Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସୋସିଆଲ ମିଡ଼ିଆରେ କଲେଜ ଅଧ୍ୟକ୍ଷଙ୍କ ଚରିତ୍ର ସଂହାର: ଅଭିଯୁକ୍ତଙ୍କ ବିରୋଧରେ ଥାନାରେ ମାମଲା

22/05/2020 at 9:27 PM

ଆନନ୍ଦପୁର୨୨/୫: ଆନନ୍ଦପୁର ଉପଖଣ୍ଡ ସାଇଁକୁଳ ପତିତପାବନ ମହାବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ମହାନ୍ତିଙ୍କ ବ୍ଯକ୍ତିଗତ ଚରିତ୍ରକୁ ଆକ୍ଷେପ କରି ସୋସିଆଲ ମିଡିଆରେ ଜଣେ ଯୁବକ ବାରମ୍ବାର ବିଭିନ୍ନ ଆପତ୍ତିଜନକ ପୋଷ୍ଟ କରି ଚାଲିଛନ୍ତି । ଚଳିତ ମାସ ପତିତପାବନ ମହାବିଦ୍ୟାଳୟ, ସାଇଁକୁଳ ଠାରେ କେତେକ ପଦବୀ ନିମନ୍ତେ ଏକ ନିର୍ଦ୍ଦିଷ୍ଟ ଖବର କାଗଜରେ ବିଜ୍ଞାପନ ପ୍ରକାଶ ପାଇଥିଲା । ଏହା ପରଠାରୁ ସଂପୃକ୍ତ ଯୁବକ ଓ ତାର ସହଯୋଗୀ ମାନେ ସୋସିଆଲ ମିଡ଼ିଆରେ ଅଧ୍ୟକ୍ଷଙ୍କ ବିରୋଧରେ ଏଭଳି ପୋଷ୍ଟ କରିଚାଲିଥିବା ଅଭିଯୋଗ କରିଛନ୍ତି ଅଧକ୍ଷ ପ୍ରଦୀପ ମହାନ୍ତି ।

ଅନ୍ୟପଟେ ସଂପୃକ୍ତ ବିଜ୍ଞାପନ ଆନନ୍ଦପୁର ପତିତପାବନ ମହାବିଦ୍ୟାଳୟର ହୋଇନଥିବା ସେ ସ୍ପଷ୍ଟ କରିଥିଲେ ମଧ୍ୟ ସଂପୃକ୍ତ ଯୁବକମାନେ ଏ ଭଳି କାଣ୍ଡ ଘଟାଇ ଚାଲିଛନ୍ତି । ଆଜି ବାଧ୍ୟହୋଇ ଅଧକ୍ଷ ଶ୍ରୀ ମହାନ୍ତି ସଂପୃକ୍ତ ଯୁବକଙ୍କ ବିରୋଧରେ ଘସିପୁରା ଥାନରେ ଲିଖିତ ଅଭିଯୋଗ କରିଛନ୍ତି । ସେପଟେ ଏଭଳି ଘଟଣାକୁ ଦୃଢ ବିରୋଧକରି ମହାବିଦ୍ୟାଳୟର ଅଧ୍ଯାପକ , ଅଧ୍ୟାପିକା ଏବଂ କର୍ମଚାରୀମାନେ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ।

   Related Posts