Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଦୁବାଇରୁ ସିଧା ଓଡିଶା, ପ୍ରଥମ ପର୍ଯ୍ୟାୟରେ ୧୭୯ ଓଡିଆଙ୍କୁ ନେଇ ଗୁରୁବାର ପହଞ୍ଚିବ ସ୍ବତନ୍ତ୍ର ବିମାନ

13/05/2020 at 1:10 PM

ଭୁବନେଶ୍ବର ୧୩।୫: ଲକ୍ ଡାଉନ୍ କଟକଣା ମଧ୍ୟରେ ଆସନ୍ତାକାଲି ଦୁବାଇରୁ ଭୁବନେଶ୍ବର ଆସି ପହଞ୍ଚିବ ସ୍ବତନ୍ତ୍ର ବିମାନ । ବିଦେଶରେ ଫସିଥିବା ଭାରତୀୟଙ୍କୁ ଆଣିବା ଲାଗି ଆରମ୍ଭ ହୋଇଛି ବନ୍ଦେ ଭାରତ ମିଶନ ।

ଯାତ୍ରୀଙ୍କ ଆଗମନ ପାଇଁ ଭୁବନେଶ୍ବର ବିମାନବନ୍ଦରରେ ବ୍ୟାପକ ପ୍ରସ୍ତୁତି କରାଯାଇଛି। ଯାତ୍ରୀ ପହଞ୍ଚିବା ପରେ ସେମାନଙ୍କ ସ୍କ୍ରିନିଂ ଏବଂ ଚେକିଂ କରାଯିବ । ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ, ବିମାନବନ୍ଦର କର୍ତ୍ତୃପକ୍ଷ, CISF, କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ଆଞ୍ଚଳିକ ଅଧିକାରୀ ସମସ୍ତ ବ୍ୟବସ୍ଥାର ତଦାରଖ କରିଛନ୍ତି ।

ପ୍ରଥମଥର ପାଇଁ କୌଣସି ବିମାନ ସିଧାସଳଖ ଦୁବାଇରୁ ଓଡ଼ିଆ ଆସୁଛି । ଓଡ଼ିଶା ଫେରିବା ପାଇଁ ୩ ଶହରୁ ଅଧିକ ଓଡ଼ିଆ ପଞ୍ଜୀକରଣ କରିଛନ୍ତି । ପ୍ରଥମ ପର୍ଯ୍ୟାୟରେ ୧୭୯ ଜଣ ଓଡ଼ିଆ ଭୁବନେଶ୍ବର ଫେରିବେ । ଗର୍ଭବତୀ, ମହିଳା, ବୃଦ୍ଧ ଶିଶୁ ଓ ଦିବ୍ୟାଙ୍ଗଙ୍କୁ ପ୍ରଥମ ପର୍ଯ୍ୟାୟରେ ପ୍ରାଥମିକତା ଦିଆଯାଇଛି । 

   Related Posts