Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରକାରଙ୍କ ବଡ ନିଷ୍ପତ୍ତି, ନବମରୁ ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଫି ୪୦ ପ୍ରତିଶତ କମିଲା, ଅଭିଭାବକଙ୍କୁ ମିଳିଲା ବଡ ଆଶ୍ଵସ୍ତି
  • ||
  • ଅଲମ୍ପିକ ପ୍ରସ୍ତୁତି ପାଇଁ ଗଠିତ ସଂସଦୀୟ କମିଟିର ପ୍ରଥମ ବୈଠକ ଅନୁଷ୍ଠିତ, କମିଟିର ସଦସ୍ୟ ରହିଛନ୍ତି ସାଂସଦ ଅନୁଭବ ମହାନ୍ତି ଓ ସସ୍ମିତ ପାତ୍ର
  • ||
  • ମଦ ଦୋକାନ ନ ଖୋଲିବା ପାଇଁ ଜିଲ୍ଲାପାଳଙ୍କୁ ଦାବିପତ୍ର
  • ||
  • ବାଲେଶ୍ବର ଉପ ନିର୍ବାଚନରେ ମୁଖ୍ୟମନ୍ତ୍ରୀଙ୍କ ଡିଜିଟାଲ ପ୍ରଚାର: କହିଲେ, ‘ମୁଁ ସବୁବେଳେ ଆପଣଙ୍କ ସାଥିରେ ଅଛି’
  • ||
  • ମଙ୍ଗ ସମ୍ଭାଳିଲେ ନୀତିଶ ରାଣା, ଚେନ୍ନାଇକୁ ୧୭୩ ରନର ବିଜୟ ଲକ୍ଷ୍ୟ ଦେଲା କୋଲକାତା ନାଇଟ୍ ରାଇଡର୍ସ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||

ଲକଡାଉନ ବେଳେ ଭିନ୍ନ ଏକ ଅନ୍ଦାଜରେ ଯୁବତୀଙ୍କୁ ପ୍ରପୋଜ କଲେ ଫଟୋଗ୍ରାଫର: ଆରମ୍ଭ ହେଲା ପ୍ରେମ କାହାଣୀ

30/03/2020 at 7:38 PM

କରୋନୋ ସଂକ୍ରମଣକୁ ରୋକିବା ପାଇଁ ଦୁନିଆର ଅନେକ ଦେଶ ଲକଡାଉନ କରିଛନ୍ତି | ଲୋକଙ୍କୁ ଘରୁ ବାହାରକୁ ବାହାରିବା ପାଇଁ ସରକାର ମନା କରିଛନ୍ତି | ସାମାଜିକ ଦୂରତା ବଜାୟ ରଖିବା ପାଇଁ ବାରମ୍ବାର ଅପିଲ କରାଯାଉଛି | ଲୋକେ ବାଧ୍ୟ ହୋଇ ନିଜ ନିଜ ଘରେ ବନ୍ଦୀ ହୋଇ ରହିଛନ୍ତି | ଲୋକେ ନିଜ ନିଜ ତରିକାରେ ସମୟ ଅତିବାହିତ କରୁଛନ୍ତି | କିନ୍ତୁ ବୃକଲିନର ଜଣେ ଫଟୋଗ୍ରାଫର ତାଙ୍କ ଫଟୋଗ୍ରାଫ୍ ମାଧ୍ୟମରେ ଏକ ସୁନ୍ଦର ମେସେଜ ଦେଇଛନ୍ତି | ସେ ଦର୍ଶାଇଛନ୍ତି ଯେ ସାମାଜିକ ଦୂରତା ଅର୍ଥ ନୁହେଁ ଯେ ଜୀବନରେ ପ୍ରେମର ସୁନ୍ଦର ମୂହୁର୍ତ୍ତଗୁଡିକ ଲିଭିଯିବ |

