ଭୁବନେଶ୍ବର୨୮/୧୧: ନୟାଗଡ଼ର କୁନି ଝିଅ ପରୀ ହତ୍ୟା ଘଟଣା ଧୀରେ ଧୀରେ ରୋଚକ ମୋଡ ନେବାରେ ଲାଗିଛି। ପରୀକୁ ନ୍ୟାୟ ଦେବା ଲାଗି ଗୃହରେ ବିରୋଧୀ ହଙ୍ଗାମା କରୁଛନ୍ତି। ଏଥିଯୋଗୁଁ ଗୃହକୁ ବାରମ୍ବାର ମୁଲତବୀ ରଖିବାକୁ ପଡୁଛି। ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍ଆଇଟି ଟିମ୍ ପରୀ ହତ୍ୟା ମାମଲାର ତଦନ୍ତ କରିବେ। କ୍ରାଇମବ୍ରାଞ୍ଚ ଏସ୍ପି ଆରକେ ଦୋରା, କ୍ରାଇମବ୍ରାଞ୍ଚ ଅତିରିକ୍ତ ଏସ୍ପି ଆରସି ଥମ୍ବା, କ୍ରାଇମ୍ବ୍ରାଞ୍ଚ ଇନ୍ସପେକ୍ଟର ନରେନ୍ଦ୍ର ବେହେରା ଏବଂ ମମତା ପଣ୍ଡା ଏହି ଟିମ୍ରେ ରହିଛନ୍ତି।
ଏହି ୫ ଜଣିଆ ଟିମ୍ ଗଠନ ନେଇ ହାଇକୋର୍ଟଙ୍କୁ ସରକାର ଅବଗତ କରିଛନ୍ତି। ପରୀ ହତ୍ୟା ମାମଲାରେ ରାସ୍ତାଘାଟରେ ବିରୋଧୀ ନାରାବାଜି ଦେବା ଆରମ୍ଭ କରିଛନ୍ତି। ଗୃହରେ ବିରୋଧୀ ମଧ୍ୟ ହଟ୍ଟଗୋଳ ଆରମ୍ଭ କରିଛନ୍ତି।