Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଆଉ ଜଣେ ଟିଏମସି ବିଧାୟକଙ୍କ ପରଲୋକ
  • ||
  • ୧୦ ଦିନର ଶିଶୁପୁତ୍ରକୁ ୧୦ ହଜାର ଟଙ୍କାରେ ବିକିଦେଲା ବାପା, ମାଳିସାହି ନିକଟରୁ ଉଦ୍ଧାର କଲା ପୋଲିସ
  • ||
  • ହତ୍ୟା କରି ଗଛରେ ଟାଙ୍ଗିଦେଲେ ! ସନ୍ଧ୍ୟାରେ ସାଙ୍ଗ ହୋଇ ମଦ ପିଇଲା ପରେ ଏମିତି ଘଟିଲା କ’ଣ ?
  • ||
  • ଯୁବକଙ୍କୁ ବୀଭତ୍ସ ହତ୍ୟା : ଖଣ୍ଡା ଓ ଫାର୍ସାରେ ବେକକୁ ହାଣିଦେଲେ ୪ ଦୁର୍ବୃତ୍ତ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୭୭ କୋଭିଡ୍ ପଜିଟିଭ୍ ଚିହ୍ନଟ
  • ||
  • ୧୨ ଫୁଟର ଅଜଗର ଉଦ୍ଧାର, କପିଳାସ ଜଙ୍ଗଲରେ ଛାଡିଲା ବନ ବିଭାଗ
  • ||
  • ବିପୁଳ ପରିମାଣର ଗଞ୍ଜେଇ ଜବତ, ୩ ମାଫିଆ ଗିରଫ
  • ||
  • ଚର୍ଚ୍ଚିତ ଓଡ଼ିଆ କଣ୍ଠଶିଳ୍ପୀ ତପୁ ମିଶ୍ରଙ୍କ ପରଲୋକ
  • ||

ଆପଣଙ୍କୁ ନିଦ ଆସୁନାହିଁ କି ? ଏମିତି କରନ୍ତୁ ଦୁଇ ମିନିଟ୍‌ରେ ଆସିଯିବ ନିଦ

5/09/2018 at 5:33 PM

ଭୁବନେଶ୍ବର ୫|୯: କିଛିଲୋକ ଏମିତି ଅଛନ୍ତି ଯେଉଁମାନେ ବିଛଣାରେ ପଡୁ ପଡୁ ତାଙ୍କୁ ନିଦ ହୋଇଯାଇଥାଏ । ମାତ୍ର ଏମିତି କିଛି ଲୋକ ଅଛନ୍ତି ଯେଉଁମାନେ ବିଛଣାରେ ଘଣ୍ଟା ଘଣ୍ଟା ଧରି ପଡି ରହିଲେ ବି ସେମାନଙ୍କୁ ନିଦ ହୋଇନଥାଏ । ଯଦି ଆପଣ ମଧ୍ୟ ବିଛଣାରେ ପଡି ରହିବା ସତ୍ବେ ଆପଣଙ୍କୁ ନିଦ ଆସୁନାହିଁ ତେବେ ଆପଣଙ୍କ ପାଇଁ ଏକ ଉପାୟ ରହିଛି। ଯାହାକୁ ଆପଣାଇବା ଦ୍ବାରା ବିଛଣାରେ ପଡୁ ପଡୁ ଦୁଇ ମିନିଟ୍ରେ ଆପଣଙ୍କ ନିଦ ହୋଇଯିବ ।

ଏହି ଉପାୟଟି ଆର୍ମିରେ ଥିବା ଯବାନ ମାନେ ଆପଣାଉଥିବା ଏକ ରିପୋର୍ଟରୁ ଜଣାପଡିଛି । ରିପୋର୍ଟ ଅନୁସାରେ ଏହି ଉପାୟଟି ୟୁଏସ୍ ଆର୍ମିର ଯବାନମାନେ ଆପଣାଇଥାନ୍ତି । ଯବାନମାନେ ଯୁଦ୍ଧ ସମୟରେ ଶୀଘ୍ର ନିଦ ଲାଗିବା ପାଇଁ ଏହି ଉପାୟ ଆପଣାଇଥାନ୍ତି । ୧୯୮୧ ମସିହାରେ ପ୍ରକାଶିତ ‘ରିଲାକ୍ସ ଆଣ୍ଡ ଓ୍ବିନ୍ : ଚମ୍ପିଅନ ପରଫରମାନ୍ସ’ ପୁସ୍ତକରେ ଏହି ଉପାୟ ସମ୍ବନ୍ଧରେ ମଧ୍ୟ ସୂଚନା ଦିଆଯାଇଛି । ଯାହା ଏବେ ଅନଲାଇନ ଓ୍ବେବସାଇଟ୍ ରେ ଉପଲବ୍ଧ ହେଉଛି ।
ଆର୍ମି ଚିଫ୍ ଏହି ଉପାୟ ଏଥିପାଇଁ ବାହାର କରିଥିଲେ ଯେ ଥକିଯିବା କାରଣରୁ ଯବାନମାନେ ଯେପରି କିଛି ଭୁଲ ନକରିପାରନ୍ତି । ଯବାନମାନେ ପର୍ଯ୍ୟାପ୍ତ ପରିମାଣରେ ଶୋଇବା ପାଇଁ ଏହି ଉପାୟକୁ ଆପଣାଇଥାନ୍ତି ।

