Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାଛ ଧରିବା ବେଳେ ଜାଲରେ ପଡିଲା ୯ ଫୁଟିଆ ଅଜଗର

16/08/2020 at 9:48 AM

ଖଲ୍ଲିକୋଟ ୧୬।୮: ମାଛ ଧରିବା ବେଳେ ଜାଲରେ ପଡିଲା ୯ ଫୁଟ ଲମ୍ବର ଅଜଗର ସାପ । ଆଜି ସକାଳୁ ସକାଳୁ ଗଞ୍ଜାମ ଜିଲ୍ଲା ଛତ୍ରପୁର ତମ୍ପରା ହ୍ରଦକୁ ତରେଇ ପାଟପୁର ଗ୍ରାମର କନ୍ଧ ବେହେରା ମାଛ ଧରିବା ପାଇଁ ଡଙ୍ଗା ନେଇ ଯାଇଥିଲେ । ସେ ମାଛ ଧରିବା ସମୟରେ ତାଙ୍କ ଜାଲରେ ଏକ ଅଜଗର ସାପ ଧରା ପଡିଥିଲା । ସେହି ସାପକୁ ସେ ଧରି କୂଳକୁ ଆଣିଥିଲେ ।

ଖବର ପାଇ ଘଟଣାସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି ସାପଟିକୁ ଉଦ୍ଧାର କରିଥିଲେ । ଏହା ଅଜଗର ସାପ ବୋଲି ବନ ବିଭାଗ ଚିହ୍ନଟ କରିଥିଲା । ଏହାସହ ତାର ଲମ୍ବ ୯ ଫୁଟ ବୋଲି ବନ ବିଭାଗ ମାପିଥିଲା । ପରେ ଉକ୍ତ ସାପକୁ ଜଙ୍ଗଲରେ ଛଡାଯିବ ବୋଲି ବନ ବିଭାଗ ପକ୍ଷରୁ କୁହାଯାଇଛି । ଏହି ସାପଟିକୁ ଦେଖିବା ପାଇଁ ଲୋକଙ୍କ ଭିଡ ମଧ୍ୟ ଜମିଥିଲା ।

   Related Posts