Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ଦିଲ୍ଲୀରେ ପୁଣି ଆପ୍ ସରକାର ! ନିର୍ବାଚନ ତାରିଖ ଘୋଷଣା ପରେ ଦିଲ୍ଲୀ ଭୋଟରଙ୍କ ମୁଡ୍ କହିଲା ସର୍ଭେ

8/01/2020 at 2:14 PM

ନୂଆଦିଲ୍ଲୀ ୦୮/୦୧- ଫେବୃଆରୀ  ୮ ତାରିଖରେ ଦିଲ୍ଲୀ ବିଧାନସଭା ପାଇଁ ମତଦାନ ହେବ । ରାଜ୍ୟର ମୋଟ ୭୦ ଆସନରେ ମତଦାନ ହେବ ଏବଂ ଫେବୃଆରୀ ୧୧ ରେ ହେବ ଗଣତି ।ଏଥିନେଇ  ପ୍ରବଳ ଥଣ୍ଡାରେ ବି ଦିଲ୍ଲୀ ରାଜନୀତ ବେଶ୍ ଉସ୍ମ ।  ପ୍ରଥମଥର ଲାଗି ଦିଲ୍ଲୀରେ ଏକ ଅନନ୍ୟ ଲଢେଇ ହେବାକୁ ଯାଉଛି । ସିଏମ୍‌ ଭର୍ସେସ୍‌ ପିଏମ୍‌ । ଅର୍ଥାତ ଅରବିନ୍ଦ କେଜରିୱାଲ ବନାମ ନରେନ୍ଦ୍ର ମୋଦି । ଦୌଡରେ ଅଛି ବି କଂଗ୍ରେସ । ତେବେ ଗତ ସାଧାରଣ ନିର୍ବାଚନ ପରଠୁ ଏପରିକି ୨୦୧୫ ବିଧାନସଭା ନିର୍ବାଚନ ପରଠୁ କଂଗ୍ରେସର ସେପରି କିଛି ଆଖିଦୃଶିଆ ଶକ୍ତି ବୃଦ୍ଧିର ସଂକେତ ନାହିଁ । ଏସବୁ ଭିତରେ କିନ୍ତୁ ନିର୍ବାଚନ ପ୍ରଚାରରେ, କେଜରିୱାଲଙ୍କ ଆମ ଆଦମି ପାର୍ଟି ଲାଗି ଜୋଶ୍‌ ଦେଇଛି ଏକ ପ୍ରାକ୍‌ ନିର୍ବାଚନୀ ସର୍ଭେ । ଆଇଏଏନ୍‌ଏସ୍‌/ ସି-ଭୋଟର ଦିଲ୍ଲୀ ଟ୍ରାକର ସର୍ଭେ ରାଜ୍ୟରେ ଆମ ଆଦମି ପାର୍ଟି  ପୁଣି ସରକାର ଗଢିବ ବୋଲି କହୁଛି । ୨୦୧୫ ର ସଫଳତା ରିପିଟ  କରିବ ଆପ୍‌ । କିନ୍ତୁ ଦଳର ଆସନ ସଂଖ୍ୟା କମିବ ।ସେପଟେ ୨୦୧୮ ଲୋକସଭା ନିର୍ବାଚନରେ ଦିଲ୍ଲୀର ସମସ୍ତ ୭ ଲୋକସଭା ଆସନ ଜିତିଥିଲେ ବି ବିଜେପି ସେହି ଦବଦବା ବିଧାନସଭା ଭୋଟରେ ଦେଖାଇପାରିବନାହିଁ ବୋଲି କହୁଛି ପ୍ରାକ୍ ନିର୍ବାଚନ ସର୍ଭେ ।

ଆଇଏଏନ୍ଏସ୍/ ସି-ଭୋଟର ଦିଲ୍ଲୀ ଟ୍ରାକର ସର୍ଭେ ଅନୁଯାୟୀ ଆମ ଆଦମି ପାର୍ଟି ୫୯ ୬୪ ଆସନ ପାଇପାରେ ।ଆପ୍‌ର ଭୋଟ ପ୍ରତିଶତ ୫୩.୩ ପ୍ରତିଶତ ରହିବ ବୋଲି କହୁଛି ସର୍ଭେ । ତେବେ ୨୨ ବର୍ଷ ହେଲା ଦିଲ୍ଲୀରେ କ୍ଷମତାରେ ନଥିବା ବିଜେପି  ଏଥର ପ୍ରାଧାନମନ୍ତ୍ରୀଙ୍କୁ ଅସ୍ତ୍ର କରି ନିର୍ବାଚନ ଲଢୁଥିଲେ ବି ସେପରି କିଛି ବଡ଼ ସଫଳତା ହାସଲ କରିବାର ସମ୍ଭାବନା କହୁନି ସର୍ଭେ । ବିଜେପିର ଭୋଟ ପ୍ରତିଶତ ୨୫.୯ ରହିବ , କିନ୍ତୁ ଦଳକୁ ୮ ଟି ବିଧାନସଭା ଆସନ ମିଳିପାରେ ବୋଲି କହୁଛି ଆଇଏଏନ୍ଏସ୍/ ସି-ଭୋଟର ଦିଲ୍ଲୀ ଟ୍ରାକର ସର୍ଭେ ।ସେହିପରି କଂଗ୍ରେସ ର ଭୋଟ ୪.୯ ପ୍ରତିଶତ ରହିବ ଷ ଏବଂ ଦଳ ୪ ଟି ଆସନରେ ସୀମିତ ରହିବ ବୋଲି ସର୍ଭେ କହୁଛି । ତେବେ ୧୩,୦୭୬ ସାମ୍ପଲ ସାଇଜ୍‌ର ଏହି ସର୍ଭେରେ  ମତଦାତାଙ୍କୁ ଜାନୁଆରୀ ପ୍ରଥମ ସପ୍ତାହରେ ଭୋଟ ହେଲେ  କ’ଣ ହେବ ବୋଲି ପ୍ରଶ୍ନ କରାଯାଇଥିଲା ।

