Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ବନ୍ଦ ହେବ ୧୦ରୁ କମ୍ ପିଲା ଥିବା ରାଜ୍ୟର ୯୬୬ ସ୍କୁଲ୍ : ପାଖ ସ୍କୁଲରେ ପିଲାଙ୍କ ପଢ଼ିବା ପାଇଁ ହେବ ବ୍ୟବସ୍ଥା

23/06/2019 at 8:38 AM

ଭୁବନେଶ୍ବର ୨୩/୬: ସ୍କୁଲରେ ଗୁଣାତ୍ମକ ଶିକ୍ଷା ସହ ଶିକ୍ଷକ ଅଭାବ ଦୂର କରିବା ପାଇଁ ସରକାରଙ୍କ ନୂଆ ଫଣ୍ଡା । ୧୦ ଜଣରୁ କମ୍ ପିଲା ଥିବା ୯୬୬ ସ୍କୁଲକୁ ବନ୍ଦ କରିବା ସହ ଛାତ୍ରଛତ୍ରୀଙ୍କୁ ଦେବେ ଗସ୍ତ ଖର୍ଚ୍ଚ । ସରକାରଙ୍କ ଏଭଳି ନୂଆ ଫଣ୍ଡାକୁ ଅନେକ ସ୍ବାଗତ କରିଛନ୍ତି । ହେଲେ ଦୁର୍ଗମ ଅଞ୍ଚଳରେ ଏହି ନୀତି ଲାଗୁ ନେଇ ସମସ୍ୟା ସୃଷ୍ଟି ହୋଇପାରେ ।…

ସ୍କୁଲ ଶିକ୍ଷା ସଜାଡିବାକୁ ରାଜ୍ୟ ସରକାର ତତ୍ପର । ଗୁଣାତ୍ମକ ଶିକ୍ଷା ସହ ସ୍କୁଲରେ ଛାତ୍ରଛତ୍ରୀଙ୍କ ଉପସ୍ଥାନ ବଢ଼ାଇବାକୁ ସରକାରଙ୍କ ନୂଆ ଫଣ୍ଡା । ଏଥର ସ୍କୁଲକୁ ଆସିଲେ ମିଳିବ ଯାତାୟତ ଖର୍ଚ୍ଚ। ପ୍ରଥମେ ସରକାର  ୧୦ଜଣରୁ କମ ଛାତ୍ରଛାତ୍ରୀ ଥିବା  ୯୬୬ଟି ସ୍କୁଲକୁ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି । ସ୍କୁଲ ବନ୍ଦକରି ସେହି ଶିକ୍ଷକ ଓ ଛାତ୍ରଛାତ୍ରୀଙ୍କୁ ୧କିଲୋମିଟର ଭିତରେ ଥିବା ସ୍କୁଲ କୁ ସ୍ଥାନନ୍ତରିତ କରିବେ । ସେହି ସ୍କୁଲର ପିଲାଙ୍କ  ଉପସ୍ଥାନ ବଢାଇବାକୁ ସେମାନଙ୍କୁ ଗସ୍ତ ଖର୍ଚ୍ଚ ଦେବେ ସରକାର । ୭୫ପ୍ରତିଶତରୁ ଅଧିକ ଉପସ୍ଥାନ ଥିବା ପିଲାଙ୍କୁ ମାସକୁ ମିଳିବ ୬ଶହ ଟଙ୍କା ଏବଂ ୧୦ମାସକୁ ୬ହଜାର ଟଙ୍କା । ସେହିପରି୫୦ରୁ ୭୪ ପ୍ରତିଶତରୁ ଉପସ୍ଥାନ ରଖୁଥିବା ଛାତ୍ରଛାତ୍ରୀଙ୍କୁ ୪ଶହ ଏବଂ ୧୦ ମାସକୁ ୪ହଜାର ଟଙ୍କା ଦିଆଯିବ ।  ୩୦ରୁ ୪୯ପ୍ରତିଶତ ଉପସ୍ଥାନ ରଖୁଥିବା ଛାତ୍ରଛାତ୍ରୀଙ୍କୁ ମାସକୁ ୩ଶହ ଏବଂ ୧୦ ମାସକୁ ୩ ହଜାରଟଙ୍କା ମିଳିବ । ୩୦ପ୍ରତିଶତରୁ କମ ଉପସ୍ଥାନ ରଖୁଥିବା ପିଲାଙ୍କୁ କିଛି ମିଳିବ ନାହିଁ। ସେପଟେ ଯେଉଁ ସବୁ ସ୍କୁଲକୁ ବନ୍ଦ କରାଗଲା ସେହିସବୁ ସ୍କୁଲର ଏଷ୍ଟାବ୍ଳିସ୍ମେଣ୍ଟ ପାଇଁ ଖର୍ଚ୍ଚ ଅର୍ଥ ସରକାରଙ୍କ ପାଖରେ ରହିବ । ତେବେ ବନ୍ଦ ହେବାକୁ ଥିବା ସ୍କୁଲ୍ ଗୁଡ଼ିକରେ କାମ କରୁଥିବା ପାଚିକମାନଙ୍କ ସଂପର୍କରେ ପରବର୍ତ୍ତୀ ସମୟରେ ନିଷ୍ପତ୍ତି ନିଆଯିବ ବୋଲି ମନ୍ତ୍ରୀ କହିଛନ୍ତି।

ସ୍କୁଲ ଥିଲେ ଶିକ୍ଷକ ନାହାନ୍ତି, ଶିକ୍ଷକ ଥିଲେ ଅନେକ ସ୍କୁଲରେ ଛାତ୍ରଛାତ୍ରୀ ନଥାନ୍ତି। ଫଳରେ ସ୍କୁଲରେ ପାଠ ପଢ଼ା ହୋଇପାରେନି । ଏପରିକି ଯେଉଁ ସ୍କୁଲ ମାନଙ୍କରେ ଛାତ୍ରଛାତ୍ରଙ୍କ ସଂଖ୍ୟା ଅଧିକ ସେଠାରେ ଜଣେ କି ଦୁଇ ଜଣ ଶିକ୍ଷକ ନିଯୁକ୍ତ ହୋଇଥିବାରୁ ପାଠ ପାଢ଼ାଇବାରେ ଅସୁବିଧା ହୁଏ। ତେଣୁ ଶିକ୍ଷକ ଅଭାବ ସମସ୍ୟାକୁ ଦୂର କରିବାକୁ ସରକାର ଏଭଳି ନିଷ୍ପତ୍ତି ନେଇଛନ୍ତି। କିନ୍ତୁ ଦୁର୍ଗମ ଅଞ୍ଚଳରେ ଏପରି ନୀତି ଲାଗୁ ହେଲେ ଛାତ୍ରଛାତ୍ରୀ ମାନେ ଯିବା ଆସିବା କରିବାରେ ସମସ୍ୟା ସୃଷ୍ଟି ହୋଇପାରେ ବୋଲି ଅନୁମାନ କରାଯାଉଛି ।

ଶିକ୍ଷକ ସମସ୍ୟା ଦୂର କରିବା ସହ ସ୍କୁଲ ମାନଙ୍କରେ ଗୁଣତ୍ମକ ଶିକ୍ଷା ଦେବା ପାଇଁ ସରକାରଙ୍କ  ଏହି ଫଣ୍ଡା କେତେ କାମ ଦେବ ତାହା ପରୀକ୍ଷା ଫଳ ହିଁ କହିବ।

   Related Posts