Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ମୋଦିଙ୍କୁ ହତ୍ୟା କରିବା ପାଇଁ ରଚାଯାଇଥିବା ଷଡ଼ଯନ୍ତ୍ର ସଂପର୍କରେ ଚିଠି ଲେଖିଲେ ମହିଳା, ରାଞ୍ଚିରେ ପହଞ୍ଚିଲେ NIA ଓ IB…ଜାଣନ୍ତୁ ପୂରା ଘଟଣା

10/10/2019 at 12:26 PM

ନୂଆଦିଲ୍ଲୀ୧୦|୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତିନି ବର୍ଷ ତଳେ ଦିଆଯାଇଥିବା ହତ୍ୟା ଧମକ ସଂପର୍କରେ ନ୍ୟାସନାଲ ଇନଭେଷ୍ଟିଗେସନ ଏଜେନ୍ସି(ଏନଆଇଏ)ଙ୍କୁ ରାଞ୍ଚିର ଜଣେ ମହିଳା ଏକ ଚିଠି ଲେଖିବା ଘଟଣା ଆଲୋଡନ ସୃଷ୍ଟି କରିଛି। ଏହି ଚିଠି ପାଇବା ପରେ ଏନଆଇଏ ଓ ଆଇବି ସମେତ ଅନ୍ୟ କେନ୍ଦ୍ରୀୟ ତଦନ୍ତ ଅଧିକାରୀ ରାଞ୍ଚିରେ ପହଞ୍ଚିଥିଲେ। ମହିଳାଙ୍କ କଥା ଅନୁସାରେ ରଚା ଯାଇଥିବା ଷଡଯନ୍ତ୍ର ସଂପର୍କ​‌ରେ ତଦନ୍ତ ଅଧିକାରୀଙ୍କୁ କୌଣସି ପ୍ରମାଣ ମିଳି ନଥିଲା। ତଥାପି କେନ୍ଦ୍ରୀୟ ତଦନ୍ତ ଅଧିକାରୀ ଏ ସଂପର୍କରେ ରାଜ୍ୟ ପୋଲିସର ବିଶେଷ ଶାଖାକୁ ଜଣାଇଥିଲେ। ସନ୍ଦିଗ୍ଧଙ୍କ ଗତିବିଧି ଉପରେ ରାଜ୍ୟ ପୋଲିସର ବିଶେଷ ଶାଖା ନଜର ରଖିଛି।

ସୂଚନାଯୋଗ୍ୟ ଯେ, ଗତ ସପ୍ତାହରେ ରାଞ୍ଚିର ନୟାସରାଇର ଜଣେ ମହିଳା ଇ-ମେଲ ମାଧ୍ୟମରେ ରାୟପୁରର ଏନଆଇଏଙ୍କୁ ଏକ ଚିଠି ପଠାଇଥିଲେ। ତିନି ବର୍ଷ ତଳେ ମହିଳାଙ୍କ ଶ୍ବଶୂର ଘର ଲୋକ ପ୍ରଧାନମନ୍ତ୍ରୀ  ମୋଦିଙ୍କୁ ହତ୍ୟା କରିବା ପାଇଁ ଷଡ଼ଯନ୍ତ୍ର ରଚିବା ସହ ଧମକ ଦେଇଥିବା କଥା ମହିଳା ଚିଠିରେ ଉଲ୍ଲେଖ କରିଥିଲେ। ମହିଳାଙ୍କ କହିବା ମୁତାବକ ତାଙ୍କ ଶ୍ବଶୂର ଘରର କିଛି ସଦସ୍ୟ ସାଉଦୀରେ କାମ କରନ୍ତି। ଏମାନେ ମିଶି ମୋଦିଙ୍କ ହତ୍ୟା କରିବା ଲାଗି ଷଡଯନ୍ତ୍ର ରଚିଥିବା କଥା ମହିଳା ଚିଠିରେ ଉଲ୍ଲେଖ କରିଥିଲେ। ଏଥିଲାଗି ସାଉଦୀରୁ ଫଣ୍ଡିଂ ଆସୁଥିବା କଥା ମଧ୍ୟ ସେ ଚିଠିରେ ଲେଖି ଥିଲେ। ଏହି ଚିଠି ରାୟପୁର ଏନଆଇଏ ପାଇବା ପରେ ଏନଆଇଏର ମୁଖ୍ୟ କାର୍ଯ୍ୟାଳୟକୁ ଖବର ଦେଇଥିଲେ। ଏହାପରେ ଏନଆଇଏ ଓ ଆଇବି ରାଞ୍ଚିରେ ପହଞ୍ଚି ଖୋଳତାଡ଼ କରିଥିଲେ।

ତଦନ୍ତ ପରେ ପ୍ରକୃତ ଘଟଣା ସାମ୍ନାକୁ ଆସିଛି। ଶ୍ବଶୂର ଘର ଲୋକଙ୍କ ଦ୍ବାରା ମହିଳା ନିର୍ଯାତିତ ହେଉଥିଲେ। ଏଥିଲାଗି ପୂର୍ବରୁ ଶ୍ବଶୂର ଘର ଲୋକଙ୍କ ବିରୋଧରେ ମହିଳା ଯୌତୁକ ନିର୍ଯାତନା ଏତଲା ଥାନାରେ ଦେଇଥିଲେ। ଶ୍ବଶୂର ଘର ଲୋକଙ୍କ ଉପରେ ପ୍ରତିଶୋଧ ନେବା ଲାଗି ମହିଳା ତାଙ୍କ ଦିଅରଙ୍କୁ ଷଡ଼ଯନ୍ତ୍ରକାରୀ ବୋଲି ଚିଠିରେ ଲେଖିଥିଲେ। ଚିଠି ଅନୁସାରେ ତଦନ୍ତ ଅଧିକାରୀ ଯାଞ୍ଚ କରିଥିଲେ  ହେଲେ କୌଣସି ପ୍ରମାଣ ମିଳିନଥିଲା। ତେବେ ଏଭଳି ମିଥ୍ୟା ତଥ୍ୟ ଦେଇଥିବା ମହିଳାଙ୍କ ବିରୋଧରେ କିଛି କାର୍ଯ୍ୟାନୁଷ୍ଠନ ହେବ କି ନାହିଁ ତାହା ସ୍ପଷ୍ଟ ହୋଇନାହିଁ ।

   Related Posts