Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ଲକ୍‌ଡାଉନ୍‌ରେ ମିଳୁନି ମଦ, ଆତ୍ମହତ୍ୟା କଲେ ୯ ଜଣ, ବିବଶ ହୋଇ ଏହି ନିଷ୍ପତ୍ତି ନେବାକୁ ଯାଉଛନ୍ତି ସରକାର

30/03/2020 at 3:12 PM

ନୂଆଦିଲ୍ଲୀ ୩୦।୦୩: ପୂରା ଦେଶରେ ଲକ୍‌ଡାଉନ୍‌ କାରଣରୁ ଏବେ ଏକ ନୂତନ ସମସ୍ୟା ମୁଣ୍ଡ ଟେକିଛି। ଗୋଟିଏ ପଟେ କରୋନା ଭାଇରସର ସଙ୍କଟ ଟଳି ନଥିବା ବେଳେ ଅନ୍ୟପଟେ ମଦ ନମିଳିବା କାରଣରୁ ଦେଶର ବିଭିନ୍ନ ଅଞ୍ଚଳରେ ନଅ ଜଣ ଆତ୍ମହତ୍ୟା କରି ସାରିଲେଣି। ଏହା ସ୍ଥାନୀୟ ସରକାର ସମ୍ମୁଖରେ ଏକ ନୂଆ ସମସ୍ୟା ଭାବେ ଉଭା  ହୋଇଛି। ଫଳରେ ଏବେ ରାଜ୍ୟ ସରକାର ବର୍ତ୍ତମାନ ନିୟମରେ ପରିବର୍ତ୍ତନ କରିବାକୁ ଯାଉଛନ୍ତି ଯଦ୍ଵାରା ମଦ ସହଜରେ ଉପଲବ୍ଧ କରାଯାଇ ପାରିବ।

ସମାଚାର ଏଜେନ୍ସି ପିଟିଆଇ ମୁତାବକ ଲକ୍‌ଡାଉନ୍‌ କାରଣରୁ ଦୋକାନ ବଜାର ସହିତ କାଉଣ୍ଟର ମଧ୍ୟ ବନ୍ଦ। ଫଳରେ ଲୋକଙ୍କୁ ପିଇବାକୁ ମଦ ମିଳି ପାରୁ ନାହିଁ। ଏ ପର୍ଯ୍ୟନ୍ତ କେରଳରେ ପାଞ୍ଚ ଏବଂ କର୍ଣ୍ଣାଟକରେ ମଦ ନମିଳିବା କାରଣରୁ ଚାରି ଜଣ ଆତ୍ମହତ୍ୟା କରି ସାରିଲେଣି। ଡାକ୍ତରଙ୍କ ଅନୁଯାୟୀ ପୂରା ରାଜ୍ୟରେ ଜରୁରୀକାଳୀନ ସେବା ବ୍ୟତୀତ ସବୁ ଦୋକାନ ବନ୍ଦ ହେବାରୁ ସବୁଠୁ ବଡ ପ୍ରଭାବ ମଦ ପିଉଥିବା ଲୋକଙ୍କ ଉପରେ ପଡିଛି।

କେରଳ ସରକାର କଲେ ନିୟମରେ ପରିବର୍ତ୍ତନ

ଲକ୍‌ଡାଉନ୍‌ ମଧ୍ୟରେ ଆତ୍ମହତ୍ୟା ଘଟଣା କାରଣୁ କେରଳ ସରକାରଙ୍କୁ ନିୟମରେ ପରିବର୍ତ୍ତନ କରିବାକୁ ବିବଶ ହେବାକୁ ପଡିଛି। କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନ କହିଛନ୍ତି ଯେ, କରୋନା ଭାଇରସରେ ରାଜ୍ୟରେ ଜଣଙ୍କର ମୃତ୍ୟୁ ଘଟିଥିବା ବେଳେ ଏହାର ପ୍ରତିରୋଧ ପାଇଁ ଲାଗୁ ଲକ୍‌ଡାଉନ୍‌ ସମୟରେ ପାଞ୍ଚ ଜଣଙ୍କ ମୃତ୍ୟୁ ଘଟି ସାରିଲାଣି। ଫଳରେ ରାଜ୍ୟ ସରକାର ଘୋଷଣା କରିଛନ୍ତି ଯେ, ଏବେ ନିଶାଖୋରଙ୍କ ପାଇଁ ଅବକାରୀ ବିଭାଗ ମଦ ଉପଲବ୍ଧ କରାଇବେ। ଏହା  ବ୍ୟତୀତ ରାଜ୍ୟ ସରକାର ମଦ ଯୋଗାଇ ଦେବା ପାଇଁ ଅନଲାଇନ୍ ସେବା ଆରମ୍ଭ କରିବେ।

ଉଲ୍ଲେଖଯୋଗ୍ୟ, କରୋନା ଭାଇରସର ପ୍ରତିରୋଧ ପାଇଁ କେନ୍ଦ୍ର ସରକାର ସମଗ୍ର ଦେଶରେ ୨୧ ଦିନିଆ ଲକ୍‌ଡାଉନ୍‌ ଲାଗୁ କରିଛନ୍ତି। ଏହି ସମୟରେ କେବଳ ଜରୁରୀ ସେବା ବ୍ୟତୀତ ସମସ୍ତ ଦୋକାନ, ମଲ ଓ ଅନ୍ୟ ସାର୍ବଜନୀନ ସ୍ଥଳ ବନ୍ଦ ରହିଛି।

   Related Posts