ବ୍ରିଟେନ୍,୦୮/୧୨: ବ୍ରିଟେନରେ କରୋନା ମହାମାରୀକୁ ନଜରରେ ରଖି ମଙ୍ଗଳବାରଠାରୁ ଆରମ୍ଭ ହୋଇଛି ଟିକାକରଣ ଅଭିଯାନ । ଇଂଲଣ୍ଡର ଉତ୍ତରପୂର୍ବରେ ରହୁଥିବା ୮୭ ବର୍ଷୀୟ ଭାରତୀୟ ବଂଶୋଦ୍ଭବ ହରି ଶୁକ୍ଲାଙ୍କୁ ପ୍ରଥମେ ଭାକସିନ୍ ଦିଆଯିବ । ବିଶ୍ୱର ପ୍ରଥମ ଟିକା ନେବାକୁ ଥିବା ବ୍ୟକ୍ତି ହେଲେ ହରି ଶୁକ୍ଲା । ତାଙ୍କୁ ନ୍ୟୁକାସଲର ଏହ ହସ୍ପିଟାଲରେ ଭାକସିନ ଦିଆଯିବ ।
ଟାଇନ୍ ଆଣ୍ଡ ବିଅରରେ ରହୁଥିବା ହରି କହିଛନ୍ତି ଯେ, ଭାକସିନର ପ୍ରଥମ ଡୋଜ୍ ପ୍ରାପ୍ତ କରିବା ତାଙ୍କର କର୍ତ୍ତବ୍ୟ । ଟିକାକରଣର ପ୍ରଥମ ଦିନକୁ ପ୍ରଧାନମନ୍ତ୍ରୀ ବୋରିସ ଜନସନ ଭି-ଡେ କହିଛନ୍ତି ।
ହରି ଆହୁରି କହିଛନ୍ତି ଯେ, କରୋନା ମହାମାରୀ ଅତିଶୀଘ୍ର ଚାଲିଯିବ ବୋଲି ଆଶା କରାଯାଉଛି । ତାଙ୍କୁ ପ୍ରଥମେ ଭାକସିନ୍ ଦିଆଯିବ । ଏଥିପାଇଁ ଖୁସି ଲାଗୁଛି । ବ୍ରିଟେନର ଏନଏଚଏଶ ତାଙ୍କୁ ଭାକସିନ୍ ପାଇଁ ପ୍ରଥମେ ଯୋଗଯୋଗ କରିଥିଲା । ଟିକା ପ୍ରସ୍ତୁତି ପାଇଁ ବହୁତ ପରିଶ୍ରମ କରାଯାଇଛି । ଏହାସହ ସରକାରଙ୍କୁ ସବୁ ପ୍ରକାର ସହଯୋଗ କରିବାକୁ ସେ ପ୍ରସ୍ତୁତ ଥିବା କହିଛନ୍ତି ।
ସୂଚନାଯୋଗ୍ୟ, ବ୍ରିଟେନରେ ୮୦ ବର୍ଷରୁ ଅଧିକ ବୟସର ଲୋକଙ୍କ ଉପରେ କରୋନା ବିପଦ ଅଧିକ ରହିଛି । ଏମାନଙ୍କୁ ସର୍ବପ୍ରଥମେ ଟିକାର ପ୍ରଥମ ଡୋଜ୍ ଦିଆଯିବ ।