ବାଲିଗୁଡା ୧୯।୯: କନ୍ଧମାଳରେ ପୁଣି ଲଜ୍ଜା । ବାଲିଗୁଡା ବେଲଘର ଥାନା ଅନ୍ତର୍ଗତ ଲଙ୍କାଗଡ ଆଶ୍ରମ ସ୍କୁଲର ନବମ ଶ୍ରେଣୀର ଛାତ୍ରୀ ଗର୍ଭବତୀ ହୋଇଥିବା ଅଭିଯୋଗ ହୋଇଛି ।
{"id":159596}ସୂଚନାଯୋଗ୍ୟ ହାତୀମୁଣ୍ଡା ଗାଁ ଜଣେ ୪୦ ବର୍ଷ ବୟସ୍କ ବ୍ୟକ୍ତି ନାବାଳିକା ଛାତ୍ରୀଙ୍କୁ ବିବାହର ପ୍ରଲୋଭନ ଦେଖାଇ ପ୍ରତିଶ୍ରୁତି ଦେଇ ଶାରିରୀକ ସମ୍ପର୍କ ରଖିଆସୁଥିଲେ । ନାବାଳିକା ଛାତ୍ରୀ ଜଣଙ୍କ ଗର୍ଭବତୀ ହେବା ପରେ ଘଟଣାଟି ପ୍ରଘଟ ହୋଇଥିଲା। ଏନେଇ ପରିବାର ଲୋକେ ବେଲଘର ଥାନାରେ ଏତଲା ଦେଇଛନ୍ତି । ଏତଲା ଦେବା ପରେ ବେଲଘର ଥାନା ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଅଭିଯୁକ୍ତଙ୍କୁ ଗିରଫ କରି ପୀଡିତା ଛାତ୍ରୀଙ୍କୁ ସିଡବ୍ଲୁସିକୁ ହସ୍ତାନ୍ତର କରିଛି ପୋଲିସ । ଆଜି ଡାକ୍ତରୀ ମାଇନା ପରେ ବାଲିଗୁଡା ବନବାସୀ ସେବା ସମିତି ସ୍ଥିତ ସ୍ବଳ୍ପକାଳୀନ ମହିଳା ସୁଧାର ଗୃହକୁ ପଠାଇ ଦିଆଯିବ।