Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ରାଜ୍ୟ ସରକାରଙ୍କ ବଡ ନିଷ୍ପତ୍ତି: କୋଭିଡ୍-୧୯ ପରିଚାଳନା କମିଟିରୁ ଗୋଟିଏ ଦିନରେ ୯ ଜଣ ଆଇଏଏସ ଅଫିସରଙ୍କୁ ଅବ୍ୟାହତି

5/06/2020 at 8:15 PM

ଭୁବନେଶ୍ୱର, ୦୫|୦୬:    ରାଜ୍ୟ ସରକାର କୋଭିଡ-୧୯ ପରିଚାଳନା କମିଟିରେ ଏକ ବଡ ଧରଣର ପରିବର୍ତ୍ତନ କରିଛନ୍ତି । କୋଭିଡ୍-୧୯ ପରିଚାଳନାର ବିଭିନ୍ନ ଦାୟିତ୍ୱରେ ଥିବା ୯ ଜଣ ଆଇଏଏସ  ଅଧିକାରୀଙ୍କୁ ଅବ୍ୟାହତି ଦିଆଯାଇଛି।

ଦାୟିତ୍ୱରୁ ଅବ୍ୟାହତି ଦିଆ ଯାଇଥିବା ଆଇଏଏସ ଅଧିକାରୀମାନେ ହେଲେ ସୁରେନ୍ଦ୍ର କୁମାର, ବିଶାଲ ଦେବ, କ୍ରିଷନ କୁମାର, ଅରବିନ୍ଦ ଅଗ୍ରଓ୍ୱାଲ, ସଚିନ ରାମଚନ୍ଦ୍ର ଯଦାବ, ଭୁପେନ୍ଦ୍ର ସିଂ ପୁନିଆ, ରଶ୍ମିତା ପଣ୍ଡା, ଅନୁ ଗର୍ଗ  ଏବଂ ଆର ଭିନିଲ କ୍ରିଷ୍ଣା । ଏହି ଅଧିକାରୀମାନଙ୍କୁ ମାର୍ଚ୍ଚ ୨୫ରେ କୋଭିଡ-୧୯ ପରିଚାଳନା କମିଟିରେ ସ୍ୱତନ୍ତ୍ର ଦାୟିତ୍ୱ ପ୍ରଦାନ କରାଯାଇଥିଲା ।

ତେବେ ଶୁକ୍ରବାର ରାଜ୍ୟ ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି କ୍ରମରେ ଏହି ପ୍ରାଶାସନିକ ଅଧିକାରୀମାନଙ୍କୁ କୋଭିଡ-୧୯ ପରିଚାଲନାରୁ ଅନ୍ତର କରିଛନ୍ତି । ତେବେ ମାର୍ଚ୍ଚ ୨୫ରେ ଏହି ଅଧିକାରୀମାନଙ୍କୁ କୋଭିଡ-୧୯ ପରିଚାଳନା ସହ ସଂପୃକ୍ତ କରାଯାଇଥିଲା । ଆଜି ସେଥିରେ ପରିବର୍ତ୍ତନ କରାଯାଇଛି । ସରକାରୀ ନିଷ୍ପତ୍ତି ଅନୁଯାୟୀ,  ଅନୁ ଗର୍ଗଙ୍କୁ କୋଭିଡ-୧୯ ଟ୍ରେନିଂ ଦାୟିତ୍ୱରୁ ଅବ୍ୟାହତି ଦିଆଯାଇଥିବା ବେଳେ ଭିନିଲ୍ କ୍ରିଷ୍ଣାଙ୍କୁ ସିଏମଓର କୋଭିଡ ପରାମର୍ଶଦାତା ପଦରୁ ଅବ୍ୟାହତି ଦିଆଯାଇଛି । ସେହିପରି ସୁରେନ୍ଦ୍ର କୁମାରଙ୍କୁ କୋଭିଡ୍ ଅତ୍ୟାବଶ୍ୟକୀୟ ସାମଗ୍ରୀ ପରିବହନ, ବିଶାଳ ଦେବଙ୍କୁ ସ୍ୱତନ୍ତ୍ର ସ୍ୱାସ୍ଥ୍ୟ ସଚିବ ଦାୟିତ୍ୱରୁ ଅବ୍ୟାହତି ଦିଆଯାଇଛି । କିଷନ କୁମାରଙ୍କୁ କୋଭିଡ-୧୯ ଡିଜିଟାଲ ରେସପନ୍ସ୍ ଦାୟିତ୍ବ,  ଅରବିନ୍ଦ ଅଗ୍ରଓ୍ୱାଲଙ୍କୁ ସ୍ୱାସ୍ଥ୍ୟ ସଚିବଙ୍କ ସହାୟତା ଦାୟିତ୍ୱ, ସଚିନ ଯାଦବଙ୍କୁ ମୁଖ୍ୟ ସଚିବଙ୍କ ଓଏସଡି ଦାୟିତ୍ୱ ଏବଂ ଭୁପେନ୍ଦ୍ର ସିଂ ପୁନିଆଙ୍କୁ ସ୍ୱାସ୍ଥ୍ୟ ସଚିବଙ୍କ ସହାୟତା ଦାୟିତ୍ୱରୁ ଅବ୍ୟାହତି ଦିଆଯାଇଛି ।

ପ୍ରକାଶଯୋଗ୍ୟ ଯେ, ଗତକାଲି ବରିଷ୍ଠ ଅଫିସର ହେମନ୍ତ ଶର୍ମାଙ୍କୁ କୋଭିଡ-୧୯ ପରିଚାଳନାରୁ ମଧ୍ୟ ଅବ୍ୟାହତି ଦିଆଯାଇଥିଲା । ସେ କୋଭିଡ-୧୯ ପରିଚାଳନାର ପରଚେଜ୍ କମିଟି ଦାୟିତ୍ୱରେ ଥିଲେ ।  

   Related Posts