Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ବେଦନା ଦାୟକ : କରୋନା ବିପତ୍ତିରେ ଭୋକ ଯନ୍ତ୍ରଣାର କରୁଣ କଥା, ଭୋକିଲା ବୃଦ୍ଧା ମାଗୁଛନ୍ତି ଭାତ ସହ ଟିକିଏ ଲୁଣ…

10/06/2020 at 3:13 PM

ଭୁବନେଶ୍ୱର ୧୦।୦୬ : ପୁଅ କ’ଣ ଖାଇବା ଏତେ ଶୀଘ୍ର ସରିଗଲା !!! କଣ’ କରିବି ପୁଅ, ବୁଢ଼ୀ ମଣିଷଟା ଦୌଡ଼ି ଦୌଡ଼ି ଆସିପାରିଲିନି । ଭାତ, ଲୁଣ ଟିକେ ହେଲେ ବି ମତେ ଦେ । ଖଣ୍ଡଗିରି ଅଞ୍ଚଳର ରାଷ୍ଟ୍ରୀୟ ସ୍ୱୟଂ ସେବକ ସଂଘର କିଛି କର୍ତ୍ତୃପକ୍ଷଙ୍କୁ ବୁଢ଼ୀ ମାଉସୀ ଜଣେ ଏମିତି କହୁଥିବା ଆମେ ଶୁଣିଲୁ । ୪୭ ଦିନ ହେବ ଏମ୍‌ସ ହସ୍ପିଟାଲରେ ରୋଗୀଙ୍କ ପରିବାର ଓ ସମ୍ପର୍କୀୟ ମାନଙ୍କୁ ମାଗଣା ଖାଦ୍ୟ ପ୍ରଦାନ କରାଯାଉଛି । ଏମ୍‌ସ୍‌ କର୍ତ୍ତୃପକ୍ଷଙ୍କ ଅନୁମତି ନେଇ ପ୍ରଥମ ଦିନରେ ରାଷ୍ଟ୍ରୀୟ ସ୍ୱୟଂ ସେବକ ସଂଘ ପକ୍ଷରୁ ୧୫୦ଜଣଙ୍କ ପାଇଁ ରନ୍ଧାଖାଦ୍ୟ ଦିଆଯାଇଥିଲା । ପ୍ରଥମେ ଏମ୍‌ସ୍‌ କର୍ତ୍ତୃପକ୍ଷଙ୍କ ଠାରୁ ସୂଚନା ପାଇ ୩୦ରୁ ୩୫ ଜଣ ଲୋକ ଖାଦ୍ୟ ପାଇଁ ଅପେକ୍ଷା କରିଥିଲେ । କିନ୍ତୁ ଧୀରେ ଧୀରେ ଏମ୍‌ସ୍‌ ସାରା ଏହି ଖବର ବିଜୁଳି ପରି ଖେଳିଗଲା । ପାଖାପାଖି ଦେଢ଼ ଶହରୁ ଅଧିକ ଲୋକ ଭାତ, ଡାଲମା ଖାଇବା ପାଇଁ ଗହଳି କରିଥିଲେ । ଲୋକଙ୍କ ଗହଳି ସାଙ୍ଗକୁ ସଂଘ ତରଫରୁ ଆସିଥିବା ଖାଇବା ସରି ସରି ଯାଉଥାଏ । ଡାଲମା ସରିବା ପରେ ସେପଟୁ ୭୫ ବର୍ଷିୟ ବୁଢ଼ୀ ମାଉସୀ ଧାଇଁ ଧାଇଁ ଆସିଥିଲେ ।

ମାଉସୀ ଆସିବା ବେଳକୁ ଭାତକୁ ଛାଡ଼ି ସବୁ ସରିଯାଇଥିଲା । ଏକଥା ଶୁଣି ମାଉସୀ କହିଥିଲେ ତିନି ଦିନ ହେଲା ପେଟରେ ଦାନା ପଡ଼ିନି । ଭାତ ଆଉ ଲୁଣ ଟିକେ ଦେ, ପୁଅ । ତାକୁ ଖାଇ ରାତି କାଟିଦେବି । କରୋନା ସମୟରେ ଘଟିଥିବା ଏମିତି କିଛି ଲୋମ ଟାଙ୍କୁରା କାହାଣୀ ସଂଘର କର୍ମକର୍ତ୍ତାଙ୍କୁ ବିଚଳିତ କରିଥିଲା । ସେମାନଙ୍କୁ ଆଉ ବୁଝିବାକୁ ବାକି ନଥିଲା ଯେ, ଭୋକ, ଧନୀ ଦରିଦ୍ର କିଛି ବୁଝେନା ବୋଲି ।

କରୋନା ସମୟରେ ଏହି ଭୋକ ଗରିବ ଓ ଅସହାୟ ଲୋକଙ୍କ ଉପରେ ଭାରି ପଡ଼ିଛି । କିଏ ରାଜ୍ୟ ବାହାରେ ଭୋକ ଉପାସରେ କଷ୍ଟରେ ରହୁଛନ୍ତି ତ ଆଉ କିଏ ମେଡିକାଲରେ ଚିକିତ୍ସିତ ହେଉଥିବା ପ୍ରିୟଜନଙ୍କ ପାଇଁ ଭୋକ ଉପାସରେ ପଡ଼ି ରହୁଛନ୍ତି । କରୋନା ସମୟରେ ଅସହାୟ ହୋଇ ପଡ଼ିଥିବା ଏମିତି କିଛି ଲୋକଙ୍କୁ ଆରଏସ୍‌ଏସ୍‌ ସହଯୋଗ କରୁଛି । ୪୭ ଦିନ ଭିତରେ ୬୦୦ରୁ ଅଧିକ ଲୋକଙ୍କୁ ମାଗଣାରେ ଏହି ସଂଘ ଖାଦ୍ୟ ପ୍ରଦାନ କରିଛି ।

   Related Posts