ରାୟଗଡ଼ା ୧୨।୦୮: ରାଜ୍ୟରେ ଆଜି ୧୮୭୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିମଧ୍ୟରୁ ରାୟଗଡ଼ାରେ ଆଜି ୯୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଦୁଇ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । ସେମାନଙ୍କ ମଧ୍ୟରେ ପୁରୁଷ ୬୯ ଏବଂ ମହିଳା ୨୯ ଜଣ ଅଛନ୍ତି । ରାୟଗଡ଼ାରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୬୭୯କୁ ବୃଦ୍ଧି ହୋଇଛି । ସେମାନଙ୍କ ମଧ୍ୟରୁ ୫୬୬ ଜଣ ଏବେ କୋଭିଡ ମେଡିକାଲରେ ଚିକିତ୍ସିତ ହେଉଛନ୍ତି ।
ତେବେ ଆଜି ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ସର୍ବାଧିକ ୫୨ ଜଣ କାଶୀପୁର ବ୍ଲକରୁ ଚିହ୍ନଟ ହୋଇଛନ୍ତି । ସେହିପରି କେବଳ ଓଷାପଡ଼ା ଗାଁରୁ ୪୫ ଜଣ ଅଛନ୍ତି । ରାୟଗଡ଼ା ସହରରୁ ୭, ରାୟଗଡ଼ା ବ୍ଳକରୁ ୪, ଗୁଣୁପୁର ସହରରୁ ୩, ଗୁଣୁପୁର ବ୍ଲକରୁ୮, ମୁନିଗୁଡ଼ାରୁ ୧୪ ଜଣ, ଚନ୍ଦ୍ରପୁର ବ୍ଲକରୁ ୪, ବିଷମ କଟକ ବ୍ଲକରୁ ୩ ଜଣ ଚିହ୍ନଟ ହୋଇଛନ୍ତି ।