ଜାଣନ୍ତୁ ଏହି ଉପାୟକୁ କିପରି କରିବେ :
ନିଜ ମୁହଁର ସବୁ ମାଂସପେଶୀକୁ ହାଲକା କରନ୍ତୁ । ଜିଭ, ଦାନ୍ତ ମାଢି, ଆଖି ପାଖରେ ଥିବା ମାଂସପେଶୀକୁ ହାଲକା କରନ୍ତୁ । ନିଜ କାନ୍ଧକୁ ଯେତେ ପର୍ଯ୍ୟନ୍ତ ସମ୍ଭବ ତଳକୁ କରନ୍ତୁ । ନିଜ ବାହୁକୁ ଉପର ଏବଂ ତଳକୁ କରନ୍ତୁ । ତାପରେ ନିଶ୍ବାସକୁ ଛାଡନ୍ତୁ । ଛାତି ଏବଂ ପାଦକୁ ହାଲକା କରନ୍ତୁ । ଏହା ପରେ ଆପଣଙ୍କ ମସ୍ତିଷ୍କରୁ ଅନ୍ୟ ସମସ୍ତ କଥା ବାହାର କରିବାକୁ ଚେଷ୍ଟା କରନ୍ତୁ । ଏହା ମାତ୍ର ୧୦ସେକେଣ୍ଡ ପାଇଁ କରନ୍ତୁ । ଏହି ୧୦ସେକେଣ୍ଡ ଆପଣ ନିଜକୁ ନିଜେ କୁହନ୍ତୁ ‘ଚିନ୍ତା କରନାହିଁ, ଚିନ୍ତା କରନାହିଁ’ । ରିପୋର୍ଟ ଅନୁସାରେ ୬ସପ୍ତାହ ଏପରି ଅଭ୍ୟାସ କରିବା ଦ୍ବାରା ପ୍ରାୟ ୯୬ପ୍ରତିଶତ ଲୋକଙ୍କ ପାଇଁ ଏହା ଲାଭପ୍ରଦ ହେବ ।

ଅନେକ ସମୟରେ ନିଦ ନଆସିବା ସମସ୍ୟା ଲୋକଙ୍କ ଜୀବନରେ ଖରାପ ପ୍ରଭାବ ପକାଇଥାଏ । ନିଦ ନଆସିବା ଫଳରେ ଟାଇପ-୨ ଡାଇବେଟିସ୍, ହାର୍ଟ ରୋଗ ଏବଂ ଧ୍ୟାନ ରଖିବା କ୍ଷମତା ପ୍ରଭାବିତ ହେବାର ଭୟ ରହିଥାଏ । ନିଦ ହେଉନଥିବା ଲୋକମାନଙ୍କ ପାଇଁ ଏହି ଉପାୟଟି ଫଳପ୍ରଦ ହେବ ।

ଭଲ ନିଦ ହେବା ପାଇଁ ୩ଟି ଜିନିଷ କରିବା ଜରୁରୀ ହୋଇଥାଏ । ଶୋଇବା ଘର ଏବଂ ବିଛଣା ଆରାମଦାୟକ ହୋଇଥିବା ଉଚିତ୍, ଶରୀର ହାଲକା ଏବଂ ମସ୍ତିଷ୍କ ଶାନ୍ତ ହେବା ଜରୁରୀ । ଯଦି ଆପଣଙ୍କ ମସ୍ତିଷ୍କ ଚଳଚଞ୍ଚଳ ରହିବ ତେବେ ଆପଣଙ୍କୁ କେବେ ହେଲେ ବି ନିଦ ଆସିବ ନାହିଁ । ନିଦ ଆସିବା କୌଣସି ବି ଯାଦୁ ବିଦ୍ୟା ନୁହେଁ । ଆପଣଙ୍କୁ ଖୋଜି ବାହାର କରିବାକୁ ହେବ ଯେ କେଉଁ ଜିନିଷ କରିବା ଦ୍ବାରା ଆପଣଙ୍କୁ ନିଦ ହେବାରେ ସହାୟକ ହେଉଛି । ତାହା ବହି ପଢିବା ହେଉ, କି ଗରମ ପାଣିରେ ଗାଧୋଇବା ହେଉ, ଚା ପିଇବା ହେଉ, ଏରୋମୋ ଥେରାପି, ଗୀତ ଶୁଣିବା ହେଉ କି ଅନ୍ୟ କୌଣସି ଜିନିଷ ଯାହା ଦ୍ବାରା ଆପଣଙ୍କୁ ନିଦ ଆସୁଥିବ ।

   Related Posts