Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଖାଦ୍ୟ ସୁରକ୍ଷା ଯୋଜନାରେ ଆଧାର ଲିଙ୍କ୍: ନିଜ ଅଧିକାରରୁ ବଞ୍ଚିତ ହେଉଛନ୍ତି ହିତାଧିକାରୀ

2/09/2020 at 9:40 PM

କେନ୍ଦୁଝର୨/୯: ସରକାରଙ୍କ ଖାଦ୍ୟ ସୁରକ୍ଷା ଯୋଜନାରେ ହିତାଧିକାରୀଙ୍କ ଆଧାର ଲିଙ୍କ୍‌ ନିୟମ ଯୋଗୁଁ ଏବେ ଦୁର୍ଦ୍ଦଶାରେ ଦିନ କାଟିବାକୁ ବାଧ୍ୟ ହେଉଛନ୍ତି ରାଜ୍ୟର ଅନେକ ବୟସ୍କ ଅସହାୟ। ବାର୍ଦ୍ଧକ୍ୟ ଅବସ୍ଥାରେ ଆଖି ଖରାପ ଆଉ ଟିପ ଚିହ୍ନ ଲିଭିଯିବା କାରଣରୁ ଅନେକ ଲୋକ ଏବେ ସରକାରୀ ଚାଉଳ ଓ ଭତ୍ତା ପାଇବାରୁ ବଞ୍ଚିତ ହେଉଛନ୍ତି ।

ଖଟିଆରେ ପଡ଼ିରହି ଜୀବନ ସହ ସଂଘର୍ଷ କରୁଥିବା ଏହି ଦିବ୍ୟାଙ୍ଗ ବ୍ୟକ୍ତି ଜଣକ ହେଲେ କେନ୍ଦୁଝର ସଦର ବ୍ଲକ ଜାମୁନାଳିଆ ଗାଁର ଅର୍ଜୁନ୍‌ ମହାନ୍ତ। ପିଲାବେଳୁ ତାଙ୍କର ଆଖି ଦୁଇଟି ନଷ୍ଟ ହୋଇଯାଇଛି। ଗରିବ ଅସହାୟ ବୋଲି ସରକାର ତାଙ୍କୁ ଖାଦ୍ୟ ସୁରକ୍ଷା ଯୋଜନାରେ ସାମିଲ କରିଥିଲେ। ଫଳରେ ସରକାରୀ ଚାଉଳ ଆଉ ଭତ୍ତା ସାଜିଥିଲା ଜୀବନ ରକ୍ଷାର ମୂଳ ଆଧାର । ହେଲେ ଯେବେଠାରୁ  ହିତାଧିକାରୀଙ୍କ ଆଧାର ଲିଙ୍କ୍‌ ନିୟମ କାର୍ଯ୍ୟକାରୀ ହୋଇଛି ସେବେଠାରୁ ଦୁର୍ଦ୍ଦଶାରେ କାଳ କାଟୁଛନ୍ତି ଅର୍ଜୁନ୍‌ ମହାନ୍ତଙ୍କ ଭଳି ଅନେକ ଅସହାୟ । ସରକାରୀ ଯୋଜନାରେ ମିଳୁଥିବା ଚାଉଳ ଓ ଭତ୍ତା ଗଣ୍ଡାକ ବନ୍ଦ ହୋଇଯାଇଥିବାରୁ ଏବେ ଭୋକ ଉପାସରେ ବିତୁଛି ଜୀବନ ।

ଡାକ୍ତରଖାନାରେ ରୋଗ ଚିକିତ୍ସା କରିନପାରି ଚେଙ୍କ୍ ଚିକିତ୍ସା ଉପରେ ଭରସା କରିବା ପରେ ଅର୍ଜୁନଙ୍କ ଅବସ୍ଥା ଆହୁରି ଶୋଚନୀୟ ହୋଇପଡ଼ିଛି । ଏଭଳି ଅବସ୍ଥାରେ  କିଏ ତାଙ୍କୁ ସାହା ହେବ,  ସେଇ ଚିନ୍ତାରେ ଏବେ ଶଯ୍ୟାଶାୟୀ ଅର୍ଜୁନ। ।ମସ୍ତିକ ପକ୍ଷାଘାତର ଶିକାର ପତ୍ନୀଙ୍କ ସହ ସରକାରୀ ସହାୟତାକୁ ଅନାଇ ବସିଥିବା ଅର୍ଜୁନ ମହାନ୍ତଙ୍କ ଦୁର୍ଦ୍ଦଶା ଦେଖିଲେ ନିଶ୍ଚିତ ଦୁଃଖ ଲାଗିବ। ଅର୍ଜୁନ କି ସୁରେନ୍ଦ୍ରଙ୍କ ଭଳି କେନ୍ଦୁଝର ସଦର ବ୍ଲକର ଆହୁରି ଅନେକ ବୟସ୍କ ହିତାଧିକାରୀ ଏବେ ସରକାରଙ୍କ ଖାଦ୍ୟ ସୁରକ୍ଷା ଯୋଜନାରୁ ବଞ୍ଚିତ ହୋଇଛନ୍ତି । ସରକାରୀ ଚାଉଳ ଗଣ୍ଡାକ ଓ ଭତ୍ତା ଉପରେ ଭରସା କରି ଚଳୁଥିବା ଏହି ଅସହାୟଙ୍କ ପାଇଁ ତୁରନ୍ତ ଜିଲ୍ଲାପ୍ରଶାସନ ଆକ୍ସନକୁ ଆସିବାକୁ ଦାବି ହୋଇଛି ।

   Related Posts