Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ମୌତ କା କୂଆଁ : ପ୍ରତି ଦିନ କୂଅରୁ ମିଳୁଛି ଶବ, ୨ ଦିନ ମଧ୍ୟରେ ୯ଶବ ଉଦ୍ଧାର

22/05/2020 at 8:31 PM

ହାଇଦ୍ରାବାଦ ୨୨/୫: ତେଲେଙ୍ଗାନାର ଓ୍ବାରଙ୍ଗଲର ସୀମାବର୍ତ୍ତୀ ଅଞ୍ଚଳରେ ଏକ କୂଅ ରହସ୍ୟର କେନ୍ଦ୍ର ହୋଇଛି। କୌଣସି ସସପେନ୍ସ ଥ୍ରିଲର ସିନେମା ଭଳି ଏହି କୂଅରୁ ଲଗାତାର ଶବ ବାହାରୁଛି। ଏହି ଅଞ୍ଚଳକୁ ଗୋରେକୁଣ୍ଟା କୁହାଯାଏ। ଏଠାରେ ଗୋଦାମ ପାଖରେ ଏକ କୂଅ ରହିଛି। ଗୁରୁବାର ଏହି କୂଅରୁ ୪ଜଣଙ୍କ ଶବ ମିଳିଥିଲା। ଆଜି ଆହୁରି ୫ଜଣଙ୍କ ଶବ ଏହି କୂଅରୁ ଉଦ୍ଧାର କରାଯାଇଛି। ଏତେ ଜଣଙ୍କ ଶବ ଏହି କୂଅରୁ ବାହାରୁଥିବା ଶବକୁ ଦେଖି ପୋଲିସ୍ ବି ଚିନ୍ତାରେ ପଡ଼ି ଯାଇଛି।

ଏହି ଶବଗୁଡ଼ିକରେ କୌଣସି ଧରଣର କ୍ଷତ ନାହିଁ। ଏହାର ପତ୍ତା ଲଗାଇବା ପାଇଁ ଓ୍ବାରଙ୍ଗଲ୍ ପୋଲିସ୍ ଜୁଟିଛି। ଆଶଙ୍କା କରାଯାଉଛି ଏହି କୂଅରୁ ଆହୁରି ଶବ ବାହାରିପାରେ।

ପୋଲିସକୁ ପ୍ରାଥମିକ ଯାଞ୍ଚରେ ଜଣା ପଡ଼ିଛି ଯେ ଏହି କୂଅରୁ ଉଦ୍ଧାର ହୋଇଥିବା ୯ଜଣଙ୍କ ଶବ ମଧ୍ୟରେ ୬ଜଣ ଗୋଟିଏ ପରିବାରର ସଦସ୍ୟ। ଏମାନେ ସମସ୍ତେ ପଶ୍ଚିମବଙ୍ଗର ପ୍ରବାସୀ ଶ୍ରମିକ ବୋଲି କୁହାଯାଉଛି। ଏମାନେ ହେଲେ ମକସୁଦ(୫୦),ତାଙ୍କ ପତ୍ନୀ ନିଶା(୪୫),ଝିଅ ବସରା(୨୦) ଏବଂ ବସରାଙ୍କ ୩ବର୍ଷର ପୁଅ।

ଆଜି କୂଅରୁ ଉଦ୍ଧାର ହୋଇଥିବା ମୃତକମାନେ ହେଲେ ଶାଦାବ(୨୨),ସୋହେଲ(୨୦),ବିହାର ବାସିନ୍ଦା ଶ୍ୟାମ(୨୨),ଶ୍ରୀରାମ(୨୦) ଏବଂ ଓ୍ବାରଙ୍ଗଲର ଶକିଲ ନାମକ ବ୍ୟକ୍ତି। ଏମାନଙ୍କ ଶବକୁ ପୋଷ୍ଟମର୍ଟମ ପାଇଁ ଏମଜିଏମ୍ ହସ୍ପିଟାଲକୁ ପଠାଇ ଦିଆଯାଇଛି।

ସୂଚନା ଅନୁଯାୟୀ ମୃତକ ମକସୁଦ ୨୦ବର୍ଷ ତଳେ ରୋଜଗାର ଆଶାରେ ଓ୍ବାରଙ୍ଗଲ୍ ଆସିଥିଲେ। ସେବେଠାରୁ ସେ ନିଜ ପରିବାର ସହ ଏଠାରେ ରହୁଥିଲେ। ନିକଟରେ ଲକଡାଉନ୍ ଯୋଗୁଁ ସେ ନିଜ ପରିବାର ସହ ଏହି ଗୋଦାମରେ ରହିବାକୁ ଆସିଥିଲେ।

ପାଖରେ ବିହାର ବାସିନ୍ଦା ଶ୍ୟାମ ଏବଂ ଶ୍ରୀରାମ ମଧ୍ୟ ରହୁଥିଲେ। ଗୁରୁବାର ଗୋଦାମ ମାଲିକ ସନ୍ତୋଷ ସେଠାକୁ ଯାଇ କାହାକୁ ପାଇନଥିଲେ। ସେ ଖୋଜିବାରୁ ପୁରୁଣା କୂଅରେ ସମସ୍ତଙ୍କ ଶବ ଦେଖିବାକୁ ପାଇଥିଲେ। ଏହା ପରେ ସେ ପୋଲିସକୁ ସୂଚନା ଦେଇଥିଲେ। ପୋଲିସ କେତେ ଜଣଙ୍କୁ ହେପାଜତକୁ ନେଇ ଏ ମାମଲାରେ ପଚରାଉଚୁରା କରୁଛି।

   Related Posts