Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ବାୟୁସେନା ଦିବସ : ଆକାଶରେ ଗର୍ଜିଲା ରାଫେଲ୍, ଆପେଚେ ଓ M-35 ଦେଖାଇଲେ ଦମ୍

8/10/2020 at 11:51 AM

ନୂଆଦିଲ୍ଲୀ ୦୮।୧୦ : ରାଫେଲ୍ ଦେଖାଇଲା ଦମ୍ । ବାୟୁସେନାର ୮୮ତମ ପ୍ରତିଷ୍ଠା ଦିବସ ପାଳନ ଅବସରରେ ଗାଡିଆବାଦ ହିଣ୍ଡନ ଏୟାରବେସରେ ବାୟୁସେନା ନିଜର ଶକ୍ତି ପ୍ରଦର୍ଶନ କରିଛି । ଏଥିରେ ରାଫେଲ, ସୁଖୋଇ, ଜାଗୁଆର ଏବଂ ତେଜସ୍ ସହ ଅନ୍ୟ ଯୁଦ୍ଧ ବିମାନ ପରାକ୍ରମ ପ୍ରଦର୍ଶନ କରିଛନ୍ତି । ଏୟାରଫୋର୍ସ ଡେ’ ପାଳନ ଅବସରରେ ଭାରତୀୟ ଲଢୁଆ ଯୁଦ୍ଧ ବିମାନ ଆକାଶରେ ଦୁଃସାହସିକ ଫ୍ଲାଇ ପାଷ୍ଟ କରିଛନ୍ତି । ଏଥିରେ ଚିନୁକ୍, ଆପାଚେ ଏବଂ MI-35 ହେଲିକପ୍ଟର ସାମିଲ ହୋଇଛନ୍ତି । ଏସବୁ ଯୁଦ୍ଧ ବିମାନ ଆକାଶରେ ସୁଦୃଶ୍ୟ ଏକଲବ୍ୟ ଫର୍ମେସନ କରିଛନ୍ତି । ୫୬ଟି ଏୟାରକ୍ରାଫ୍ଟ ସହ ଏଥର ରାଫେଲ୍ ଯୁଦ୍ଧ ବିମାନ ମଧ୍ୟ ବାୟୁସେନା ଦିବସର ଫ୍ଲାଇଙ୍ଗ୍ ମାର୍ଚ୍ଚରେ ସାମିଲ ହୋଇଛି ।

ବାୟୁସେନା ଯବାନଙ୍କ ସମେତ ବିଭିନ୍ନ ବିମାନର ପାଇଲଟ, ପାରାଟ୍ରୁପରମାନେ ଅଭ୍ୟାସ କରିଛନ୍ତି । ହିଣ୍ଡନରେ ଫୁଲ ଡ୍ରେସ ରିହରସଲ ବି କରାଯାଇଥିଲା । ସୀମାରେ ଉଭୟ ଚୀନ ଏବଂ ପାକିସ୍ତାନ ସହିତ ତିକ୍ତତା ଲାଗି ରହିଥିବା ବେଳେ ବାୟୁସେନା ଦିବସରେ ଭାରତର ଶକ୍ତି ପ୍ରଦର୍ଶନ ଭାରତର ଶକ୍ତି ଜାହିର କରିଛି । ଭାରତୀୟ ବାୟୁସେନାର ପ୍ରତିଷ୍ଠା ଦିବସରେ ବାୟୁସେନା ମୁଖ୍ୟ ଭଦୋରିଆ ଅନେକ ବାୟୁବୀରଙ୍କୁ ସମ୍ମାନିତ କରିଛନ୍ତି ।

ବାଲାକୋଟ ଷ୍ଟ୍ରାଇକରେ ସାମିଲ ଥିବା ବାୟୁସେନା ଯବାନଙ୍କୁ ଯୁଦ୍ଧ ସେବା ମେଡାଲ ପ୍ରଦାନ କରାଯାଇଛି । ଏହି ଉତ୍ସବରେ ତିନି ସେନା ମୁଖ୍ୟ ଏବଂ CDS ବିପିନ ରାୱତ ଉପସ୍ଥିତ ଥିଲେ । ପ୍ରଥମେ ବାୟୁସେନା ମୁଖ୍ୟ ଭଦୋରିଆ ଗାର୍ଡ ଅଫ ଅନରରେ ଅଭିବାଦନ ଗ୍ରହଣ କରିବା ପରେ ଗ୍ରୁପ କ୍ୟାପଟେନ୍ ସାଗରଙ୍କ ନେତୃତ୍ବରେ ପରେଡ୍ କରାଯାଇଥିଲା । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାୟୁସେନାର ବୀର ଯବାନଙ୍କୁ ଅଭିନନ୍ଦନ ଜଣାଇଛନ୍ତି । ଯବାନଙ୍କ ସାହସ ଶୌର୍ଯ୍ୟ ଏବଂ ସମର୍ପଣ ପ୍ରେରଣା ଦିଏ ବୋଲି ମୋଦି କହିଛନ୍ତି ।

ଦେଶର ସୁରକ୍ଷା ଏବଂ ସାର୍ବଭୋମତ୍ବ ପାଇଁ ବାୟୁ ସେନା ଯବାନ କିଛି ବି କରିବେ ବୋଲି ବାୟୁ ସେନା ମୁଖ୍ୟ କହିଛନ୍ତି । ବାୟୁସେନା ଦିବସ ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ସମେତ ଦେଶର ଅନେକ ବିଶେଷ ବ୍ୟକ୍ତି ବାୟୁସେନାର ଯବାନ, ପାଇଲଟ୍ ଏବଂ କର୍ମଚାରୀମାନଙ୍କୁ ଅଭିନନ୍ଦନ ଜଣାଇଛନ୍ତି ।

   Related Posts