ଜେରେମି କୋହେନ ନିଜ ଘରର ସାଇଡ ଘର ଛାତ ଉପରେ ଜଣେ ମହିଳା ଖୁସିରେ ନାଚୁଥିବାର ଦେଖିଲେ | ଠିକ ସେତିକିବେଳେ ସେ ନିଜ ଭାଗ୍ୟ ପରୀକ୍ଷା କରିବାକୁ ନିଷ୍ପତ୍ତି ନେଇଥିଲେ | ସେ ଡ୍ରୋନ୍ ସାହାଯ୍ୟରେ ମହିଳାଙ୍କୁ ଏକ ବାର୍ତ୍ତା ପଠାଇଥିଲେ ଏବଂ ଖୁବ୍ ଶୀଘ୍ର ସେ ମହିଳାଙ୍କ ପ୍ରତିକ୍ରିୟା ମଧ୍ୟ ପାଇଥିଲେ। ଉକ୍ତ ଭିଡିଓକୁ ଜେରେମି ଟ୍ୱିଟରରେ ପୋଷ୍ଟ କରିଛନ୍ତି | ଭିଡିଓ ସହ ସେ କ୍ୟାପସନ ମଧ୍ୟ ପୋଷ୍ଟ କରିଛନ୍ତି | ସେ ଲେଖିଛନ୍ତି, ମୋତେ ବିଶ୍ୱାସ ହେଉନାହିଁ ଯେ ମୋ ଉପାୟ ବାସ୍ତବରେ କାମ କରିଛି ଏବଂ ଏହା ଏକ ବାସ୍ତବିକ କାହାଣୀ |

ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି | ଏହି ଭିଡିଓକୁ ବର୍ତ୍ତମାନ ସୁଦ୍ଧା ୫ ମିଲିୟନରୁ ଅଧିକ ଥର ଦେଖାଯାଇଛି। ସେବେଠାରୁ ଅନେକ ଫଟୋଗ୍ରାଫର ଜେରେମି କୋହେନଙ୍କୁ ତାଙ୍କର ନୂତନ ପ୍ରେମ କାହାଣୀ ବିଷୟରେ କହିବାକୁ ଅନୁରୋଧ କରିଛନ୍ତି | ଭିଡିଓ ସେୟାର କରି କୋହେନ୍ ଟ୍ୱିଟ୍ କରି କହିଛନ୍ତି, ଭାଗ 2. ତାଙ୍କର ନାମ ତୋରୀ। ସେ ବହୁତ ସୁନ୍ଦର ଏବଂ ଦୟାଳୁ ସ୍ୱଭାବର ଏବଂ ମୁଁ ତାଙ୍କୁ ଭେଟି ବହୁତ ଖୁସି |

ଏହି କଠିନ ପରିସ୍ଥିତିରେ ବିଶ୍ୱର ବିଭିନ୍ନ ଦେଶରେ କୋଣ ଅନୁକୋଣରେ ଲୋକେ କୋଭିଡ -୧୯ କୁ ପ୍ରତିହତ କରିବାକୁ ସଂଘର୍ଷ କରୁଛନ୍ତି | ଏତିକିବେଳେ କୋହେନଙ୍କ ଭିଡିଓ ଅନେକ ଲୋକଙ୍କ ମୁହଁରେ ହସ ଆଣିଦେଇଛି | ଏହି ଭାଇରାଲ୍ କ୍ଲିପକୁ ଆଉ ଜଣେ ୟୁଜର ସେୟାର କରି କହିଛନ୍ତି, ସାମାଜିକ ଦୂରତାର ଅର୍ଥ ନୁହେଁ ଯେ ଆମକୁ ସାମାଜିକ ଦୃଷ୍ଟିରୁ ଦୂରରେ ରହିବାକୁ ପଡିବ। ଦୂରରେ ରହି ମଧ୍ୟ ବିଭିନ୍ନ ଉପାୟରେ ଆମେ ପରସ୍ପର ସହ ଯୋଗାଯୋଗ କରିପାରିବା |

   Related Posts