କରି ଆସୁଛନ୍ତି ମାଓ ପ୍ରବଣ ମାଲକାନଗିରି ଜିଲ୍ଲା ଖଇରପୁଟ ବ୍ଲକର ଅତିରିକ୍ତ ବ୍ଲକ ଶିକ୍ଷା ଅଧିକାରୀ  ଶିବାନୀ ମୁଦୁଲି।

ଖଇରପୁଟ ବ୍ଲକରେ ମୋଟ୍ ୧୧୯ଟି ପ୍ରାଥମିକ ବିଦ୍ୟାଳୟ ରହିଛି।ଆଉ ଅନେକ ସ୍କୁଲ ଏପରି ଦୁର୍ଗମ ସ୍ଥାନରେ ଥିବାବେଳେ ପ୍ରତିଟି  ସ୍କୁଲ ମନଟରିଂ ଦାୟିତ୍ବ ଏବେ ମାଡାମଙ୍କ କାନ୍ଧରେ। ଆଉ ପ୍ରତିକୂଳ ପରିସ୍ଥିତି ସତ୍ତ୍ବେ ମାଡାମ ନିଜ ଦାୟିତ୍ବରେ କେବେ ଅବହେଳା କରି ନାହିଁନ୍ତି। ଆଉ ମାଡାମଙ୍କ ଏପରି ସାହାସିକତା ଓ ଧର୍ଯ୍ୟକୁ ନେଇ ସ୍ଥାନୀୟ ଅଂଚଳରେ ତାଙ୍କୁ ମିଳୁଛି ପ୍ରଶଂସା।

ମାଲକାନଗିରି ଜିଲ୍ଲାର ଏହି ଖଇରପୁଟ ବ୍ଲକ ଶିକ୍ଷା, ଗମନାଗମନଠାରୁ ଆରମ୍ଭ କରି ସ୍ବାସ୍ଥ୍ୟସେବାରେ ସବୁବେଳେ ପଛରେ । ଆଉ ଏହି ବ୍ଲକଟି ଏକ ମାଓ ପ୍ରବଣ ବ୍ଲକ ହୋଇଥିବାରୁ ବିକାଶମୂଳକ କାମ ବି  ଦିଗହରା । ବ୍ଲକର ଗୋଜିଆଗୁଡା, ବଡଡୁରାଲ, ମାଡକାପଦର, ଅଣ୍ଡାହାଲ, ମୁଦୁଲିପଡା ପରି ଗାଁ ଦୁର୍ଗମ ଅଂଚଳ ହୋଇଥିବାରୁ ଅଧିକାଂଶ ସମୟରେ ଅଧିକାରୀଙ୍କ ଏଠାରେ ପାଦ ପଡେ ନାହିଁ।

ଏଭଳି ସ୍ଥିତିରେ କିନ୍ତୁ କେବେ ବି ପଛଘୁଞ୍ଚା ଦେଇନାହାନ୍ତି ଶିବାନୀ ମାଡାମ୍ । ନିସ୍ବାର୍ଥପୁର ଭାବେ ନିଜ କର୍ତ୍ତବ୍ୟ କରିବା ସହ ଗାଁର ସମସ୍ୟା ତୁରନ୍ତ ସମାଧାନ କରିବାକୁ ପ୍ରଶାସନ ନିକଟରେ ନ୍ୟୁଜ ୭ ମାଧ୍ୟମରେ ଦାବି କରିଛନ୍ତି।

   Related Posts