Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ଯନ୍ତ୍ରଣା ଉପରେ ବିଜୟ : ବ୍ରେନ୍ ଟ୍ୟୁମର୍ ଅପରେସନ ବେଳେ ୬ ଘଣ୍ଟା ଧରି ପିଆନୋ ବଜାଉଥିଲା ୯ ବର୍ଷର କୁନି ଝିଅ

14/12/2020 at 3:35 PM

ନୁଆଦିଲ୍ଲୀ,୧୪/୧୨: ନୂଆଦିଲ୍ଲୀସ୍ଥିତ ବିରଲା ହସ୍ପିଟାଲରେ ମଧ୍ୟପ୍ରଦେଶ ଗ୍ୱାଲିଅରରେ ରହୁଥିବା ଜଣେ ୯ ବର୍ଷୀୟା ଶିଶୁର ମସ୍ତିଷ୍କରେ ଅସ୍ତ୍ରୋପଚାର କରାଯାଇଛି । ଏହି ଶିଶୁଟିର ନାଁ ହେଉଛି ସୌମ୍ୟା । ତାଙ୍କ ମସ୍ତିସ୍କରେ ହୋଇଥିବା ଟ୍ୟୁମରକୁ କାଢିବା ପାଇଁ ଅସ୍ତ୍ରୋପଚାର କରାଯାଇଥିଲା । ତେବେ ସବୁଠାରୁ ବଡ କଥା ହେଉଛି ଯେ ଅସ୍ତ୍ରୋପଚାର ସମୟରେ ସୌମ୍ୟା ପିଆନୋ ବଜାଉଥିଲେ ।

ଅସ୍ତ୍ରୋପଚାର ପରେ ସୌମ୍ୟା କହିଛନ୍ତି ଯେ, ସେ ଦୀର୍ଘ ୬ ଘଣ୍ଟା ଧରି ପିଆନୋ ବଜାଉଥିଲେ । ଏହାସହ ମୋବାଇଲରେ ଗେମ୍ ମଧ୍ୟ ଖେଳିଥିଲେ । ଅସ୍ତ୍ରୋପଚାର ପରେ ସେ ସୁସ୍ଥ ଅନୁଭବ କରୁଛନ୍ତି ।

ଗଣମାଧ୍ୟମର ରିପୋର୍ଟ ଅନୁସାରେ, ଯେତେବେଳେ ସୌମ୍ୟାଙ୍କ ବାପା ମାଆ ତାଙ୍କୁ ଅପରେସନ ପାଇଁ ଆଣିଥିଲେ ସେତେବେଳେ ଡାକ୍ତରମାନେ ଏହା ଏକ କଠିନ ଅସ୍ତ୍ରୋପଚାର ବୋଲି କହିଥିଲେ । ଏପରିକି ମସ୍ତିସ୍କରେ ଥିବା କିଛି ଶିରା ମଧ୍ୟ ନଷ୍ଟ ହେବାର ସମ୍ଭାବନା ଥିଲା । ପରେ ସୌମ୍ୟାଙ୍କ ଅସ୍ତ୍ରୋପଚାର ପାଇଁ ଡାକ୍ତରମାନେ ରାଜି ହୋଇଥିଲେ । କିନ୍ତୁ ଚାହିଁବା ଅବସ୍ଥାରେ ହିଁ ଅସ୍ତ୍ରୋପଚାର କରାଯିବା ନେଇ ନିଷ୍ପତ୍ତି ହୋଇଥିଲା ।

ଅସ୍ତ୍ରୋପଚାର ବେଳେ ସୌମ୍ୟା ପିଆନୋ ବଜାଇଥିଲେ । ଡାକ୍ତରମାନେ ମଧ୍ୟ ତାଙ୍କୁ ପିଆନୋ ବଜାଇବାକୁ କହିଥିଲେ । ମସ୍ତିଷ୍କରେ ସାମାନ୍ୟ ଆନାସ୍ଥେସିଆ ଦିଆଯାଇ ଏହି ଅସ୍ତ୍ରୋପଚାର କରାଯାଇଥିଲା ।  

ସୌମ୍ୟାଙ୍କ ଅସ୍ତ୍ରୋପଚାର କରିଥିବା ସ୍ନାୟୁ ବିଶେଷଜ୍ଞ ଅଭିଷେକ ଚୌହ୍ୱାନ କହିଛନ୍ତି ଯେ, ଏହି ଅପରେସନ ଚ୍ୟାଲେଞ୍ଜ୍ ଥିଲା ଯାହା ସଫଳ ହୋଇଛି । ଅସ୍ତ୍ରୋପଚାର ବେଳେ ଡାକ୍ତରୀ ଟିମ୍ ସୌମ୍ୟାଙ୍କୁ ପିଆନୋ ବଜାଇବାକୁ ଦେଇଥିଲେ । କାରଣ ଯଦି ସୌମ୍ୟା ନଖେଳି ଶୋଇଯାଇଥାନ୍ତେ ତେବେ ପକ୍ଷାଘାତର ସମ୍ଭାବନା ଥିଲା ବୋଲି ସେ କହିଛନ୍ତି ।

   Related Posts