Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାଇକେଲରେ ଯାଉଥିବା ବେଳେ ଗଛ ପଡି ୯ମ ଶ୍ରେଣୀ ଛାତ୍ରୀ ଗୁରୁତର

1/09/2019 at 12:24 PM

କେନ୍ଦ୍ରାପଡ଼ା ୧।୯: କେନ୍ଦ୍ରାପଡ଼ା ଟାଉନ୍ ଥାନା ଅନ୍ତର୍ଗତ କଜଳାଠାରେ ଗଛ ପଡି ଜଣେ ନବମ ଶ୍ରେଣୀ ଛାତ୍ରୀ ଗୁରୁତର ଆହତ ହୋଇଛନ୍ତି । ଆହତ ଛାତ୍ରୀ ଜଣଙ୍କ କଜଳା ଗ୍ରାମର ଶେଜଲ ବଳ ବୋଲି ଜଣାପଡିଛି ।

ସୂଚନାଯୋଗ୍ୟ ଯେ, ଶେଜଲ ଆଜି ସକାଳୁ ଟିଉସନ୍ ସାରି ଘରକୁ ଫେରୁଥିବା ବେଳେ କଜଳା ଅର୍ବାନ ବ୍ୟାଙ୍କ୍ ପଛ ରାସ୍ତାରେ ଥିବା ଏକ ଝାଉଁ ଗଛକୁ ସ୍ଥାନୀୟ ଲୋକେ କାଟୁଥିଲେ । ତେବେ ଗଛ କଟାଯିବା ନେଇ କୌଣସି ସୂଚନା ଦିଆଯାଇନଥିଲା । ଛାତ୍ରୀ ଜଣଙ୍କ ନିଜ ସାଇକେଲ ଯୋଗେ ରାସ୍ତାରେ ଯାଉଥିବା ବେଳେ ହଠାତ୍ ତାଙ୍କ ଉପରେ ଗଛଟି ଭାଙ୍ଗି ପଡିଥିଲା । ଫଳରେ ଛାତ୍ରୀ ଜଣଙ୍କ ଗୁରୁତର ଆହତ ହୋଇଥିବା ବେଳେ ସାଇକେଲଟି ସମୂର୍ଣ୍ଣ ଭାବେ ଚୁରମାର ହୋଇଯାଇଛି । ତେବେ ଗୁରୁତର ଅବସ୍ଥାରେ ଛାତ୍ରୀଙ୍କୁ ପ୍ରଥମେ କେନ୍ଦ୍ରାପଡ଼ା ମେଡିକାଲ ଓ ପରେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଛାତ୍ରୀଙ୍କ ବାପା ଶିଶିର କୁମାର ବଳ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି ।

   Related Posts