Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

କରୋନାକୁ ମାତ୍ ଦେଲେ ୟୁକେର ୯୯ ବର୍ଷୀୟ ବୃଦ୍ଧା, ସୁସ୍ଥ ହେବାରେ ବ୍ରିଟେନର ହେଲେ ସବୁଠୁ ବୟସ୍କ ବ୍ୟକ୍ତି

5/04/2020 at 5:06 PM

ନୂଆଦିଲ୍ଲୀ ୦୫।୦୪: କରୋନା ଭାଇରସ୍ ଅନ୍ୟ ବୟସ ବର୍ଗର ବ୍ୟକ୍ତିଙ୍କ ଅପେକ୍ଷା ବୟସ୍କ ଲୋକଙ୍କୁ ଅଧିକ ପ୍ରଭାବିତ କରୁଛି।  ୨୦ ରୁ ୪୦ ବର୍ଷ ବୟସର ବ୍ୟକ୍ତି କରୋନାରୁ ଶୀଘ୍ର ସୁସ୍ଥ ହେଉଥିବା ବେଳେ ୬୦ ଏବଂ ୮୦ ବର୍ଷ ବୟସରୁ ଉର୍ଦ୍ଧ୍ଵ ବୟସ୍କ ଲୋକ ମୃତ୍ୟୁ ମୁଖରେ ପଡୁଛନ୍ତି। ବିଶେଷ କରି ମଧୁମେହ ଏବଂ ହୃଦଘାତ ରୋଗୀଙ୍କ କରୋନା ଜନିତ ମୃତ୍ୟୁ ସଂଖ୍ୟା ଅଧିକ ରହିଛି। ଅନେଶ ଦେଶରେ ବରିଷ୍ଠ ନାଗରିକଙ୍କ ପ୍ରତି କରୋନା ଭାଇରସ୍ ଦାଉ ସାଜିଛି।

ମାତ୍ର ନିକଟରେ ଏମିତି କିଛି ଅସ୍ଵାଭାବିକ କେସ୍ ସାମ୍ନାକୁ ଆସିଛି ଯେଉଁଥିରେ ଲକ୍ଷାଧିକ କରୋନା ସଂକ୍ରମିତଙ୍କ ଆଶା ଜାଗି ଉଠିଛି। କିଛି ଦିନ ପୂର୍ବେ ଇଟାଲୀରେ ଜଣେ  ୯୫ ବର୍ଷୀୟ ଦାଦି କରୋନାକୁ ମାତ୍ ଦେଇ ସୁସ୍ଥ ହେବାରେ ସକ୍ଷମ  ହୋଇଛନ୍ତି। କରୋନାରେ ସଂକ୍ରମିତ ହେବାରେ ସେ ଦେଶର ସବୁଠୁ ବୟସ୍କ ବ୍ୟକ୍ତି ଥିଲେ। ବୃଦ୍ଧାଙ୍କ ନାମ ଆଲମା କ୍ଲାରା କୋର୍ସିନି। ତାଙ୍କୁ ମାର୍ଚ୍ଚ ୫ରେ ପାବୁଲୋର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା। ପରୀକ୍ଷଣରେ ସେ କରୋନା ପଜିଟିଭ୍ ଚିହ୍ନଟ ହୋଇଥିଲେ। ତିନି ସପ୍ତାହ ଉପଚାର ପରେ ସେ ସୁସ୍ଥ ହୋଇଥିଲେ।

ଏହା ପୂର୍ବରୁ ଇଟାଲୀରେ ଜଣେ ୧୦୩ ବର୍ଷୀୟ ବୃଦ୍ଧା କରୋନା ସଂକ୍ରମିତ ହୋଇ ସହରର ସେମନାନ  ହସ୍ପିଟାଲରେ ଚିକିତ୍ସାଧୀନ ଥିଲେ। ସେ ଗୋଟିଏ ସପ୍ତାହ ଭିତରେ ସୁସ୍ଥ ହୋଇ ଯାଇଥିଲେ। ତାଙ୍କୁ ହସ୍ପିଟାଲ କର୍ତ୍ତୃପକ୍ଷ ଡିସଚାର୍ଜ କରି ଦେଇଥିଲେ।

ଏବେ ଜଣେ ୯୯ ବର୍ଷୀୟ ବୃଦ୍ଧା କୋଭିଡ୍ ୧୯ରୁ ସୁସ୍ଥ ହେବାରେ ୟୁକେର ସବୁଠୁ ବୟସ୍କ ବ୍ୟକ୍ତି ହୋଇଛନ୍ତି। ଗତ ସପ୍ତାହରେ ରୀତା ରେୟଣ୍ଡଲ୍ସ ନାମକ ଏହି ଦାଦି କରୋନା ପଜିଟିଭ୍ ଚିହ୍ନଟ ହୋଇଥିଲେ।  ମାତ୍ର ତାଙ୍କର ବୟସ ଅଧିକ ହୋଇଥିବାରୁ ସେ ସୁସ୍ଥ ହୋଇ ପାରିବେ ପରିବାରର କାହାରି ଆଶା ନଥିଲା। ତାଙ୍କୁ ସ୍ଵାସ୍ଥ୍ୟ କର୍ମଚାରୀଙ୍କ ଦ୍ଵାରା ଜୀବନ ରକ୍ଷକ ଔଷଧ ଦିଆଯାଉଥିଲା। ମାତ୍ର ସବୁ ବାଧାବିଘ୍ନ ପରେ ରୀତାଙ୍କ ସ୍ଵାସ୍ଥ୍ୟବସ୍ଥାରେ ଉନ୍ନତି ଦେଖିବାକୁ ମିଳିଥିଲା।

କେୟାର ହୋମରେ କିଛି ଦିନର ଚିକିତ୍ସା ପରେ ସେ ସଂପୂର୍ଣ୍ଣ ସୁସ୍ଥ ହୋଇଥିବା ନର୍ସ କହିଥିଲେ। ଏବେ ତାଙ୍କୁ ଆପଣ ଘରକୁ ନେଇ ପାରିବେ। ଏହି ପରି ୯୯ ବର୍ଷ ବୟସରେ ବି ମହିଳା କରୋନା ଭାଇରସକୁ ମାତ୍ ଦେବାରେ ସକ୍ଷମ ହୋଇଛନ୍ତି।

   Related Posts