Saturday, August 24, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହକି ବିଶ୍ବକପର ଆଜି ୯ମ ଦିନ : ସ୍ପେନ-ନ୍ୟୁଜିଲାଣ୍ଡ,ଆର୍ଜେଣ୍ଚିନା-ଫ୍ରାନ୍ସ ମଧ୍ୟରେ ହେବ ମୁକାବିଲା

ହକି ବିଶ୍ବକପର ଆଜି ୯ମ ଦିନ। ଆଜିଠୁ ଆରମ୍ଭ ବିଶ୍ବକପର ତୃତୀୟ ରାଉଣ୍ଡ। ଆଜି ଗ୍ରୁପଏରେ ଖେଳାଯିବ ଦୁଇଟି ମ୍ୟାଚ। ସ୍ପେନ-ନ୍ୟୁଜିଲାଣ୍ଡ,ଆର୍ଜେଣ୍ଚିନା-ଫ୍ରାନ୍ସ ମଧ୍ୟରେ ହେବ ମୁକାବିଲା । ଏଯାଏ ଖେଳିଥିବା ଦୁଇଟି ମ୍ୟାଚରୁ ଦୁଇଟି ବିଜୟ ସହିତ ଟୁର୍ଣ୍ଣାମେଣ୍ଟରେ ଟିମ୍ ଟୁ  ବିଟ୍ ରହିଛି ଆର୍ଜେଣ୍ଟିନା। ଫ୍ରାନ୍ସକୁ ହରାଇ ସିଧା କ୍ବାର୍ଟରଫାଇନାଲ ଖେଳିବା ଲକ୍ଷ୍ୟରେ ଆଜି ମଇଦାନକୁ ଓହ୍ଲାଇବ ଆର୍ଜେଣ୍ଟିନା। ଆଜିର ମ୍ୟାଚରେ ଆର୍ଜେଣ୍ଟିନାକୁ ଫେବରାଇଟ ଆକଳନ କରୁଛନ୍ତି ଏକ୍ସପର୍ଟ।

ସେପଟେ ଦ୍ବିତୀୟ ମ୍ୟାଚରେ ସ୍ପେନ-ନ୍ୟୁଜିଲାଣ୍ଡ ମୁକାବିଲାରେ ଖେଳ ବେଶ୍ ସଂଘର୍ଷପୂର୍ଣ୍ଣ ହେବ ବୋଲି ଏକ୍ସପର୍ଟ ପୂର୍ବାନୁମାନ କରିଛନ୍ତି। ଉଭୟ ଦଳ କ୍ରସଓଭର ଖେଳିବା ଏକପ୍ରକାର ନିଶ୍ଚିତ ହୋଇଥିବାରୁ କେହି କାହାରିକୁ ମଇଦାନରେ ଇଞ୍ଚ ସ୍ପେଷ୍ ଦେବାକୁ ଚାହିଁବେନି। ପ୍ରଥମ ମ୍ୟାଚରେ ଫ୍ରାନ୍ସକୁ ୨-୧ରେ ହରାଇବାପରେ ଆର୍ଜେଣ୍ଟିନାଠାରୁ ୦-୩ ଗୋଲରେ ନ୍ୟୁଜିଲାଣ୍ଡ ଶୋଚନୀୟ ପରାସ୍ତ ହୋଇଥିଲା। ସେହିପରି ସ୍ପେନ ପ୍ରଥମ ମ୍ୟାଚରେ ୩-୪ଗୋଲରେ ଆର୍ଜେଣ୍ଟିନାଠୁ ହାରିଥିବାବେଳେ ଫ୍ରାନ୍ସ ବିପକ୍ଷ ମ୍ୟାଚ ୧-୧ରେ ଡ୍ର ହୋଇଥିଲା।

376 Views

   ସମ୍ବନ୍ଧିତ ଖବର