Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଞ୍ଜନଗର : ମାଇକ୍ରୋ କଣ୍ଟେନମେଣ୍ଟ ଜୋନ୍ ହେଲା ଲାଲସିଙ୍ଗି ପଞ୍ଚାୟତର କିଛି ଅଞ୍ଚଳ, କୋଭିଡ୍ ପଜିଟିଭ୍ ଚିହ୍ନଟ ପରେ ପଦକ୍ଷେପ
  • ||
  • ଭୁବନେଶ୍ବର : ବିଧାନସଭା ପରେ ସମସ୍ତଙ୍କର ହେବ RTPCR ଟେଷ୍ଟ : ବାଚସ୍ପତି
  • ||
  • ଭୁବନେଶ୍ବର : ମହାନଦୀରେ କମିଛି ଜଳ ପ୍ରବାହ, ୫୧୬ ଚେକ୍ ଡ୍ୟାମ୍ କରିଛି ଛତିଶଗଡ : ଜଳସମ୍ପଦ ମନ୍ତ୍ରୀ
  • ||
  • ଭୁବନେଶ୍ବର : ମମିତାକୁ ନ୍ୟାୟ ଦେବାକୁ ବିଜେପିର ଦାବି : ବ୍ୟାରିକେଟ୍ ଭାଙ୍ଗି ବିଧାନସଭା ଘେରାଉ ଉଦ୍ୟମ ବେଳେ ଧସ୍ତାଧସ୍ତି, ପୋଲିସର ଲାଠିଚାର୍ଜ
  • ||
  • ଜୟପୁର : ଜୟପୁର ଏସଡିଜେଏମ୍ କୋର୍ଟରେ NIAର ୨ ଜଣିଆ ଟିମ୍, ମାଓ ନେତା ଦୁବାସୀ ଶଙ୍କରକୁ ପଚରାଉଚରା ପାଇଁ ଲୋଡିଲେ ଅନୁମତି
  • ||
  • ଭୁବନେଶ୍ବର : ବିଜେଡି ଓ ବିଜେପି ବିକ୍ଷୋଭ ପ୍ରସଙ୍ଗ : କଂଗ୍ରେସ ବିଧାୟକ ମହମ୍ମଦ ମୋକିମ କହିଲେ- ଗୋଟିଏ ମୁଦ୍ରାର ଦୁଇ ପାର୍ଶ୍ବ
  • ||
  • ଟାଙ୍ଗୀ : କେନ୍ଦୁଆ ଜଙ୍ଗଲରୁ ମିଳିଲା ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ବଡବିଲ : ଶନି ମନ୍ଦିରରୁ ଲୁଟ୍, ଦାନ ବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • ନିଶ୍ଚିନ୍ତକୋଇଲି : ଛେଳି ଚୋରକୁ ଛେଚିଲେ ଗାଁ ଲୋକେ, ପୋଲିସର ଜିମାଦେଲେ
  • ||
  • ଭୁବନେଶ୍ବର : କୁନ୍ନୁର ସେନା ହେଲିକପ୍ଟର ଦୁର୍ଘଟଣା ନେଇ ବିଧାନସଭାରେ ଶୋକ ପ୍ରସ୍ତାବ ଆଗତ : ଗୃହରେ ୧ ମିନିଟ୍ ନୀରବ ପ୍ରାର୍ଥନା
  • ||

ଜୋତା ଚୋରି ଅଭିଯୋଗରେ ନବମ ଶ୍ରେଣୀର ଦଳିତ ଛାତ୍ରୀକୁ ୫ ଶିକ୍ଷକ ଏବଂ ଶିକ୍ଷୟିତ୍ରୀ ନିର୍ଧୁମ ମାଡ ମାରିଲେ, ଥାନାରେ ଅଭିଯୋଗ

5/12/2018 at 6:01 PM

ଜୟପୁର ୫|୧୨: ଜୋତା ଚୋରି ଅଭିଯୋଗରେ ନବମ ଶ୍ରେଣୀର ଦଳିତ ଛାତ୍ରୀକୁ ନିର୍ଧୁମ ମାଡ ଅଭିଯୋଗ । ଜୟପୁର ସରକାରୀ ବାଳିକା ବିଦ୍ୟାଳୟର  ୫ ଜଣ ଶିକ୍ଷକ ଶିକ୍ଷୟତ୍ରୀଙ୍କ ବିରୋଧରେ ଆସିଛି ଏଭଳି ସଂଗୀନ ଅଭିଯୋଗ । ଛାତ୍ରୀଙ୍କ ପରିବାର  ଜୟପୁର ଟାଉନ ଥାନାରେ ଏତଲା ଦେବା ପରେ ପୋଲିସ  ଖୋଳତାଡ଼ ଆରମ୍ଭ କରିଛି ।

