Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର : ଦୁଇ ବର୍ଷ ହେଲା ଲିଙ୍ଗ ବଦଳାଇ ରହୁଥିଲେ କିନ୍ନରଙ୍କ ସହ

4/01/2020 at 11:18 AM

ସୁରତ ୪/୧୨: ବେସୁର ଏସଏମସି ଆବାସରେ ଗତ ବୁଧବାର ଜଣେ ଯୁବକ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ମୃତକ ୨ବର୍ଷ ତଳୁ ଲିଙ୍ଗ ବଦଳି କିନ୍ନରଙ୍କ ସହ ରହୁଥିଲେ। ବୁଧବାର ସେ ନିଜ ଭାଇଙ୍କ ଝିଅଙ୍କୁ ଲୁଗା ଦେବାକୁ ଏବଂ ପରିବାର ଲୋକଙ୍କୁ ଦେଖା କରିବାକୁ ଆସିଥିଲେ। ଏହି ସମୟରେ ସେ ଫାଶୀ ଲଗାଇ ଆତ୍ମହତ୍ୟା କରିଥିଲେ। ଘଟଣା ବିଷୟରେ ଜଣା ପଡ଼ିବାରୁ ପୋଲିସ୍ ପହଞ୍ଚିଥିଲା। ପୋଲିସ୍ ଶବକୁ ପୋଷ୍ଟମର୍ଟମ ପାଇଁ ପଠାଇଥିଲା।

ବେସୁର ଏସଏମସିରେ ରହୁଥିବା ୧୮ବର୍ଷ ବୟସ୍କ କଳ୍ପେଶ ବୁଧବାର ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ମୃତକଙ୍କ ମାଆ ସଞ୍ଜୁ ପରମାର କହିଛନ୍ତି ଯେ ୪ସନ୍ତାନଙ୍କ ମଧ୍ୟରୁ କଳ୍ପେଶ ଦ୍ବିତୀୟ ନମ୍ବରରେ ଥିଲେ। କଳ୍ପେଶ ନବମ ଶ୍ରେଣୀ ଯାଏଁ ପଢ଼ିବା ପରେ ଲିଙ୍ଗ ବଦଳି କିନ୍ନରଙ୍କ ସହ ରହୁଥିଲେ। ସେ ତାଙ୍କ ନାଁ ବଦଳି କଳ୍ପନା ରଖିଥିଲେ।

କଳ୍ପେଶଙ୍କ ମୃତ୍ୟୁ ପରେ ପରିବାର ଏବଂ କିନ୍ନର ସମାଜରେ ଶୋକର ଛାୟା ଖେଳିଯାଇଛି। ଦୁଇ ବର୍ଷ ମଧ୍ୟରେ କଳ୍ପେଶ କିନ୍ନରଙ୍କ ସହ ୪/୫ଥର ପଞ୍ଜାବ,ନାଦିଆଦ,ଗଙ୍ଗାପୁର ଏବଂ ରାଜପିପଲାରେ ଆୟୋଜିତ କିନ୍ନର ସମ୍ମିଳନୀରେ ସାମିଲ ହୋଇ ସାରିଛନ୍ତି। ସବୁବେଳେ ଖୁସିରେ ରହୁଥିବା କଳ୍ପେଶ କାହିଁକି ଆତ୍ମହତ୍ୟା କଲେ ଏକଥା ସମସ୍ତଙ୍କ ମନରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏହି କଥାକୁ ନେଇ ପରିବାର ଏବଂ କିନ୍ନର ସମାଜରେ ଲୋକେ ଅତ୍ୟନ୍ତ ଦୁଃଖୀ। ପୋଲିସ୍ ମାମଲା ରୁଜୁ କରି ମୃତ୍ୟୁର କାରଣ ତଦନ୍ତ କରୁଛନ୍ତି।

   Related Posts