Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ଦେଶରେ ପ୍ରଥମେ ୮୪ ବର୍ଷୀୟ କରୋନା ରୋଗୀଙ୍କୁ ଦିଆଗଲା ଆଣ୍ଟିବଡି କକ୍‌ଟେଲ ଔଷଧ, ଟ୍ରମ୍ପଙ୍କ ଚିକିତ୍ସାରେ ହୋଇଥିଲା ବ୍ୟବହାର

26/05/2021 at 6:35 PM

ନୂଆଦିଲ୍ଲୀ ୨୬/୫: କରୋନା ଲଢ଼େଇରେ ଆଉ ଏକ ଅସ୍ତ୍ରର ପ୍ରୟୋଗ ହୋଇଛି। ହରିୟାଣାର ଜଣେ ୮୪ ବର୍ଷୀୟ କରୋନା ରୋଗୀ ମୋହବତ ସିଂହଙ୍କୁ ଦେଶର ପ୍ରଥମେ  ଆଣ୍ଡିବଡି କକ୍‌ଟେଲ୍‌ ଦିଆଯାଇଛି। ଆମେରିକାର ପୂର୍ବତନ ରାଷ୍ଟ୍ରପତି କରୋନାରେ ସଂକ୍ରମିତ ହେବା ପରେ ତାଙ୍କୁ ଏହି ଔଷଧ ଦିଆଯାଇଥିଲା। ମିଳିଥିବା ସୂଚନା ଅନୁସାରେ ଗୁରୁଗ୍ରାମର ମେଦାନ୍ତ ହସ୍ପିଟାଲରେ ଚିକିତ୍ସାଧୀନ ଥିବା ମୋହବତ ସିଂହଙ୍କୁ ୩୦ ମିନିଟ୍‌ ଯାଏଁ ଆଣ୍ଟିବଡି କକ୍‌ଟେଲ୍‌ ଔଷଧ ଦିଆଯାଇଛି ।   ସେ କରୋନା ସଂକ୍ରମିତ ହେବା ପରେ ୫ ଦିନ ହେଲା ହସ୍ପିଟାଲରେ ଚିକିତ୍ସାଧୀନ ଅଛନ୍ତି।

ଏବେ ଏହି ଔଷଧ Casirivimab ଓ Imdevimab କକ୍‌ଟେଲ୍‌ କରୋନା ରୋଗୀଙ୍କ ଶରୀରରେ ଭଲ କାମ ଦେଉଥିବା କୁହାଯାଉଛି। ଆଣ୍ଟିବଡି କକ୍‌ଟେଲ ନେବା ପରେ ରୋଗୀଙ୍କ ଶରୀରରେ ଲକ୍ଷଣ ଅବଧି କମୁଥିବା ବେଳେ ଶୀଘ୍ର ଆଣ୍ଟିବଡି ବୃଦ୍ଧି କରି ଭାଇରାଲ୍‌ ଲୋଡ କମ୍‌ କରିବାରେ ସହାୟକ ହେଉଛି। ରୋଶେ ଏବଂ ସିପ୍ଲା ଲିମିଟେଡ୍‌ର ଘୋଷଣା ମୁତାବିକ ଗତ ସୋମବାର ରୋଶେ ଆଣ୍ଟିବଡି କକ୍‌ଟେଲ ଔଷଧର ପ୍ରଥମ ଫେଜ୍‌ ଭାରତରେ ପହଞ୍ଚିଛି ।

ତେବେ ଏହି ଔଷଧକୁ ଜଣେ କୋଭିଡ ରୋଗୀଙ୍କ ଶରୀରରେ ଦେବା ଫଳରେ ଏହା ଭୂତାଣୁ ବିଭକ୍ତିକରଣକୁ ରୋକିଦିଏ । ଯାହାଫଳରେ ଶରୀରରେ କରୋନା ଭାଇରାସ୍‌ କାୟା ମେଲାଇ ପାରେନାହିଁ। ଧିରେ ଧିରେ ଭୂତାଣୁ ନଷ୍ଟ ହୋଇଯାଏ ବୋଲି ମେଦାନ୍ତ ହସ୍ପିଟାଲ ଅଧ୍ୟକ୍ଷ ଡାକ୍ତର ନରେଶ ରେହାନ କହିଛନ୍ତି। ମିଳିଥିବା ଗବେଷଣା ତଥ୍ୟ ଅନୁସାରେ ଏହି ଔଷଧ ନେବା ପରେ ପ୍ରାୟ ୮୦ ପ୍ରତିଶତ ରୋଗୀଙ୍କୁ ହସ୍ପିଟାଲ ଯିବାକୁ ପଡ଼ିବନାହିଁ।

ଗତବର୍ଷ ଆମେରିକାର ତତ୍କାଳୀନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରୋନା ପଜିଟିଭ୍‌ ଚିହ୍ନଟ ହେବା ପରେ ହସ୍ପିଟାଲରେ ଭର୍ତ୍ତି ହୋଇଥିଲେ। ତାଙ୍କୁ ଚିକିତ୍ସା ବେଳେ ମନୋକ୍ଲୋନାଲ ଆଣ୍ଟିବଡି କକ୍‌ଟେଲ୍‌ ଦିଆଯାଇଥିଲା। ଔଷଧର ପ୍ରଭାବ ଏମିତି ରହିଲା ଯେ, ଟ୍ରମ୍ପ କେବଳ ଗୋଟିଏ ସପ୍ତାହରେ ସୁସ୍ଥ ହୋଇ ପୁଣି କାର୍ଯ୍ୟକୁ ଫେରିପାରିଥିଲେ। ହସ୍ପିଟାଲରେ ଔଷଧର ଦାମ  ପାଖାପାଖି  ୫୯୦୦୦ ଟଙ୍କାରେ ରହିଥିବା ବେଳେ ଏହାର ବ୍ୟବସାୟ ଦାୟିତ୍ବରେ ରହିଛି ସିପ୍ଲା ଲିମିଟେଡ୍‌ ।  କରୋନା ଚିକିତ୍ସରରେ ଏହି ଔଷଧର ଗୋଟିଏ ପାନ  ଆବଶ୍ୟକ ପଡ଼ୁଥିବା ଜଣାପଡ଼ିଛି।   

   Related Posts