ନୂଆଦିଲ୍ଲୀ ତା ୨୭.୧୨- ଭାରତର ୧୨୫ କୋଟି ନାଗରିକଙ୍କ ପାଖରେ ଏବେ ଆଧାର କାର୍ଡ ରହିଛି । ଦ ୟୁନିକ ଆଇଡେଣ୍ଟିଫିକେସନ ଅଥରିଟି ଅଫ ଇଣ୍ଡିଆ ( ଯୁଆଇଡିଏଆଇ) ଶୁକ୍ରବାର ଏହି ସୂଚନା ଦେଇଛନ୍ତି । ଦେଶବାସୀଙ୍କୁ ଆଦାର କାର୍ଡ ଯୋଗାଣ ସହ ଏହା ପ୍ରତ୍ୟେକ ଆଧାରକାର୍ଡ ଧାରୀଙ୍କ କ୍ଷେତ୍ରରେ ପ୍ରାଥମିକ ପରିଚୟ ପତ୍ର ଭାବେ ମଧ୍ୟ ବ୍ୟବହୃତ ହେଉଛି । ଯାହାକି ଅନ୍ୟ ଏକ ସଫଳତା ।
ଆଧାର କାର୍ଡ ପ୍ରଚଳନ ହେବା ଦିନଠାରୁ ବିଭିନ୍ନ କ୍ଷେତ୍ରରେ ଏହା ଆଧାର ଭିତ୍ତିକ ପରିଚୟ ପତ୍ର ଭାବେ ପାଖାପାଖି ୩୭ ହଜାର କୋଟି ଥର ବ୍ୟବହାର ହେଲାଣି ।ଏକ ସରକାରୀ ସୂଚନାରେ ଏହା ଉଲ୍ଲେଖ କରାଯାଇଛି । ୟୁଆଇଡିଏଆଇ ପକ୍ଷରୁ କୁହାଯାଇଛି ୧୨୫ କୋଟି ଟାର୍ଗେଟ ହାସଲ କରିବା ଆଧାର ପ୍ରକଳ୍ପର ଏକ ବଡ ଏବଂ ନୂତନ ସଫଳତା ।ଏହା ଅର୍ଥ ୧.୨୫ ଶହ କୋଟି ଭାରତୀୟଙ୍କ ପାଖରେ ୧୨ ସଂକ୍ୟା ବିଶିଷ୍ଟ ଅନନ୍ୟ ପରିଚୟ ପତ୍ର ରହିଛି ।