କେନ୍ଦ୍ରାପଡା ୩୦/୦୪ : ଘୁଷୁରୀ ପାଳି ଋଣ ଶୁଝୁଛି ହରିଆ ମୁଣ୍ଡା। ବୟସ ୯ ବର୍ଷ। ଏବେ ଘୁଷୁରୀ ପାଳି ସେ ପିତୃଋଣ ଶୁଝୁଛି। ଘୁଷୁରି ମାଲିକଙ୍କ ଠାରୁ ୧୦ହଜାର ଟଙ୍କା ନେଇ ଥିଲେ ଅଭାବୀ ବାପା ମା । ଆଉ ସେହି ଋଣ ଏବେ ହରିଆ ଶୁଝୁଛି। ମା ର ନିର୍ଭୟ ପଣତ କାନି ବଦଳରେ ଗହିର ମଝିରେ ଝଡ,ବର୍ଷା, ରାତିର କିଟିକିଟ୍ ଅନ୍ଧାର କଟୁଛି ତାର ଜୀବନ । କଅଁଳ ବୟସରେ ସାଙ୍ଗସାଥୀଙ୍କ ସହ ଖେଳକୁଦ ପାଠପଢା ର ସମୟ ଘୁଷୁରୀ ଜଗିବାରେ କଟୁଛି । ମୁକ୍ତ ବିଚରଣ ତା ପାଇଁ ପାଲଟିଛି ସ୍ବପ୍ନ ,ବନ୍ଧାପଡିଛି ହରିଆ ମୁଣ୍ଡାର କୋମଳ ମତି ଜୀବନ । ମାଲିକ ର ମାଡ ଭୟ ଆଖିରେ ଲୁହକୁ ଏକାକାର କରିଦେଇଛି । ନିଜର ଭାଗ୍ୟ କୁ ଆଦରି ସେ ପଡି ରହିଛି । ପାଲଟି ଯାଇଛି କ୍ରୀତଦାସ ।
{"id":262725,"sizeSlug":"large"}ଏକ ପାଲ ତଳେ ଘୁଷୁରି ପଲଙ୍କ ସହ ଗହିର ମଝିରେ ହିଁ ହରିଆର ପୃଥୀବି ସୀମିତ । ଘୁଷୁରି ଜଗିବା ସହ ପାଲତଳେ ସେ ରୋଷେଇ କରୁଛି ସତ କିନ୍ତୁ ଦିନେ ରାନ୍ଧିଲେ ୪ରୁ ପାଞ୍ଚ ଦିନ ଖାଉଛି । କାରଣ ତାପାଖରେ ଅନ୍ୟ ଉପାୟ ନାହିଁ । ଅପେକ୍ଷା ଘୁଷୁରୀ ମାଲିକର ୧୦ହଜାର ଟଙ୍କା କେବେ ଶୁଝିବ। କିଛି ସ୍ବେଚ୍ଛାସେବୀ ବ୍ୟକ୍ତି ଏସବୁ ଜାଣିବା ପରେ ନ୍ୟୁଜ୍ ସେଭେନର ଦୃଷ୍ଟି ଆକର୍ଷଣ କରିଥିଲେ । ତେବେ ଜିଲ୍ଲା ପ୍ରଶାସନ ତୁରନ୍ତ ବାଳ କ୍ରିତଦାସଙ୍କୁ ଉଦ୍ଧାର କରିବା କୁ ବିଭିନ୍ନ ମହଲରୁ ଦାବି ହୋଇଛି …
ହରିଆ ମୁଣ୍ଡାର ଘର ଯାଜପୁର ଜିଲ୍ଲା ପାଣିକୋଇଲି ଅଂଚଳର । ପରିବାର କହିଲେ ବାପା ମା ଙ୍କ ସହ ଭାଇଭଉଣୀ ୫ଜଣ । ହରିଆ ଋଣ ଶୁଝିବାକୁ ଘର ାରୁ ଶହେ ମାଇଲ ଦୂରରେ ପଡ଼ି ରହିଛି |