Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆଗାମୀ ଶିକ୍ଷା ବର୍ଷରେ ମିଳିବନି ହାଇସ୍କୁଲ ପାଠ୍ୟପୁସ୍ତକ ! ଏଯାଏଁ ଛପା ହୋଇନି ନବମ ଓ ୧୦ମ ଶ୍ରେଣୀ ବହି, ମୁଦ୍ରଣରୁ ଓହରିଯିବାକୁ ସରକାରଙ୍କୁ ପତ୍ର ଲେଖିଲେ ନିର୍ଦ୍ଦେଶକ

28/11/2019 at 11:06 PM

ଭୁବନେଶ୍ୱର ୨୮।୧୧ :  ଆଗାମୀ ଶିକ୍ଷାବର୍ଷରେ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀଙ୍କୁ ପାଠ୍ୟପୁସ୍ତକ ମିଳିବା ନେଇ ଏବେ ଆଶଙ୍କା ଦେଖା ଦେଇଛି । ୨୦୨୦-୨୧ ଶିକ୍ଷା ବର୍ଷ ନିମନ୍ତେ ଏପର୍ଯ୍ୟନ୍ତ ବହି ଛପା ହୋଇପାରିନି । ସରକାରଙ୍କୁ ଚିଠି ଲେଖି ଏହା ଜଣାଇଛନ୍ତି ପାଠ୍ୟ ପୁସ୍ତକ ପ୍ରଣୟନ ଓ ବିତରଣ ନିର୍ଦ୍ଦେଶକ ।

ଏପିରିକି ବହି ଛପାରୁ ନିର୍ଦ୍ଦେଶାଳୟ ଓହରୁଥିବା କଥା ବି ଚିଠିରେ ଉଲ୍ଲେଖ ରହିଛି । ବହି ଛାପିବା ପାଇଁ ଆବଶ୍ୟକୀୟ ସାମଗ୍ରୀ ମାଧ୍ୟମିକ ଶିକ୍ଷା ବୋର୍ଡ ଦେଉ ନ ଥିବା ଅଭିଯୋଗ ହୋଇଛି । ବାରମ୍ବାର ଜଣାଇବା ପରେ ବି ବୋର୍ଡ ଅବହେଳା କରୁଥିବାରୁ ଏଭଳି ନିଷ୍ପତ୍ତି ନିଆଯାଇଥିବା କୁହାଯାଉଛି ।

ତେବେ ବଡ଼ କଥା ହେଉଛି, ନିର୍ଦ୍ଦେଶାଳୟ ବହି ନ ଛାପିଲେ, ପିଲାଙ୍କୁ ବହି ମିଳିବ କେମିତି? ଆଗାମୀ ବର୍ଷ ଓଡ଼ିଶା ମିଡିୟମର ନବମ ଓ ଦଶମ ପିଲା ପାଠ ପଢିବେ କେମିତି? ଶିକ୍ଷା ବର୍ଷ ଆରମ୍ଭ ହେବାକୁ ଆଉ ମାସ କେଇଟା ଥିବା ବେଳେ ବିଭାଗ ଏ ସମସ୍ୟାର ସମାଧାନ କରିପାରିବ ତ?

   Related Posts