ତଥାପି ବର୍ତ୍ତମାନ ସ୍ଥିତିରେ ଆକଳନ କରାଗଲେ ଆପ୍ ୫୪ ରୁ ୬୪ ଆସନ, ବିଜେପି ୮ ରୁ ୧୩ ଆସନ ଏବଂ କଂଗ୍ରେସ ସର୍ବାଧିକ ୬ ଟି ଆସନ ପାଇପାରେ ବୋଲି ଆଶା କରାଯାଉଛି ।ଏହି ସର୍ଭେ ଅନୁଯାୟୀ ଉଭୟ ଆପ୍‌ ଏବଂ ବିଜେପି ଉଭୟଙ୍କ ଭୋଟବେସ୍‌  କେନ୍ଦ୍ରୀୟ ଦିଲ୍ଲୀ, , ବାହ୍ୟ ଦିଲ୍ଲୀ ଏବଂ ଟ୍ରାନ୍ସ-ଯମୁନା ଦିଲ୍ଲୀ ଅଞ୍ଚଳରେ ପ୍ରାୟ ଅକ୍ଷତ ରହିଛି ।

 ୨୦୧୫ ବିଧାନସଭା ନିର୍ବାଚନରେ ଆମ୍‌ ଆଦମିପାର୍ଟି ୭୦ ଆସନରୁ ୬୭ ଆସନରେ ଜିତିଥିଲା । ତେବେ ଉପନିର୍ବାଚନରେ ଦଳ ଗୋଟିଏ ଆସନ ହରାଇଥିଲା ।ଏହା ବ୍ୟତୀତ ଦଳର କିଛି ବିଧାୟକ ଅଯୋଗ୍ୟ ଘୋଷିତ ହେବାରୁ ଆପ୍‌ ବିଧାୟକ ସଂଖ୍ୟା ଦିଲ୍ଲୀ ବିଧାନସଭାରେ ୬୨ କୁ କମିଥିଲା । ସେପଟେ ବିଧାନସଭା ଭୋଟରେ ବିଜେପି ୩ଟି ଆସନ ଜିତିଥିବା ବେଳେ, ଉପନିର୍ବାଚନରେ ଗୋଟିଏ ଆସନ ପାଇ ୪ କୁ ବଢିଥିଲା । କିନ୍ତୁ ଲଗାତର ଶାସନ ସତ୍ତ୍ବେ କଂଗ୍ରେସ ଗୋଟିଏ ବି ଆସନ ପାଇନଥିଲା । ଏବେ ୫ ବର୍ଷ ପରେ ଆସନ ଗଣିତ ଅଲଗା ହେବ ।

ପ୍ରାକ୍‌ ନିର୍ବାଚନୀ ସର୍ଭେ ତ ଏପରି କହୁଛି, ସେପଟେ କିନ୍ତୁ ପ୍ରଚାର ଜେରଦାର ।ଆମେ ଯଦି କିଛି ଭଲ କାମ କରିଛୁ , ତେବେ ଆମକୁ ଭୋଟ ଦିଅ ବୋଲି ପ୍ରଚାର କରୁଛନ୍ତି ଆମ ଆଦମି ପାର୍ଟି ନେତା କେଜରିୱାଲ ।ତେବେ ପ୍ରଚାରରେ ତାଙ୍କ ସରକାରର ବିଭିନ୍ନ ସଫଳ ଯୋଜନା ସହ ୬୭ ପାର୍‌ ଟାର୍ଗେଟ୍‌ ରଖିଛି ଦଳ । ବିଜେପି କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଚେହେରାରେ କ୍ଷମତାକୁ ଆସିବାକୁ ଅଣ୍ଟା ଭିଡିଛି ।କାରଣ ଦଳର କେହି ନେତା ସେପରି ବିଜେତା ହେବାର ବ୍ୟକ୍ତିତ୍ବ ହୋଇପାରିନାହାନ୍ତି ।କଂଗ୍ରେସର ସ୍ଥିତି ମଜବୁତ ନଥିଲେ ବି ସଂପ୍ରତିକ ପ୍ରସଙ୍ଗ ତଥା ରାହୁଲ ଗାନ୍ଧିଙ୍କ ନିର୍ବାଚନୀ ରଣନୀତି ଉପରେ ଦଳ ଭରସା କରୁଛି ।ସେ ଯାହା ବି ହେଉ କିଏ ବିଜେତା,  ତାହା କହିବ ଫେବୃଆରୀ ୧୧ ।

   Related Posts