ନବମ ଶ୍ରେଣୀ ଛାତ୍ରୀଙ୍କୁ  ଅମାନୁଷିକ ମାଡ଼ । ମାଡ଼ ମାରିଲେ ୫ ଶିକ୍ଷକ ଏବଂ ଶିକ୍ଷୟିତ୍ରୀ । ଜୟପୁର ସରକାରୀ ବାଳିକା ବିଦ୍ୟାଳୟରୁ ଆସିଛି ନିହାତି ଲଜ୍ଜାଜନକ ଖବର । ମାଡ଼ ମାରିବାର କାରଣ ହେଉଛି ଛାତ୍ରୀଙ୍କ ବ୍ୟାଗରୁ ଜଣେ ସହପାଠୀଙ୍କ ଜୋତା ବାହାରିଲା । ଜୋତା ଚୋରି ଅଭିଯୋଗରେ ୪ ଶିକ୍ଷୟିତ୍ରୀ ଏବଂ ଜଣେ ଶିକ୍ଷକ ମିଶି ମାଡ଼ ମାରିଛନ୍ତି ଛାତ୍ରୀଙ୍କୁ । ତେବେ ଛାତ୍ରୀ ଜଣକୁ ଜୋତା ଚୋରି କରିନାହାଁନ୍ତି ବୋଲି କହିଛନ୍ତି । ସେପଟେ ଛାତ୍ରୀଙ୍କ ପରିବାର ଅଭିଯୁକ୍ତ ଶିକ୍ଷକ-ଶିକ୍ଷୟିତ୍ରୀଙ୍କ ବିରୋଧରେ ଜୟପୁର ଟାଉନ ଥାନାରେ ମାମଲା ଦାୟର କରିଛନ୍ତି ।

ଘଟଣାଟି  ନଭେମ୍ବର ୨୯ର ।ସ୍କୁଲ ଛୁଟି ହେବା ପୂର୍ବରୁ ୬ ଜଣ ଛାତ୍ରୀଙ୍କ ଜୋତା ହଜି ଯାଇଥିବା ଅଭିଯୋଗ ହୋଇଥିଲା । ସ୍କୁଲର ଶିକ୍ଷକ ଓ ଶିକ୍ଷୟତ୍ରୀ କିଛି ଛାତ୍ରୀଙ୍କ ସ୍କୁଲ ବ୍ୟାଗ ଚେକ୍ କରିଥିଲେ।ଏହି ସମୟରେ ଏହି ଛାତ୍ରୀ ଜଣଙ୍କ ସହ ଅନ୍ୟ ୫ ଜଣ ଛାତ୍ରୀଙ୍କ ବ୍ୟାଗରୁ  ଜୋତା  ବାହାରିଥିଲା । ଚୋରି କରିବା ଠିକ ନୁହଁ ବୋଲି ସଂପୃକ୍ତ ଶିକ୍ଷକ ଓ ଶିକ୍ଷୟତ୍ରୀ କେବଳ ଛାତ୍ରୀ ଜଣଙ୍କୁ ବୁଝାଇବା ସହ ତାଗିଦ କରିଥିଲେ ।ହେଲେ ଛାତ୍ରୀଙ୍କ ଦେହରେ ମାଡ ଚିହ୍ନ କେମିତି ଆସିଲା ସେମାନେ ଜାଣିନହାଁନ୍ତି ବୋଲି କହିଛନ୍ତି ।  ଘଟଣାକୁ ସପ୍ତାହେ ହେବାକୁ  ଯାଉଥିବା ବେଳେ ପୋଲିସ ଆଜି ଆରମ୍ଭ କରିଛି କାର୍ଯ୍ୟନୁଷ୍ଠାନ ।ସଂପୃକ୍ତ ଶିକ୍ଷକ ଓ ଶିକ୍ଷୟତ୍ରୀଙ୍କ ଥାନାକୁ ଡାକି ପଚରା ଉଚୁରା ବି କରିଛି । ସେପଟେ ଏହି ଘଟଣାର ତଦନ୍ତ କରାଯିବ ବୋଲି କହିଛନ୍ତି ବ୍ଳକ ଶିକ୍ଷା ଅଧିକାରୀ। 

ସ୍କୁଲକୁ ଦଣ୍ଡମୁକ୍ତ ଅଂଚଳ ଘୋଷଣା କରିଛନ୍ତି ସରକାର ।ଏତିକି ବେଳେ ୫ ଜଣ ଶିକ୍ଷକ ଶିକ୍ଷୟିତ୍ରୀଙ୍କ ବିରୋଧରେ ଏଭଳି ସଂଗୀନ ଅଭିଯୋଗ ଆସିବା ଚିନ୍ତାଜନକ ନିଶ୍ଚିତ । ଘଟଣାର ନିରପେକ୍ଷ ତଦନ୍ତ ସହ ସତ ପଦାକୁ ଆସିବା ଜରୁରୀ ହୋଇପଡ଼ିଛି ।

   Related Posts