Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯବାନଙ୍କ ଆତ୍ମହତ୍ୟା, ସର୍ଭିସ ରାଇଫଲରୁ ଗୁଳି ଚଳାଇ ହାରିଲେ ଜୀବନ
  • ||
  • ଜଗତସିଂହପୁରରେ ଲାଗି ରହିଛି ବର୍ଷା, ବାତ୍ୟା ମୁକାବିଲା ପାଇଁ ସଜାଗ ପ୍ରଶାସନ
  • ||
  • ଜଓ୍ୱାଦ ପ୍ରଭାବ : ମାଡି ଆସିବ ସମୁଦ୍ର, ଉଠିବ ବଡ ଜୁଆର
  • ||

ଜଣଙ୍କ ପାଇଁ ଫସିଲେ ୩୦ ହଜାର ଦର୍ଶକ, ଡିଜ୍‌ନୀ ଲ୍ୟାଣ୍ଡରେ ଘଣ୍ଟା ଘଣ୍ଟା ଚାଲିଲା କରୋନା ପରୀକ୍ଷା

8/11/2021 at 4:23 PM

ବେଜିଂ ୦୮/୧୧: ଜଣେ କରୋନା ପଜିଟିଭ୍‌ ଚିହ୍ନଟ ହେବାରୁ ୩୦ ହଜାର ଜଣଙ୍କୁ ଜବରଦସ୍ତି ପରୀକ୍ଷା କରାଯାଇଛି ।  ଶଙ୍ଘାଇ ଡିଜ୍‌ନୀ ଲ୍ୟାଣ୍ଡରେ ଜଣେ ପର୍ଯ୍ୟଟକ କରୋନା ସଂକ୍ରମିତ ଚିହ୍ନଟ ହୋଇଥିଲେ। ଏହା ପରେ ସେଠାକୁ ବୁଲିବାକୁ ଯାଇଥିବା ୩୦ ହଜାର ଦର୍ଶକଙ୍କୁ କୋଭିଡ୍‌ ପରୀକ୍ଷା ପାଇଁ ବାଧ୍ୟ କରାଯାଇଛି । ଏହା ସହ ଡିଜନୀଲ୍ୟାଣ୍ଡକୁ ଦୁଇ ଦିନ ଯାଏଁ ବନ୍ଦ ଘୋଷଣା କରାଯାଇଛ । ବିଭିନ୍ନ ପ୍ରାନ୍ତରେ କରୋନା ଯାଞ୍ଚରେ ସହଯୋଗ କରିବା ପାଇଁ ଡିଜନୀ ଲ୍ୟାଣ୍ଡକୁ ବନ୍ଦ କରାଯାଇଥିବା ବେଳେ ଚୀନ ସରକାର କରୋନା ମହାମାରୀକୁ ରୋକିବାରେ କେତେ ସକ୍ଷମ ସେନେଇ ସମୀକ୍ଷା ମଧ୍ୟ କରିବେ ବୋଲି ଜଣାପଡ଼ିଛି।

ମିଳିଥିବା ସୂଚନା ଅନୁସାରେ, ହଙ୍ଗଜୋ ସହରରେ ଜଣେ ବ୍ୟକ୍ତି ଶନିବାର କରୋନା ପଜିଟିଭ୍‌ ଚିହ୍ନଟ ହୋଇଥିଲେ। ସେ ଶନିବାର ଡିଜନୀ ଲ୍ୟାଣ୍ଡ ଯାଇଥିଲେ। ଏନେଇ ଜଣାପଡ଼ିବା ପରେ ରବିବାର ଡିଜନୀ ଲ୍ୟାଣ୍ଡର ଗେଟ୍‌ ବନ୍ଦ କରାଯିବା ସହ ଆଗନ୍ତୁକଙ୍କୁ ସେଠାକୁ ଯିବା ଉପରେ ରୋକ ଲଗାଇ ଦିଆଯାଇଥିଲା । ଏହା ପରେ ସ୍ବାସ୍ଥ୍ୟ ବିଭାଗ ଟିମ୍‌ ପହଞ୍ଚି ସମସ୍ତଙ୍କ କରୋନା ପରୀକ୍ଷା କରିଥିଲେ।

ରବିବାର ଘଣ୍ଟା ଘଣ୍ଟା ପରୀକ୍ଷା ଚାଲିଥିବା ବେଳେ ହଜାର ହଜାର ଦର୍ଶକ ପାର୍କରେ ଫସି ରହିଥିଲେ। ନେଗେଟିଭ୍‌ ରିପୋର୍ଟ ଆସିଲେ ହିଁ ପାର୍କରୁ ବାହାରିବାକୁ ଅନୁମତି ମିଳୁଥିଲା। ଯେଉଁମାନଙ୍କ ରିପୋର୍ଟ ନେଗେଟିଭ୍‌ ଆସିଥିଲା ସେମାନଙ୍କୁ ୧୪ ଦିନ ପରେ ପୁଣି ଥରେ କରୋନା ପରୀକ୍ଷା କରାଇବାକୁ କୁହାଯାଇଛି ।    

   Related Posts