ଡ଼େରାବିଶି୧୦/୦୨: କ୍ରିକେଟ ଖେଳ ହେଲା କାଳ। କ୍ରିକେଟ ପଡ଼ିଯାଇ ଜଣେ ଖେଳାଳୀଙ୍କର ମୃତ୍ୟୁ ହୋଇଛି। ମୃତକ ଜଣକ କେନ୍ଦ୍ରପଡ଼ା ଜିଲ୍ଳା ଡ଼େରାବିଶି କଲେଜର ଯୁକ୍ତ ୨ ପଢ଼ୁଥିଲେ। କଲେଜସ୍ତରୀୟ ଏକ ମ୍ୟାଚ ଖେଳିବାକୁ ସେ କେନ୍ଦ୍ରପଡ଼ା ସ୍ବୟଂ ଶାସିତ ମହାବିଦ୍ୟାଳୟ ପଡ଼ିଆକୁ ଆସିଥିବା ବେଳେ ସେଠାରେ ଏହି ଅଘଟଣ ଘଟିଛି।
ମୃତକ ଛାତ୍ରଙ୍କ ନାମ ସତ୍ୟଜିତ ପ୍ରଧାନ। ଡ଼େରାବିଶି କଲେଜର ଯୁକ୍ତ ୨ ଛାତ୍ର ସତ୍ୟଜିତ ଏକ ମ୍ୟାଚ ବେଳେ କ୍ରିଜରେ ଦୌଡ଼ୁଥିବା ସମୟରେ ପ୍ରାଣ ହରାଇଛନ୍ତି। ସତ୍ୟଜିତ୍ କ୍ରିକେଟ ମ୍ୟାଚ୍ ଖେଳିବା ପାଇଁ ନିଜ କଲେଜ ଟିମ ସହିତ କେନ୍ଦ୍ରାପଡ଼ା ଅଟୋନୋମସ କଲେଜ ପଡ଼ିଆକୁ ଆସିଥିଲେ l
ତେବେ ବ୍ୟାଟିଂ କରି ରନ୍ ନେବାକୁ ଦୌଡୁଥିବା ବେଳେ ହଠାତ୍ ସେ ନିଜ ଛାତି କୁ ଜାବୁଡି ଧରି ତଳେ ପଡିଯାଇଥିଲେ l ତାଙ୍କୁ ତୁରନ୍ତ କେନ୍ଦ୍ରାପଡ଼ା ମୁଖ୍ୟ ଚିକିତ୍ସାଳୟ କୁ ନିଆଯାଇଥିଲା l କିନ୍ତୁ ସେଠାରେ ତାଙ୍କୁ ଡାକ୍ତର୍ ମୃତ ଘୋଷଣl କରିଥିଲେ l ତେବେ ସତ୍ୟଜିତଙ୍କ ମୃତ୍ୟୁର କାରଣ ଜଣା ପଡି ନାହିଁ l ଏହି ଘଟଣା ଡ଼େରାବିଶି ଓ କେନ୍ଦ୍ରପଡ଼ା ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି।
